Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ମହାରାଜା ସିନେମା ହଲରେ ବାଣୀବିହାର ପୁର୍ବତନ ଛାତ୍ରନେତାଙ୍କ ଦାଦାଗିରି, ଫିଲ୍ମ ଷ୍ଟାଇଲେରେ କଲେ ଆତଙ୍କରାଜ: ସାମ୍ବାଦିକଙ୍କ ଉପରେ ମରଣାନ୍ତକ ଆକ୍ରମଣ

26/01/2019 at 7:09 PM

ଭୁବନେଶ୍ବର୨୬|୧: ବାଣିବିହାର ପୁର୍ବତନ ଛାତ୍ରନେତାଙ୍କ ଦାଦାଗିରି । ସିନେମା ହଲରେ ବସି ସିନେମା ଦେଖୁଥିବା ବେଳେ ସିନେମା ଦେଖୁଥିବା ଝିଅ ମାନଙ୍କୁ କରିଥିଲେ ଅଶାଳିନ ବ୍ୟବହାର । ଆଉ ଏହାକୁ ପ୍ରତିବାଦ କରିବାକୁ ଯାଇ ଜଣେ ସାମ୍ବାଦିକ ହୋଇଛନ୍ତି ଲହୁ ଲୁହାଣ ।

ଆମେ ଯାହା ଚାହିଁବୁ ତାହା କରିବୁ । ଆମର କେହି କିଛି କରିପାରିବେ ନାହିଁ । ସହିଦ ନଗର ଥାନାର କିଛି ଦୁରରେ ଥିବା ଏକ ସିନେମା ହଲରେ ଶନିବାର ପ୍ରାୟ ୧୦ ଜଣ ଛାତ୍ର ଓ ଅଣଛାତ୍ର ସିନେମା ଦେଖୁଥିବା ସମୟରେ ହଲରେ ଥିବା ଅନ୍ୟ ଦର୍ଶକମାନଙ୍କୁ ଗାଳିଗୁଲଜ କରିବା ସହିତ ଯୁବତୀଙ୍କୁ ସିନେମା ଷ୍ଟାଇଲରେ ଅଭଦ୍ର ବ୍ୟବହାର କରିଥିଲେ । ଏପରିକି ସିନେମା ଦେଖା ଏମାନଙ୍କର ଥିଲା ଏକ ବାହାନା ମାତ୍ର ।

ଏଠାରେ ଏହି ଯୁବକ ମାନେ ନିଜକୁ ସିନେମା ହଲର ମାଲିକ ଭଳି ଅନ୍ୟକୁ ବ୍ୟବହାର କରୁଥିବା ଦେଖିବାକୁ ମିଳିଥିଲା । ଏହାକୁ ଦେଖି କିଛି ସିନେମା ଦେଖୁଥିବା ବ୍ୟକ୍ତି ବିରୋଧ ମଧ୍ୟ କରିଥିଲେ ।ଏହି ଯୁବକଙ୍କ ଅଭଦ୍ରାମିର ସୀମା ଉଲଙ୍ଘନ ଦେଖି ହଲରେ ସିନେମା ଦେଖିବାକୁ ଯାଇଥିବା ଜଣେ ସାମ୍ବାଦିକ ଏହାକୁ ବିରୋଧ କରିଥିଲେ । ବାସ ଏହାପରେ ସେହି ୧୦ଜଣଯାକ ଯୁବକ ସାମ୍ବାଦିକଙ୍କ ଉପରକୁ ଝାମ୍ପି ପଡିବା ସହିତ ତାଙ୍କୁ ମାରଣାନ୍ତକ ଆକ୍ରମଣ କରିଥିଲେ ।

ଏହି ଘଟଣାରେ ସାମ୍ବାଦିକ ଜଣକ ତୁରନ୍ତ ସହିଦ ନଗର ଥାନା ପୋଲିସକୁ ଖବର ଦେଇଥିଲେ । ସହିଦ ନଗର ଥାନାର ପିସିଆର ଘଟଣା ସ୍ଥଳରେ ପହଁଚି ଗଣ୍ଡଗୋଳ କରୁଥିବା ପିଲାଙ୍କ ମଧ୍ୟରୁ ଜଣେ ଦୁଇଜଣଙ୍କୁ ଥାନାକୁ ଆଣିଥିଲେ । ଏପରିକି ମାଡ ଖାଇଥିବା ସାମ୍ବାଦିକଙ୍କୁ ପୋଲିସ ଏକ ଏତଲା ଦେବାପାଇଁ ପରାମର୍ଶ ଦେଇଥିଲେ । ହେଲେ କିଛି ସମୟପରେ ସେହି ଯୁବକଙ୍କୁ କିଛି ପଚରା ଉଚୁରା ନକରି ପୋଲିସ ଛାଡି ଦେଇଥିଲା ।

ତେବେ ଏଠାରେ ପ୍ରଶ୍ନ ଉଠୁଛି କାହା ପ୍ରେସରରେ ଅପରାଧୀଙ୍କୁ  ଥାନାରୁ ଛାଡିଦିଆଗଲା । ଏହି ଯୁବକ ମାନେ ବିଭିନ୍ନ ସପିଂ ମଲରେ ପୁର୍ବରୁ ପଶି ଏହିଭଳି କାଣ୍ଡ କରୁଥିବା ଅଭିଯୋଗ ହୋଇଛି । ପୋଲିସ ତୁରନ୍ତ ଏହି ଯୁବକ ମାନଙ୍କୁ ଚିହ୍ନଟ କରି ଗିରଫ କରିବାର ଆବଶ୍ୟକତା ରହିଛି ।

   Related Posts