Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ନିଆରା ବାହାଘର : ବାଇକ୍‌ରେ ଆସିଲା ବର, ବିବାହ ପରେ ସେହି ବାଇକରେ କନ୍ୟାକୁ ନେଇ ଘରକୁ ଫେରିଲେ

28/04/2020 at 3:46 PM

ସିକର ୨୮/୦୪ : କରୋନା ଭାଇରସ ଜଗବ ସାରା ଦେଶରେ ଲକଡାଉନ ଜାରି ରହିଥିବା ସମୟରେ ରାଜସ୍ତାନ ସିକରରେ ଅନୁଷ୍ଠିତ ହୋଇଥିବା ଏକ ବିବାହ ବର୍ତ୍ତମାନ ଚର୍ଚ୍ଚାର ବିଷୟ ହୋଇଛି | ଲକଡାଉନ ଯୋଗୁଁ ଅନେକଙ୍କ ବିବାହ ସ୍ଥଗିତ ରହିଥିବାବେଳେ କିଛି ଦମ୍ପତ୍ତି ଭିଡିଓ କନଫରେନସିଂ ଜରିଆରେ ବିବାହ କରୁଛନ୍ତି ତ କିଛି ୫-୭ ଜଣଙ୍କ ଉପସ୍ଥିତିରେ ସାଧାରଣ ଭାବେ ବିବାହ କରୁଛନ୍ତି | ଆବଶ୍ୟକ ସ୍ଥଳେ ସାମାଜିକ ଦୂରତାକୁ ଦୃଷ୍ଟିରେ ରଖି କିଛି ବିବାହ ସମ୍ପନ୍ନ କରାଯାଉଛି | ରାଜସ୍ତାନ ସିକରରେ ଅନୁଷ୍ଠିତ ହୋଇଥବା ଏହି ବିବାହରେ ସାମାଜିକ ଦୂରତା ନିୟମ ପାଳନ କରାଯାଇଥିଲା | ବିବାହରେ ନା ଥିଲା ବ୍ୟାଣ୍ଡ ବାଜା ନା ବରଯାତ୍ରୀ | ବର ବାଇକ ନେଇ ୪ ଜଣ ବରଯାତ୍ରୀଙ୍କ ସହ କନ୍ୟା ଘରେ ପହଞ୍ଚିଥିଲେ | ବିବାହ ପରେ ନିଜ କନ୍ୟାକୁ ନେଇ ବର ନିଜ ଘରକୁ ଫେରିଥିଲେ |

ସିକର ଶିଖପୁରା ଅଞ୍ଚଳର କମଲ ଶର୍ମାଙ୍କ ବିବାହ ମେଘାଙ୍କ ସହ ଠିକ ହୋଇଥିଲା | ମେଘାଙ୍କ ଘର ମଧ୍ୟ ସିକରରେ | ବିବାହ ୨ ମାସ ପୂର୍ବରୁ ଠିକ ହୋଇଥିଲା | କିନ୍ତୁ ଲକଡାଉନ ଯୋଗୁଁ ଏମାନେ ବରଯାତ୍ରୀ ନ ନେଇ ଧୂମଧାମରେ ବାହାଘର ନ କରି ମାତ୍ର ୪ଜଣ ବରଯାତ୍ରୀ ନେଇ ବିବାହ କରିଥିଲେ | ସୋମବାର ସନ୍ଧ୍ୟାରେ ବର ନିଜ ବୁଲେଟ ଧରି କନ୍ୟା ଘରେ ପହଞ୍ଚିଥିଲେ | ବର ବୁଲେଟରେ ଆସିଥିବା ଦେଖି ଲୋକେ ବହୁତ ପ୍ରଶଂସା କରିଥିଲେ | ବିବାହ ସାରି ମଙ୍ଗଳବାର ସକାଳୁ କମଲ ମେଘାଙ୍କୁ ନେଇ ନିଜ ଘରେ ପହଞ୍ଚିଥିଲେ |

କମଲ କହିଛନ୍ତି କରୋନା ପାଇଁ ସେ ଏହିଭଳି ପଦକ୍ଷେପ ନେଇଛନ୍ତି | ତେବେ ଏହିଭଳି ବିବାହ କରିଥିବା ଯୋଗୁଁ ସେ ଅତ୍ୟନ୍ତ ଖୁସି ବୋଲି କହିଛନ୍ତି | ଅତି ସାଧାରଣ ଭାବେ ଅନୁଷ୍ଠିତ ହୋଇଥିବା ଏହି ବିବାହରେ ଖର୍ଚ୍ଚ ମଧ୍ୟ ହୋଇନଥିଲା | ଏହିଭଳି ଏକ ବିବାହ କରି କମଲ ସମାଜକୁ ଏକ ସନ୍ଦେଶ ମଧ୍ୟ ଦେଇଛନ୍ତି ଯେ ବିବାହରେ ଅଯଥା ଖର୍ଚ୍ଚ କରିବା ଉଚିତ ନୁହେଁ |

ଅତି ସାଧାରଣ ଓ ନିଆରା ଢଙ୍ଗରେ ସମ୍ପନ୍ନ ହୋଇଥିବା ବିବାହକୁ ନେଇ ମେଘା ମଧ୍ୟ ଅତ୍ୟନ୍ତ ଖୁସି | ବିବାହ ପରେ ସେ କମଲଙ୍କ ସହ ବୁଲେଟରେ ନିଜ ଶାଶୁଘରକୁ ଯାଇଥିଲେ | ସେ କହିଛନ୍ତି ବୁଲେଟରେ ନିଜ ଶାଶୁଘରକୁ ଆସିବାରେ ତାଙ୍କୁ ଯେତିକି ଖୁସି ଅନୁଭୂତ ହେଉଛି ସେତିକି କାରରେ ବିଦା ହୋଇ ଆସିଥିଲେ ହୋଇନଥାନ୍ତା | ମେଘା ମଧ୍ୟ ବିବାହ ସମୟରେ ସମସ୍ତଙ୍କୁ ସାମାଜିକ ଦୂରତା ପାଳନ କରିବାକୁ ଅପିଲ କରିଥିଲେ |

ବିବାହ ସମୟରେ ବର କନ୍ୟାଙ୍କ ସହ ପଣ୍ଡିତ ମଧ୍ୟ ମାସ୍କ ପିନ୍ଧିଥିଲା | ବର କନ୍ୟାଙ୍କ ମାତା ପିତା ମଧ୍ୟ ମାସ୍କ ପିନ୍ଧିଥିଲେ | ମାସ୍କ ପିନ୍ଧି ସମସ୍ତେ ବିବାହର ସମସ୍ତ ରୀତିନୀତି ସମ୍ପନ୍ନ କରିଥିଲେ | କେବଳ ସେତିକି ନୁହେଁ କନ୍ୟାଦାନ ସମୟରେ ମେଘାଙ୍କ ପିତା ସମସ୍ତଙ୍କୁ ମାସ୍କ ଓ ସାନିଟାଇଜର ଉପହାର ଦେଇଥିଲେ |

   Related Posts