ସୁନ୍ଦରଗଡ଼ ୦୩/୧୧: ୧୦୮ ଆମ୍ବୁଲାନ୍ସ କର୍ମଚାରୀଙ୍କ ମହାନତା । ସୁନ୍ଦରଗଡ଼ ଲାଠିକଟା ବ୍ଲକ ରାମଜୋଡୀ ପଂଚାୟତର କୁଚେଢିପା ଗାଁ, ଗାଁକୁ ରାସ୍ତା ନାହିଁ । କେବଳ ଚାଲି କି ଯିବା ହିଁ ଗୋଟିଏ ମାତ୍ର ମାଧ୍ୟମ । ଏହି ଗାଁର ଜଣେ ମହିଳା ଗୁରୁତର ହୋଇଯିବାରୁ ଗାଁ ଲୋକ ୧୦୮କୁ ଫୋନ କରିଥିଲେ ।
ତତକ୍ଷଣାତ ଆମ୍ବୁଲାନ୍ସ ବି ପହଞ୍ଚିଥିଲା ହେଲେ ଗାଁକୁ ରାସ୍ତା ନଥିବାରୁ ପଶି ପାରିନଥିଲା ଆମ୍ବୁଲାନ୍ସ । ଆଉ ଏତିକି ବେଳେ ମହିଳା ଜଣଙ୍କ ଗୁରିତର ଅବସ୍ଥାକୁ ଦେଖି ୧୦୮ କର୍ମଚାରୀ ନିଜେ ଷ୍ଟ୍ରେଚରରେ ରୋଗୀକୁ ପ୍ରାୟ ଗୋଟିଏ କିଲୋମିଟର ବୋହି ନେଇ ପୁଣି ଆମ୍ବୁଲାନ୍ସରେ ମେଡିକାଲକୁ ନେଇଥିଲେ ।