ମୁମ୍ବାଇ୧|୧୦: ମୁମ୍ବାଇର ସାଲାଡ୍ ଅଞ୍ଚଳରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଦୁଇ ବର୍ଷ ଶିଶୁକୁ ହତ୍ୟା କଲା ଜେଜେ ମାଆ। ହତ୍ୟାକାରୀ ଜେଜେ ମାଆକୁ ପୋଲିସ ଗିରଫ କରିଛି। ତଦନ୍ତରେ ଜଣାପଡିଛି ଯେ, ଅଭିଯୁକ୍ତ ମହିଳାର ୨ଜଣ ନାତି ଓ ନାତୁଣୀ ଥିଲେ। ଏମାନେ ସବୁ ବେଳେ ଖେଳକୁଦ କରିବା ସହ ପରସ୍ପର ମଧ୍ୟରେ ଝଗଡ଼ା ଲାଗୁଥିଲେ। ଏଥିରେ ବିରକ୍ତି ହୋଇ ୨ ବର୍ଷର ଶିଶୁକୁ ୬ ମହଲା ଉପରକୁ ପିଙ୍ଗି ଜେଜେ ମାଆ ହତ୍ୟା କରିଥିଲା।
ଗିରଫ ଅଭିଯୁକ୍ତ ମହିଳାଙ୍କ ନାଁ ରୁଖସାନା ଅନସାରୀ। ଶନିବାର ସକାଳୁ ୨ ବର୍ଷ ଛୋଟ ଝିଅର ଶବ ଆପାର୍ଟମେଣ୍ଟର ପରିସରରୁ ମିଳିଥିଲା। ପ୍ରଥମରୁ ପୋଲିସ ଅନୁମାନ କରୁଥିଲେ ଯେ ଛୋଟ ଝିଅଟି ଛାତ ଉପରୁ ପଡ଼ିଯାଇଥିବ। କିନ୍ତୁ ଶିଶୁର ଶବ ବ୍ୟବଚ୍ଛେଦ ପରେ ପ୍ରକୃତ ଘଟଣାର ପର୍ଦ୍ଦାଫାଶ ହୋଇଥିଲା। ୨ ବର୍ଷର ଛୋଟ ଶିଶୁଟିକୁ ୬ ମହଲା ଉପରୁ ତଳକୁ ପିଙ୍ଗି ଜେଜେ ମାଆ ହତ୍ୟା କରିଥିବା କଥା ସ୍ପଷ୍ଟ ହୋଇଥିଲା। ହତ୍ୟାକାରୀ ଜେଜେ ମାଆର ମିଛ ଅଧିକ ଦିନ ପର୍ଯ୍ୟନ୍ତ ଲୁଚି ରହି ନଥିଲା। ପୋଲିସର ସନ୍ଧାନକାରୀ ଆଖି ଶେଷରେ ଜେଜେ ମାଆ ଉପରେ ପଡିଥିଲା। ଖୋଳତାଡ଼ ପରେ ହତ୍ୟାକାରୀ ଜେଜେମାଆକୁ ପୋଲିସ ଗିରଫ କରିଥିଲା।
ହତ୍ୟାକାରୀ ଜେଜେ ମାଆ କହିବା ଅନୁସାରେ ତାଙ୍କ ଝିଅଙ୍କ ଛୋଟ ଝିଅ ଓ ପୁଅ ମଧ୍ୟମରେ ଅଧିକାଂଶ ସମୟରେ ଝଗଡା ଲାଗୁଥିଲେ। ଛୋଟ ଝିଅଟି ଉପରେ ଜେଜେ ମାଆ ବିରକ୍ତି ହୋଇ ୬ ମହଲା ଉପରକୁ ପିଙ୍ଗି ଦେବା କଥା ପୋଲିସା ସାମ୍ନାରେ ହତ୍ୟାକାରୀ ଜେଜେ ମାଆ ସ୍ବୀକାର କରିଛି।
