ଭୁବନେଶ୍ୱର -କୃଷକ ଉନ୍ନୟନ ପାଣ୍ଠି ନାଁରେ ପୁଣି ଚାଷୀଙ୍କୁ ଟଙ୍କା ବାଣ୍ଟିବେ ସରକାର । ଯେଉଁମାନେ ଅସହାୟ କୃଷକ ଅଛନ୍ତି ସେମାନଙ୍କୁ ୨୦ ହଜାର ଟଙ୍କା ଲେଖାଁଏ ଦେବାକୁ ପ୍ରକ୍ରିୟା ଆରମ୍ଭ କରିବାକୁ କୋ-ଅପରେଟିଭ ସୋସାଇଟି ରେଜିଷ୍ଟ୍ରାରଙ୍କୁ ଚିଠି ଲେଖିଛି ସମବାୟ ବିଭାଗ ।
ଗତ ବଜେଟରେ କୃଷକ ଉନ୍ନୟନ ପାଣ୍ଠି ପାଇଁ ବ୍ୟୟ ବରାଦ ହୋଇଥିବା ୨୫୦ କୋଟି ଟଙ୍କାକୁ ଏଭଳି ଢଙ୍ଗରେ ବଣ୍ଟାଯିବ । ଅସହାୟ ଚାଷୀଙ୍କୁ ସ୍ଥାନୀୟ ସରପଞ୍ଚଙ୍କ ଜରିଆରେ ଟଙ୍କା ଦେବାର ବ୍ୟବସ୍ଥା ଅଛି । ଗତବର୍ଷ ଏନେଇ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିବା ଏକ ବୈଠକରେ ନିଷ୍ପତ୍ତି ହୋଇଥିଲେ ବି ଏତେ ଡେରିରେ କାହିଁକି ଚାଷୀଙ୍କ କଥା ସରକାର ଉଠାଉଛନ୍ତି ତାକୁ ନେଇ ବିରୋଧୀ ପ୍ରଶ୍ନ କରିଛନ୍ତି ।
ସେହିଭଳି ସରପଞ୍ଚଙ୍କ ଜରିଆରେ ଅସହାୟ ଚାଷୀଙ୍କୁ ଟଙ୍କା ଦେବାକୁ ଯେଉଁ ଯୋଜନା ହୋଇଛି ସେଥିରେ ଦଳୀୟ ରାଜନୀତି ଗନ୍ଧ ରହିବ ବୋଲି ବିରୋଧୀ ଆକଳନ କରୁଛନ୍ତି । ଏହି ଯୋଜନାରେ ସରକାର ଆମ ଆଦମୀ ବୀମା ଯୋଜନା କରି ୧୮ ରୁ ୬୦ ବର୍ଷ ବୟସର କୃଷକଙ୍କୁ ଅନ୍ତର୍ଭୁକ୍ତ କରିବାକୁ ଯୋଜନା କରୁଛନ୍ତି ସରକାର ।…