Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

୨୩ କମ୍ପାନୀରେ ଥିବା ନିଜର ଅଂଶଧନ ବିକିବେ ସରକାର, ସୀତାରମଣ କହିଲେ- ଉପଯୁକ୍ତ ସମୟକୁ ଅପେକ୍ଷା

27/07/2020 at 9:52 PM

ନୂଆଦିଲ୍ଲୀ ୨୭।୦୭:  କେନ୍ଦ୍ରର ମୋଦୀ ସରକାର ସାର୍ବଜନୀନ କ୍ଷେତ୍ରର ୨୩ କମ୍ପାନୀରେ ସରକାରଙ୍କ ଥିବା ଅଂଶଧନ ବିକ୍ରି କରିବାକୁ ଯାଉଛନ୍ତି। ଏ ନେଇ ପ୍ରକ୍ରିୟା ଜାରି ରହିଥିବା ସୋମବାର କହିଛନ୍ତି କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ। ଏହି କମ୍ପାନୀଗୁଡିକର ଅଂଶଧନ ବିକ୍ରିକୁ ମନ୍ତ୍ରିମଣ୍ଡଳରୁ ମଞ୍ଜୁରୀ ମିଳି ସାରିଛି। ସରକାର ଏମିତି ସମୟରେ ସାର୍ବଜନୀନ କମ୍ପାନୀରେ ଥିବା ନିଜର ଅଂଶଧନ ସେହି ସମୟରେ ବିକିବାକୁ ଚାହୁଁଛନ୍ତି ଯେବେ ସଠିକ୍ ମୂଲ୍ୟ ମିଳିବ ବୋଲି ସୀତାରମଣ କହିଛନ୍ତି।

ସୀତାରମଣ କହିଛନ୍ତି ପୂର୍ବରୁ ହିଁ ୨୨-୨୩ ପିଏସୟୁକୁ ନିବେଶ ପାଇଁ ମନ୍ତ୍ରିମଣ୍ଡଳରୁ ମଞ୍ଜୁରୀ ମିଳି ସାରିଛି। ଆମର ଉଦ୍ଦେଶ୍ୟ ସ୍ପଷ୍ଟ ଅତି କମରେ ଏହି କମ୍ପାନୀଗୁଡିକରେ ବିନିବେଶ କରାଯିବ। ଅର୍ଥ ମନ୍ତ୍ରୀ ୨୦୨୦-୨୧ ପାଇଁ ସରକାର ୨.୧୦ ଲକ୍ଷ କୋଟି ଟଙ୍କାର ବିନିବେଶ ଲକ୍ଷ୍ୟ ରଖିଛନ୍ତି। ଏଥିରୁ ୧.୨୦ ଲକ୍ଷ କୋଟି ଟଙ୍କା ପିଏସୟୁର ବିନିବେଶରୁ ଆସିବ ଏବଂ ବାକି ୯୦ ହଜାର କୋଟି ଟଙ୍କା କମ୍ପାନୀରେ ସରକାରଙ୍କ ଥିବା ଅଂଶକୁ ବିକ୍ରି କରି ଯୋଗାଡ କରାଯିବ।

ଅର୍ଥ ମନ୍ତ୍ରୀ ହିରୋ ଏଣ୍ଟରପ୍ରାଇଜ୍‌ର ଅଧ୍ୟକ୍ଷ ସୁନିଲ କାନ୍ତ ମୁଞ୍ଜାଲଙ୍କ ସହ ଆଲୋଚନାରେ କହିଛନ୍ତି, ସରକାର ଆତ୍ମନିର୍ଭର ଭାରତ ପ୍ୟାକେଜ୍‌ ଆଧାରରେ ଅନେକ କ୍ଷେତ୍ରକୁ ଘରୋଇ ଭାଗିଦାରୀ ପାଇଁ ଖୋଲିବାକୁ ଘୋଷଣା କରିଥିଲେ। ସେ କହିଛନ୍ତି ଏବେ ଏହି ବିଷୟରେ ଅନ୍ତିମ ନିଷ୍ପତ୍ତି ହୋଇ ନାହିଁ। ଏହା ଉପରେ ଘୋଷଣା ଏବେ ବାକି ରହିଛି ଏବଂ ଏବେଠୁ ମୁଁ ଅନୁମାନ କରି ପାରିବି ନାହିଁ ଯେ କଣ ଘୋଷଣା ହୋଇପାରେ। ମାତ୍ର ଷ୍ଟ୍ରାଟେଜିକ୍‌ ସେକ୍ଟରରେ ମଧ୍ୟ ଘରୋଇ କ୍ଷେତ୍ରକୁ ମଧ୍ୟ ଆସିବାର ଅନୁମତି ମିଳିବ ଏବଂ ସେଥିରେ ସାର୍ବଜନୀନ କ୍ଷେତ୍ରର କେବଳ ଚାରି ୟୁନିଟ୍ ରହିବ।

   Related Posts