Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧ : ୪୦ ତମ ଲିଗ୍‌ ମୁକାବିଲାରେ ମୁହାଁମୁହିଁ ହେବେ ହାଇଦ୍ରାବାଦ ଓ ରାଜସ୍ଥାନ
  • ||
  • କେନ୍ଦୁଝର : ବଣୁଆ ହାତୀ ଆକ୍ରମଣରେ ଜଣଙ୍କର ମୃତ୍ୟୁ, ମଞ୍ଚାରୁ ଓହ୍ଲାଇ ଘରକୁ ଯିବାବେଳେ ଆକ୍ରମଣର ଶିକାର
  • ||
  • ଜୟପୁର : ଲଗାଣ ବର୍ଷା ଯୋଗୁଁ ଧସିଲା ମାଟି ଅତଡା, ଜାତୀୟ ରାଜପଥ ଅବରୋଧ
  • ||
  • ଭୁବନେଶ୍ବର : ବାତ୍ୟାରୁ ଗଭୀର ଅବପାତର ରୂପ ନେଲା ‘ଗୁଲାବ’, ଦକ୍ଷିଣ ଓଡ଼ିଶାର କିଛି ସ୍ଥାନରେ ଲାଗି ରହିଛି ବର୍ଷା
  • ||
  • କୋରାପୁଟ : କୋରାପୁଟ ଜିଲ୍ଲାରେ ‘ଗୁଲାବ’ ପ୍ରଭାବ : ଭାଙ୍ଗିଲା ଘର, ଗଛ ପଡି ରାସ୍ତା ଅବରୋଧ
  • ||
  • ବୈତରଣୀ ପଠାରେ ଚରୁଥିଲେ ମଇଁଷି, ପାଣି ଭିତରକୁ ଟାଣିନେଲା କୁମ୍ଭୀର : ଦେଖନ୍ତୁ ଭିଡିଓ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୪ କୋଭିଡ୍ ପଜିଟିଭ୍
  • ||
  • ଭଦ୍ରକରେ ସଂଯୁକ୍ତ କୃଷକ ମୋର୍ଚ୍ଚାର ବନ୍ଦ ପାଳନ, ଜାତୀୟ ବିଭିନ୍ନ ସଙ୍ଗଠନ ପକ୍ଷରୁ ରାଜପଥ ଅବରୋଧ
  • ||
  • ଲଗାଣ ବର୍ଷା ପରେ ସ୍ଥିତି ବେହାଲ, ଗେଙ୍ଗୁଟି ନଦୀ ବନ୍ଧରେ ୨୦୦ ଫୁଟର ଫାଟ
  • ||

ଏବେ ଚୋରି ମୋବାଇଲ ଆଉ କେହି ବ୍ୟବହାର କରିପାରିବେ ନାହିଁ : ଚୋରି ମୋବାଇଲ ଉପରେ ଲଗାମ ଲଗାଇବାକୁ ଆରମ୍ଭ ହେବ ପାଇଲଟ ପ୍ରୋଜେକ୍ଟ

21/06/2019 at 5:24 PM

ନୂଆଦିଲ୍ଲୀ ୨୧/୬ : ଯଦି ଆପଣ ମଧ୍ୟ ଶସ୍ତା ଚକ୍କରରେ ଚୋରି ମୋବାଇଲ କିଣୁଛନ୍ତି କି ବ୍ୟବହାର କରୁଛନ୍ତି ତାହେଲେ ସାବଧାନ ହୋଇଯନ୍ତୁ । ଚୋରି ମୋବାଇଲ ଉପରେ ଲଗାମ ଲଗାଇବାକୁ ସରକାର ଯୋଜନା ପ୍ରସ୍ତୁତ କରୁଛନ୍ତି । ସରକାର ଏମିତି ଏକ କୌଶଳ ବାହାର କରିବାକୁ ଯାଉଛନ୍ତି ଯାହାଦ୍ୱାରା ଚୋରି ମୋବାଇଲରେ ଆପଣ ଯେକୌଣସି ନେଟୱାର୍କର ସିମ ବ୍ୟବହାର କରିପାରିବେ ନାହିଁ । ଯାହାଫଳରେ ଚୋରି ମୋବାଇଲରେ କଲିଂ ସୁବିଧା ରହିବ ନାହିଁ ।

ମୋବାଇଲ ଫୋନ ଚୋରି ଘଟଣା ଦିନକୁ ଦିନ ବଢ଼ିବାରେ ଲାଗିଛି । ଏଥିପାଇଁ ଟେଲିକମ ବିଭାଗ ଖୁବ ଶୀଘ୍ର ଇଣ୍ଟରନ୍ୟାଶନାଲ ୱିକ୍ୟୁପମେଣ୍ଟ ଆଇଡେଣ୍ଟିଟି (ଆଇଏମଆଇ)ନମ୍ବରର ଡାଟାବେଶ ପ୍ରସ୍ତୁତ କରିବାକୁ ଯାଉଛି । ଏହାଦ୍ୱାରା ଦେଶରେ ବ୍ୟବହୃତ ସମସ୍ତ ମୋବାଇଲ ଫୋନର ଆଇଏମଆଇ ରହିବ । ଏହି ଡାଟାବେଶ ସାହାଯ୍ୟରେ ୧୫ ଅଙ୍କ ବିଶିଷ୍ଟ ଆଇଏମଇଆଇ ନମ୍ବର ଜରିଆରେ ଯେକୌଣସି ମୋବାଇଲକୁ ବ୍ଲକ କରାଯାଇପାରିବ । ଏହାପରେ ସେ ମୋବାଇଲ ଆଉ ବ୍ୟବହାର କରାଯାଇପାରିବ ନାହିଁ ।

ଏହି ସୁବିଧା ଉପଲବ୍ଧ କରିବା ପାଇଁ ଫୋନ ଚୋରି ହେବା ପରେ କିମ୍ବା ହଜିଯିବା ପରେ ଥାନାରେ ଏକ ମାମଲା ରୁଜ୍ଜୁ କରିବାକୁ ପଡିବ । ଦୂର ସଂଚାର ବିଭାଗ ହେଲ୍ପ ଲାଇନ ନମ୍ବରରେ ଫୋନ କରି ଏ ସମ୍ପର୍କରେ ସୂଚନା ଦେବାକୁ ହେବ । ଏହାପରେ ଦୂର ସଞ୍ଚର ବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରିବା ଏବଂ ଆଇଏମଇଆଇ ନମ୍ବର ଜରିଆରେ ଫୋନକୁ ବ୍ଲକ କରିବେ । ବ୍ଲକ ହେବ ପରେ ସେହି ଫୋନରେ କୌଣସି କମ୍ପାନୀର ସିମ୍ କାମ କରିବା ନାହିଁ ।

୨୦୧୭ ଜୁଲାଇ ମାସରେ ଟେଲିକମ୍ ବିଭାଗ ମହାରାଷ୍ଟ୍ର ପୁନେରେ ଏଥିପାଇଁ ପାଇଲଟ ପ୍ରୋଜେକ୍ଟ ଆରମ୍ଭ କରିଥିଲା । ପାଇଲଟ ପ୍ରୋଜେକ୍ଟ ପାଇଁ ବିଏସଏନଏଲ କମ୍ପାନୀକୁ ଚୟନ କରାଯାଇଥିଲା ଯାହା ସଫଳ ହୋଇଥିଲା । ୨୦୧୯-୨୦ ଅନ୍ତରୀଣ ବଜେଟରେ ମୋଦି ସରକାର ଏଥିପାଇଁ ୧୫ କୋଟି ଟଙ୍କା ପ୍ରାରମ୍ଭିକ ବଜେଟ ଆବଣ୍ଟନ କରିଥିଲେ ।

ଚୋରି ମୋବାଇଲ ବ୍ୟବହାର ରୋକିବା ପାଇଁ ଅଷ୍ଟ୍ରେଲିଆ, ବ୍ରିଟେନ, ମିଶର ଏବଂ ତୁର୍କୀ ଭଳି ଦେଶରେ ଏହି ସୁବିଧା ପୂର୍ବରୁ ଉପଲବ୍ଧ । ଏହି ପ୍ରୋଜେକ୍ଟର ଆଉ ଏକ ଲକ୍ଷ ହେଲା, ନକଲି ଆଇଏମଇଆଇ ନମ୍ବର ଥିବା ଡିଭାଇସକୁ ବନ୍ଦ କରିବା । ପୋଲିସ ଏବଂ ଅନ୍ୟାନ୍ୟ ସୁରକ୍ଷା ଏଜେନ୍ସି ଆଇଏମଇଆଇ ନମ୍ବର ଜରିଆରେ ଚୋରି ମୋବାଇଲର ପତା ଲଗାଇଥାନ୍ତି ।

   Related Posts