Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରୋଗୀଙ୍କ ମୁଣ୍ଡରେ କ୍ରିକେଟ ବଲ୍ ଭଳି ବ୍ଲାକ୍ ଫଙ୍ଗସ୍, ଆଇଜିଆଇଏମଏସରେ ଅପରେସନ କରି ବାହାର କଲେ ଡାକ୍ତର
  • ||
  • ୧୬ରୁ ଖୋଲିବ ସମସ୍ତ କେନ୍ଦ୍ରୀୟ କୀର୍ତ୍ତିରାଜି, କୋଭିଡ଼ କଟକଣା ମାନିବାକୁ ASI ପକ୍ଷରୁ ନିର୍ଦ୍ଦେଶନାମା
  • ||
  • ମୁହାଁମୁହିଁ ହେଲେ ୨ କାର୍, ସାମ୍ବାଦିକଙ୍କ ସମେତ ୩ ଗୁରୁତର
  • ||
  • ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ ପୂର୍ବରୁ ଜାଡେଜାଙ୍କ ଦମଦାର୍ ବ୍ୟାଟିଂ : ବଢିଲା ନ୍ୟୁଜିଲାଣ୍ଡର ଚିନ୍ତା, ବିସିସିଆଇ ପୋଷ୍ଟ୍ କଲା ଭିଡିଓ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୪୩୩୯ କୋଭିଡ୍ ପଜିଟିଭ୍ ଚିହ୍ନଟ
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ, ୩୩୪୬ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • ମୋହନା ବାପା-ପୁଅ ହତ୍ୟା ଘଟଣା : ୧୨ ଅଟକ, ଗୁଣି ଗାରେଡି ସନ୍ଦେହରୁ ଡବଲ୍ ମର୍ଡର୍ !
  • ||
  • ଇସ୍ରାଏଲ୍‌ରେ ସରିଲା ନେତ୍‌ନ୍ୟାହୁଙ୍କ ଶାସନ, ନଫତାଲୀ ବେନେଟ୍ ହେଲେ ନୂଆ ପ୍ରଧାନମନ୍ତ୍ରୀ
  • ||
  • ସାରା ରାଜ୍ୟକୁ ଛୁଇଁଲା ମୌସୁମୀ : ୧୬ ଯାଏଁ ପାଗ ମେଘୁଆ, ହେବ ବିକ୍ଷିପ୍ତ ବର୍ଷା
  • ||

୨୦୧୫ ମସିହାରୁ ଆବାସିକ ବିଦ୍ୟାଳୟର କିଶୋରୀଙ୍କ ନିୟମିତ ଗର୍ଭ ପରୀକ୍ଷା ପାଇଁ ସରକାର ଦେଇଥିଲେ ନିର୍ଦେଶ, କାହିଁକି ହେଉନଥିଲା ପାଳନ, ଉଠିଲା ପ୍ରଶ୍ନବାଚୀ

15/01/2019 at 7:12 PM

ଭୁବନେଶ୍ୱର ୧୫/୧ : ଆବାସିକ ବିଦ୍ୟାଳୟରେ ପଢ଼ୁଥିବା କିଶୋରୀମାନଙ୍କର ନିୟମିତ ଗର୍ଭ ପରୀକ୍ଷା କରିବା ପାଇଁ ନିର୍ଦେଶ ରହିଥିଲେ ମଧ୍ୟ ତାହା କାହିଁକି କାର୍ଯ୍ୟକାରୀ ହେଉନଥିଲା ସେନେଇ ପ୍ରଶ୍ନ ଉଠିଛି | ଆବାସିକ ବିଦ୍ୟାଳୟଗୁଡିକରେ ଛାତ୍ରୀମାନେ ଗର୍ଭବତୀ ହେବା ଘଟଣା ବାରମ୍ବାର ନଜରକୁ ଆସିବ ଯୋଗୁଁ ରାଜ୍ୟ ସରକାରଙ୍କ ଅନୁସୂଚିତ ଜାତି ଏବଂ ଜନଜାତି କଲ୍ୟାଣ ବିଭାଗ୨୦୧୫ ମସିହା ମାର୍ଚ୍ଚ ୩୦ ତାରିଖରେ ଏଭଳି ନିଷ୍ପତ୍ତି ନେଇଥିଲେ | ଏଥିପାଇଁ ବିଭାଗ ପକ୍ଷରୁ ଜିଲ୍ଲାପାଳମାନଙ୍କୁ କଡା ନିର୍ଦେଶ ଦିଆଯିବା ସହ ଏଏନଏମ ମାନଙ୍କୁ ଏହି କାର୍ଯ୍ୟରେ ନିୟୋଜିତ କରିବା ଲାଗି କୁହାଯାଇଥିଲା |

କେବଳ ଛାତ୍ରୀମାନଙ୍କ ଗର୍ଭ ପରୀକ୍ଷା ନୁହେଁ ଏଥିସହ ସମସ୍ତ ଛାତ୍ରୀଙ୍କ ସ୍ୱାସ୍ଥ୍ୟ ପରୀକ୍ଷା ମଧ୍ୟ ନିୟମିତ କରିବା ପାଇଁ ତତ୍କାଳୀନ ବିଭାଗୀୟ ସଚିବ ସୁରେନ୍ଦ୍ର କୁମାର ଜିଲ୍ଲାପାଳମାନଙ୍କୁ ଚିଠି ଲେଖିଥିଲେ | କିନ୍ତୁ ଏହି କାର୍ଯ୍ୟ ଠିକ ଭାବେ ନହେବା ଯୋଗୁଁ ଦାରିଂବାଡ଼ିରେ ଅଷ୍ଟମ ଶ୍ରେଣୀର ଜଣେ ଛାତ୍ରୀ ପାଇଖାନା ଗୃହରେ ସନ୍ତାନ ପ୍ରସବ କରିଥିଲେ | ଏହି ଘଟଣାକୁ ନେଇ ଏବେ ସମଗ୍ର ରାଜ୍ୟ ପଡୁଛି ଉଠୁଛି | ବିରୋଧୀ ଦଳମାନେ ସରକାରଙ୍କୁ ଘେରିଛନ୍ତି | ସେପଟେ ଜାତୀୟ ମାନବ ଅଧିକାର କମିଶନ ରାଜ୍ୟ ସରକାରଙ୍କୁ ଏହି ଘଟଣାର ପୁଙ୍ଖାନୁପୁଙ୍ଖ ରିପୋର୍ଟ ମାଗିଛନ୍ତି | ରାଜ୍ୟ ସରକାରଙ୍କ ଅନୁସୂଚିତ ଜାତି ଓ ଜନଜାତି ଉନ୍ନୟନ ବିଭାଗ ଗ୍ରୀନବାଡ଼ି ଆବାସିକ ବିଦ୍ୟାଳୟର କିଛି କର୍ମଚାରୀଙ୍କୁ ବହିଷ୍କାର କରିବା ସହ କିଛି କର୍ମଚାରୀଙ୍କୁ ନିଲମ୍ବିତ କରି ନିଜ କାମ ସାରିଦେଇଥିଲା |


କେବଳ ଲୋକଙ୍କୁ ଦେଖାଇବା ପାଇଁ ସବୁ ଆବାସିକ ବିଦ୍ୟାଳୟରେ ସିସିଟିଭି କ୍ୟାମେରା ଲାଗିବ ବୋଲି ବିଭାଗୀୟ ମନ୍ତ୍ରୀ ଘୋଷଣା କରିଥିଲେ | କିନ୍ତୁ ୨୦୧୫ ମସିହାରେ ସରକାରଙ୍କ ନିର୍ଦେଶ ଯେତେବେଳେ ପାଳନ ହୋଇନାହିଁ ଏହି ସିସିଟିଭି ଲଗେଇବା କାମ ବି କେତେଦୂର କାର୍ଯ୍ୟକାରୀ ହେବ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି |

   Related Posts