ଗଂଜାମ ୦୨/୦୫ : ହିଂଜିଳିକାଟୁ ସମରଝୋଳ ଗାଁ ରେ ଜଣେ ଯୁବକଙ୍କ ସନ୍ଦେହଜନକ ମୃତ୍ୟୁ ଘଟିଛି । ଡି ଗୋବିନ୍ଦ ନାମକ ଜଣେ ବ୍ୟକ୍ତିଙ୍କ ମୃତଦେହ ଜବତ କରାଯାଇଛି । ତେବେ ଆଖ ପାଖ ପଡୋଶୀ କରୋନା ସଂକ୍ରମଣ ଭୟରେ ମୃତଦେହକୁ ଶ୍ମସାନକୁ ନେବାକୁ ମଧ୍ୟ କେହି ରାଜି ହୋଇନଥିଲେ । ଜିଲ୍ଲା ପ୍ରଶାସନକୁ ଖବର ଦିଆଯିବା ପରେ ବିଡିଓ ଓ ପୌରନିର୍ବାହୀ ଅଧିକାରୀ କଂ ସମେତ ଦମକଳ ବାହିନୀ ଅଧିକାରୀ ଘଟଣାସ୍ଥଳରେ ପହଞ୍ଚିଥିଲେ ।
wp:gallery {"ids":[447556],"linkTo":"none"}
ସୂଚନାଯୋଗ୍ୟ, ବ୍ୟକ୍ତିଜଣକ ଗତ ୨ ଦିନ ହେଲା ପାରାଦୀପରୁ ଫେରିଥିଲେ ଏବଂ ଅସୁସ୍ଥ ହୋଇପଡିଥିଲେ । ଅସୁସ୍ଥତା କାରଣରୁ ତାଙ୍କର ମୃତ୍ୟୁ ହୋଇଥିଲା । ତେବେ କରୋନା ସଂକ୍ରମଣ ହୋଇଥିବା ଭାବି ଗାଁ ଲୋକେ ଶବ ଦାହ କରିବା ପାଇଁ ଆସିନଥିଲେ । ପରେ ଏହି ଭଳି ବିପଦ ସମୟରେ ଶବ ସଂସ୍କାର ପାଇଁ ବିଡିଓ ଓ ପୌରନିର୍ବାହୀ ଅଧିକାରୀଙ୍କ ସମେତ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲେ । ପିପିଇ କିଟ୍ ପିନ୍ଧି ସରକାରୀ କର୍ମଚାରୀମାନେ ଶବ ସଂସ୍କାର କରିଥିଲେ । ପରେ ଜିଲ୍ଲାପାଳ ଟ୍ବିଟ୍ କରି ଘଟଣା ବାବଦରେ ଅବଗତ କରାଇବା ସହିତ ଧନ୍ୟବାଦ ଜଣାଇଛନ୍ତି ।
