Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜୁମ୍ ଆପରେ ମିଟିଂ ସମୟରେ ସେକ୍ସ କରୁଥିବା ଧରା ପଡିଲେ ଅଧିକାରୀ, ଚାକିରୀରୁ ବରଖାସ୍ତ

28/08/2020 at 3:58 PM

ମନିଲା ୨୮/୦୮ : କରୋନା ମହାମାରୀର ଏହି ସଙ୍କଟ ସମୟରେ ଜୁମ ଆପ ସାରା ଦୁନିଆରେ ଖୁବ ଲୋକପ୍ରିୟ ହୋଇଛି | ଅଫିସର ମିଟିଂ ପାଇଁ, ପିଲାଙ୍କ ପାଠ ପଢା, ଏପରିକି ସମ୍ପର୍କୀୟ ଓ ବନ୍ଧୁ ପରିଜନଙ୍କ ସହ କଥାବାର୍ତ୍ତା ପାଇଁ ଲୋକେ ଜୁମ ଆପ ବ୍ୟବହାର କରୁଛନ୍ତି | ଏହି ଆପର କ୍ୟାମେରା ଆପଣ ଯେତେବେଳେ ଇଚ୍ଛା ଅନ୍ ଅଫ୍ କରିପାରିବେ | କିନ୍ତୁ ବେଳେବେଳେ ତରତର ହୋଇ ଲୋକେ କ୍ୟାମେରା ବନ୍ଦ କରିବାକୁ ଭୁଲି ଯାଆନ୍ତି | ଏହିଭଳି ସ୍ଥିତିରେ ଅପରପକ୍ଷରେ ଥିବା ବ୍ୟକ୍ତି ଆପଣଙ୍କ ସବୁ କାର୍ଯ୍ୟକଳାପ ଦେଖିପାରେ | ଏହିଭଳି ଏକ ଘଟଣା ଫିଲିପାଇନ୍ସରେ ଘଟିଛି | ଜଣେ ସରକାରୀ ଅଧିକାରୀ ଜୁମ ଆପରେ ନିଜ ସେକ୍ରେଟେରୀ ସହ ସେକ୍ସ କରୁଥିବା ସମୟରେ ଧରା ପଡିଗଲେ | ଘଟଣା ପରେ ଉଭୟଙ୍କୁ ଚାକିରୀରୁ ବରଖାସ୍ତ କରାଯାଇଛି |

ବ୍ରିଟିଶ ଖବରକାଗଜ ଦି ସନ୍ ଅନୁଯାୟୀ, ମାମଲା କ୍ୟାଭିଟ୍ ଅଞ୍ଚଳର | ଭୁଲରେ ଅଧିକାରୀଙ୍କ ଲାପଟପ କ୍ୟାମେରା ଅନ୍ ରହିଯାଇଥିଲା | ମିଟିଂରେ ଥିବା ଅନ୍ୟ ଅଧିକାରୀମାନେ ତାଙ୍କର ଏହି କାର୍ଯ୍ୟକଳାପକୁ ଦେଖିଥିଲେ | ଅଧିକାରୀ ଓ ତାଙ୍କ ସେକ୍ରେଟେରୀ ଏଥିପାଇଁ କ୍ଷମା ମଧ୍ୟ ମାଗିଥିଲେ | କିନ୍ତୁ ଉଭୟଙ୍କୁ ଚାକିରୀରୁ ବରଖାସ୍ତ କରାଯାଇଛି | ଜଣେ ଅଧିକାରୀ କହିଛନ୍ତି ଯେ, ଏହା ଏକ ସାମାନ୍ୟ ଘଟଣା ନୁହେଁ | ସେଥିପାଇଁ ତାଙ୍କୁ କ୍ଷମା କରାଯିବ ନାହିଁ |

   Related Posts