Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଭରବ୍ରିଜ୍ ଉପରେ ବିରାଟ ଗାତ, ବିପଦସଙ୍କୁଳ ଅବସ୍ଥାରେ ଚଳାଚଳ କରୁଛି ଯାନବାହାନ
  • ||
  • ମାଟି ଘରେ ଶୋଇଥିଲେ ବୃଦ୍ଧା, ହଠାତ ମାଡି ବସିଲା କାନ୍ଥ
  • ||
  • ମାତିଛନ୍ତି ହାତୀପଲ : ଜଳକ୍ରୀଡା ପରେ ଭାଙ୍ଗୁଛନ୍ତି ଘର, ନଷ୍ଟ କରୁଛନ୍ତି ଫସଲ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୨୮ କୋଭିଡ୍ ପଜିଟିଭ୍
  • ||
  • ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା, ଶିଳ୍ପନଗରୀରୁ ଗାଁ ଗହଳି ସବୁଠି ଉତ୍ସାହ
  • ||
  • ୭୧ ବର୍ଷରେ ପାଦ ଦେଲେ ପ୍ରଧାନମନ୍ତ୍ରୀ : ବିଜେପି କରୁଛି ୨୦ ଦିନିଆ ସେବା ସମର୍ପଣ ଅଭିଯାନ
  • ||
  • ଆଉ ଏକ ଲଘୁଚାପ : ୧୮ରୁ ବଢିବ ବର୍ଷା, ଉତ୍ତରରେ ଛେଚିବ
  • ||
  • ଭାଙ୍ଗିଗଲା ଓଭରବ୍ରିଜ୍‌ର ବିରାଟ ଖଣ୍ଡ, ୧୩ ଶ୍ରମିକ ଗୁରୁତର
  • ||
  • ଶୌଚ ପାଇଁ ଗଲା ବେଳେ ମାଡିଗଲା ଅଜଣା ଗାଡି, ୨ ମହିଳା ମୃତ
  • ||
  • ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଚକ-ଅଖ ସବୁ ଠପ୍
  • ||

‘ସରକାରଙ୍କ ମାଗଣା ଯୋଜନା ଲୋକଙ୍କୁ ଅଳସୁଆ କରି ଦେଉଛି’ ମାଡ୍ରାସ ହାଇକୋର୍ଟଙ୍କ ଟିପ୍ପଣୀକୁ ନେଇ ଓଡିଶା ରାଜନୀତିରେ ଆରମ୍ଭ ହୋଇଛି ବୟାନବାଜି

24/11/2018 at 6:55 PM

ସରକାରଙ୍କ ମାଗଣା ଯୋଜନା ଲୋକଙ୍କୁ ଅଳସୁଆ କରି ଦେଉଛି । ଛୋଟ ମୋଟ କାମ କରିବାକୁ ଲୋକଙ୍କ ଆଗ୍ରହ ରହୁନି । ତାମିଲନାଡୁ ସରକାରଙ୍କ ମାଗଣା ଯୋଜନାକୁ ନେଇ ଏମିତି ପ୍ରଶ୍ନ ଉଠାଇଛନ୍ତି ମାଡ୍ରାସ ହାଇକୋର୍ଟ । ହାଇକୋର୍ଟଙ୍କ ଏମିତି ଟିପ୍ପଣୀକୁ ନେଇ ଓଡିଶା ରାଜନୀତି ଆରମ୍ଭ ହୋଇଛି ବୟାନବାଜି ।  ରାଜ୍ୟ ସରକାର ଓଡିଶାରେ ବିଭିନ୍ନ ମାଗଣା ଯୋଜନା କରି ଭୋଟ ହାତେଇବାକୁ ଚେଷ୍ଟା କରୁଥିବା ଅଭିଯୋଗ ଆଣିଛନ୍ତି ବିରୋଧୀ । ସେପଟେ ଯୋଗାଣ ମନ୍ତ୍ରୀ ଏହାର ଜବାବ ରଖିଛନ୍ତି ।

ମାଗଣା ସରକାରୀ ଯୋଜନା ଲୋକଙ୍କୁ ଅଳସୁଆ କରୁଛି । ମାଗଣା ଚାଉଳ ଯୋଗୁ  ଲୋକ ଛୋଟ ମୋଟ କାମ ବି କରୁ ନାହାନ୍ତି । ନିଜର ରାଜନୈତିକ ଫାଇଦା ଲାଗି ରାଜ୍ୟ ସରକାର ଲୋକଙ୍କୁ ମାଗଣା ସୁବିଧା ଦେଉଛନ୍ତି । ଆଉ ଏହା ହିଁ ସରକାରଙ୍କ ଠୁ ସବୁ କିଛି ମାଗଣା ପାଇବା ଲାଗି ଲୋକଙ୍କ ଅଭ୍ୟାସ ବଢାଉଛି । ତାମିଲନାଡୁ ସରକାରଙ୍କ ବିଭି୍ନ ମାଗଣା ସ୍କିମକୁ ନେଇ  ଏମିତି ପ୍ରଶ୍ନ ଉଠାଇଛନ୍ତି ମାଡ୍ରାସ ହାଇକୋର୍ଟ । ରାଜ୍ୟର ଗରିବ ଲୋକଙ୍କ ଛଡା ଅନ୍ୟ ସ୍ବଛ୍ଲଳ ଲୋକ ଯଦି ମାଗଣା ଚାଉଳ ଯୋଜନାରେ ସାମିଲ ହୋଇଥାନ୍ତି ତେବେ ତାହା ପ୍ରକୃତ ଉଦ୍ଦେଶ୍ୟ ସାଧିତ ହେଉ ନାହିଁ ବୋଲି କହିଛନ୍ତି କୋର୍ଟ । ତାମିଲନାଡୁର ଏକ ଚାଉଳ ଚୋରାଚାଲଣ ଅଭିଯୋଗର ବିଚାର କରି ଏମିତି ମତ ରଖଇଛନ୍ତି ମାଡ୍ରାସ ହାଇକୋର୍ଟ ।

ମାଡ୍ରାସ ହାଇକୋର୍ଟଙ୍କ ରାୟର ଇଫେକ୍ଟ ଓଡିଶାରେ ପଡିଛି । ତାମିଲନାଡୁ ପରି ଓଡିଶା ସରକାର ଟଙ୍କିକିଆ ଚାଉଳ ଠାରୁ ଆରମ୍ଭ କରି ଛତା ଯୋତା ଯାଏ ଅନେକ ସ୍କିମ କରିଛନ୍ତି । ଥିଲାବାଲା ଲୋକଙ୍କୁ ରାସନ କାର୍ଡ ଯୋଗାଣ କୁ ନେଇ ବି ରାଜ୍ୟରେ ବିବାଦ ସୃଷ୍ଟି ହୋଇଥିଲା । ଏପରିକି କର୍ପୋରେଟର ଚେୟାରମ୍ୟାନ, ସରକାରୀ କର୍ମଚାରୀ ରାସନକାର୍ଡ ହାତେଇଥିବା ନେଇ ପୁଳାପୁଳା ଅଭିଯୋଗମାନେ ହୋଇଛି।  ଏବେ ସରକାରଙ୍କ ମାଗଣା ଖିଆ ଯୋଜନାକୁ ନେଇ ମାଡ୍ରାସ ହାଇକୋର୍ଟ ପ୍ରଶ୍ନ ଉଠାଇବା ପରେ ଓଡିଶା ସରକାରଙ୍କୁ ଘେରିଛନ୍ତି ବିରୋଧୀ । କଂଗ୍ରେସ କହିଛି କେବଳ ଲୋକଙ୍କ ଭୋଟ ହାତେଇବାକୁ ରାଜ୍ୟ ସରକାର ଟଙ୍କିକିଆ ଚାଉଳ ,ଛତା ଯୋତା ଭଳି ମାଗଣାଖିଆ ଯୋଜନା କରୁଛନ୍ତି । ପ୍ରକୃତ ଗରିବ କମ  ଫାଇଦା ପାଉଥିବାବେଳେ ଏହାର ବେଶୀ ଫାଇଦା ସରକାରଙ୍କୁ ମିଳୁଛି । ସେପଟେ ବିରୋଧୀଙ୍କୁ ଜବାବ ଦେଇଛନ୍ତି ନିଜେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ । କହିଛନ୍ତି ତାମିଲନାଡୁ ଓ ଓଡିଶା ସ୍ଥିତି ଭିନ୍ନ । ବିରୋଧୀ ଗାଁକୁ ଯାଆନ୍ତୁ ବାସ୍ତବ ସ୍ଥି ଦେଖି କଥା କୁହନ୍ତୁ ।

ଅନେକ ଥିଲାବାଲା ଓ ବଡ ବଡିଆ ଲୋକେ ସରକାରୀ ମାଗଣା ଯୋଜନା ହାତେଇ ନେଉଛନ୍ତି ।କେବଳ ତାମିଲନାଡୁ କି ଓଡ଼ିଶା ନୁହେଁ ସାରା ଦେଶରେ ଏମିତି ଲୁଟେରା ହିତାଧିକାରୀଙ୍କ ସଂଖ୍ୟା କମ ନୁହେଁ। ଯେଉଁଥିପାଇଁ କୋର୍ଟଙ୍କୁ ଏଭଳି ଟିପ୍ପଣୀ ଦେବାକୁ ପଡ଼ିଲା।

   Related Posts