Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ମାତୃତ୍ଵ ଅବକାଶ ଉପରେ ସରକାରଙ୍କ ବଡ ଘୋଷଣା : କମ୍ପାନୀକୁ ୭ ସପ୍ତାହର ଦରମା ଦେବେ ସରକାର

16/11/2018 at 3:22 PM

ଦିଲ୍ଲୀ ୧୬/୧୧ : ମହିଳା କର୍ମଚାରୀଙ୍କ ପାଇଁ ସରକାର ଏକ ବଡ ଘୋଷଣା କରିଛନ୍ତି | ମାତୃତ୍ଵ ଅବକାଶର ୭ ସପ୍ତାହର ଦରମା ସରକାର କମ୍ପାନୀକୁ ଫେରାଇଦେବେ | କେନ୍ଦ୍ରୀୟ ମହିଳା ଏବଂ ଶିଶୁ ବିକାଶ ମନ୍ତ୍ରାଳୟ ଗୁରୁବାର ଘୋଷଣା କରିଛନ୍ତି ଯେ, ମାସକୁ ୧୫ ହଜାରରୁ ଅଧିକ ଦରମା ପାଉଥିବା ମହିଳାମାନଙ୍କୁ ମିଳୁଥିବା ମାତୃତ୍ଵ ଅବକାଶର ୭ ସପ୍ତାହର ଦରମା ସରକାର ନିଯୁକ୍ତ କମ୍ପାନୀକୁ ଫେରେଇଦେବ | ମାତୃତ୍ଵ ଅବକାଶର ଅବଧି ସରକାର ୧୨ ସପ୍ତାହରୁ ବୃଦ୍ଧି କରି ୨୬ ସପ୍ତାହ କରିବାପରେ ଗର୍ଭବତୀ ମହିଳାଙ୍କୁ କୌଣସି କମ୍ପାନୀ ଚାକିରୀ ଦେବା ପାଇଁ ଅନିଚ୍ଛା ପ୍ରକାଶ କରିଥିଲେ | ଏହା ଦେଖି ସରକାର ଏଭଳି ନିଷ୍ପତ୍ତି ନେଇଛନ୍ତି |

ଆହୁରି ଦେଖିବାକୁ ମିଳିଥିଲା ଯେ, କିଛି କମ୍ପାନୀ ଗର୍ଭବତୀ ମହିଳାଙ୍କୁ ଚାକିରୀରୁ ମଧ୍ୟ ବାହାର କରିଦେଇଛି | ତେବେ ସରକାରଙ୍କ ଏହି ଘୋଷଣା ଉଭୟ ମହିଳା ଏବଂ କମ୍ପାନୀ ହିତରେ ରହିବ ବୋଲି ଆଶା କରାଯାଉଛି |

ମହିଳା ଏବଂ ଶିଶୁ ବିକାଶ ବିଭାଗର ସଚିବ ରାକେଶ ଶ୍ରୀବାସ୍ତବ କହିଛନ୍ତି ଯେ, ରାଜ୍ୟ ସରକାରଙ୍କ ପାଖରେ ଥିବା ଶ୍ରମିକ କଲ୍ୟାଣ ଯୋଜନାର ଟଙ୍କାର ଉପଯୋଗ ବହୁତ କମ ହେଉଛି | ଶ୍ରମ ମନ୍ତ୍ରାଳୟ ସହ ଆଲୋଚନା ପରେ ନିଷ୍ପତ୍ତି ହୋଇଛି ଯେ, ୨୬ ସପ୍ତାହ ମଧ୍ୟରୁ ୭ ସପ୍ତାହର ଦରମା ନିଯୁକ୍ତ କମ୍ପାନୀକୁ ଦିଆଯିବ | ଶ୍ରୀବାସ୍ତବ କହିଛନ୍ତି ଯେ, ମାସିକ ୧୫ ହଜାର ଟଙ୍କାରୁ ଅଧିକ ଦରମା ପାଉଥିବା ମହିଳାଙ୍କ ଅବକାଶ ପାଇଁ ସରକାରଙ୍କ ତରଫରୁ କମ୍ପାନୀକୁ ଦିଆଯିବ |

ସୂଚନାଯୋଗ୍ୟ ଯେ, ଏହି ବର୍ଷ ସରକାର ମାତୃତ୍ଵ ଅବକାଶକୁ ୧୨ ସପ୍ତାହରୁ ବୃଦ୍ଧି କରି ୨୬ ସପ୍ତାହ କରିଥିଲେ | ଶ୍ରୀବାସ୍ତବ କହିଛନ୍ତି ଯେ, ସରକାରଙ୍କ ଏଭଳି ନିଷ୍ପତ୍ତି ପରେ ବହୁତ କମ୍ପାନୀ ଗର୍ଭବତୀ ମହିଳାଙ୍କୁ ଚାକିରୀରୁ ବାହାର କରିଦେଇଥିବା ଅଭିଯୋଗ ହୋଇଥିଲା | ମାତୃତ୍ଵ ଅବକାଶର ସମୟସୀମା ବୃଦ୍ଧି ଯୋଗୁଁ କମ୍ପାନୀଗୁଡିକ ବିବାହିତା ମହିଳାଙ୍କୁ ଚାକିରୀ ଦେବାକୁ ମଧ୍ୟ କୁଣ୍ଠାବୋଧ କରୁଥିବା ଅଭିଯୋଗ ସାମ୍ନାକୁ ଆସିଥିଲା |

   Related Posts