ମୁମ୍ବାଇ ୦୫/୦୪: ବଲିଉଡ୍ ଇଣ୍ଡଷ୍ଟ୍ରିରେ କରୋନା ମାମଲା ଗୋଟିଏ ପରେ ଗୋଟିଏ ଦେଖାଯାଉଛି । ଅଭିନେତା ଅକ୍ଷୟ କୁମାରଙ୍କ ପରେ ଗତକାଲି ଗୋବିନ୍ଦା ମଧ୍ୟ କରୋନା ପଜିଟିଭ୍ ହୋଇଥିବା ଜଣାପଡିଛି । ଗୋବିନ୍ଦା ଏବେ ହୋମ କ୍ୱାରାଣ୍ଟିନରେ ଅଛନ୍ତି ଏବଂ ଚିକିତ୍ସିତ ହେଉଛନ୍ତି । ଗୋବିନ୍ଦାଙ୍କ ପତ୍ନୀ ସୁନୀତା ଆହୁଜା ଅଭିନେତାଙ୍କ ସମ୍ପର୍କରେ ଆସିଥିବା ଲୋକମାନଙ୍କୁ ସେମାନଙ୍କର କରୋନା ଟେଷ୍ଟ କରିବାକୁ ଅନୁରୋଧ କରିଛନ୍ତି । ଗୋବିନ୍ଦା ପୂର୍ବରୁ ସୁନୀତା ମଧ୍ୟ କରୋନା ପଜିଟିଭ୍ ହୋଇଥିଲେ ।

{"width":646,"height":484}

ଏକ ଇଣ୍ଟରଭ୍ୟୁରେ ସୁନୀତା କହିଛନ୍ତି - 'ମୋତୋ ଲାଗୁଛି ମୁଁ କୋଲକାତାରେ ଏହି ଜୀବାଣୁ ସଂସ୍ପର୍ଶରେ ଆସିଛି । ମୁଁ ଏବଂ ଗୋବିନ୍ଦା ଏକ ଚ୍ୟାନେଲ ଶୋ ପାଇଁ ସେଠାକୁ ଯାଇଥିଲୁ । ସେଠାରେ ଏକ ବହୁତ ଭିଡ଼ ଥିଲା ଏବଂ ଲୋକମାନେ ଆମ ସହିତ ଫଟୋ ଉଠାଇବାକୁ ଯଥେଷ୍ଟ ନିକଟତର ହେଉଥିଲେ । ମୁମ୍ବାଇ ଆସିବା ପରେ, ମୋର ମୁଁ କିଛି ଲକ୍ଷଣ ଦେଖାଯିବାରୁ, ମୁଁ ଟେଷ୍ଟ କରାଇଥିଲି । ଦୁର୍ଭାଗ୍ୟବଶତଃ ମୋର ରିପୋର୍ଟ କରୋନା ପଜେଟିଭ୍ ଆସିଥିଲା । ବର୍ତ୍ତମାନ ମୁଁ ଭଲ ଅଛି କିନ୍ତୁ ଗୋବିନ୍ଦା ପଜେଟିଭ୍ ହୋଇଛନ୍ତି ।

{"width":647,"height":364}

ଗୋବିନ୍ଦାଙ୍କ ସ୍ୱାସ୍ଥ୍ୟ ବିଷୟରେ ସୁନୀତା କହିଛନ୍ତି - ତାଙ୍କର ଥଣ୍ଡା ହେବାର ଲକ୍ଷଣ ଥିଲା ଏବଂ ବିଳମ୍ବ ନକରି ଟେଷ୍ଟ କରିବା ଭଲ ହେବ ବୋଲି ଭାବିଥିଲୁ । ତାଙ୍କଠାରେ ଆଉ କୌଣସି ଲକ୍ଷଣ ନଥିଲା । ସେ ସବୁ ଜିନିଷର ଗନ୍ଧ ଏବଂ ସ୍ୱାଦ ଜାଣିପାରୁଥିଲେ ଏବଂ ତାଙ୍କର ଜ୍ୱର ମଧ୍ୟ ନଥିଲା । ତାଙ୍କର କେବଳ ଶରୀରରେ ଯନ୍ତ୍ରଣା ଏବଂ ଥଣ୍ଡା ଅଛି ।