ଭୁବନେଶ୍ବର୨୬|୧: ଭୁବନେଶ୍ବର ଜୟଦେବ ଭବନରେ ପାଳିତ ହୋଇଯାଇଛି ପୋଲିସ ପଦକ ବଣ୍ଟନ ଉତ୍ସବ। ରାଜ୍ୟପାଳ ପ୍ରଫେସର ଗଣେଶି ଲାଲ ପୋଲିସ ସେବା ପଦକ ପ୍ରଦାନ କରିଛନ୍ତି । ମୁଖ୍ୟମନ୍ତ୍ରୀ ଏହି ଉତ୍ସବରେ ଯୋଗଦେଇ ପୋଲିସ ମନୋବଳକୁ ଦ୍ବିଗୁଣିତ କରିଥିଲେ ।
ରାଷ୍ଟ୍ରପତି ପୋଲିସ ପଦକ ପାଇବାରେ ଦେଶରେ ଓଡିଶାର ସ୍ଥାନ ଦ୍ବିତୀୟ । ଚଳିତ ବର୍ଷ ୨୬ ଜଣଙ୍କୁ ରାଷ୍ଟ୍ରପତି ପଦକ ପ୍ରଦାନ ପାଇଁ ମନୋନୀତ କରାଯାଇ ନାମ ଘୋଷଣା କରାଯାଇଛି । ଏହି ପୋଲିସ ଅଧିକାରୀ ଓ ଯବାନମାନେ ଆସନ୍ତା ଅଗଷ୍ଟ ୧୫ରେ ଏହି ପଦକ ହାସଲ କରିବେ ।
{"id":78488}ସେହିଭଳି ଗତ ଅଗଷ୍ଟ ୧୫ ତାରିଖରେ ନାମ ଘୋଷଣା କରାଯାଇଥିବା ୧୧ ଜଣ ପୋଲିସ କର୍ମଚାରୀଙ୍କୁ ସାହସିକତା ପୋଲିସ ପଦକ , ୪ଜଣଙ୍କୁ ବିଶିଷ୍ଟ ସେବା ପୋଲିସ ପଦକ , ୧୪ ଜଣଙ୍କୁ ଉଲ୍ଲେଖନୀୟ ସେବା ପୋଲିସ ପଦକ, ୧୪ ଜଣଙ୍କୁ ଉଲ୍ଲେଖନୀୟ ସେବା ନିମନ୍ତେ ରାଜ୍ୟପାଳ ପଦକ ପ୍ରଦାନ କରାଯାଇଛି । ଚଳିତ ବର୍ଷ ଫାୟାର ସର୍ଭିସରେ ଉଲ୍ଲେଖନୀୟ ସେବା ପାଇଁ ୧୦ ଜଣଙ୍କୁ ରାଷ୍ଟ୍ରପତି ପଦକ ପ୍ରଦାନ କରାଯାଇଛି । ଜେଲ ବିଭାଗରେ ଉଲ୍ଲେଖନୀୟ ସେବା ପାଇଁ ୭ଜଣଙ୍କୁ ପଦକ ପ୍ରଦାନ କରାଯାଇଥିଲା ।
{"id":78489}ଉଲ୍ଲେଖନୀୟ ସେବା ପାଇଁ ପୋଲିସ ପଦକ ପାଇଥିବା ପୋଲିସ କର୍ମଚାରୀ ମାନେ ନିଜ ଛାତିରେ ଆଉଏକ ପଦକ ଯୋଡିଲା ବେଳେ ନିଜକୁ ଗର୍ବ ଅନୁଭବ କରିଥିଲେ ।କିଏ ଏଠାରେ ମେଡାଲ ପାଇଥିବା ପୋଲିସ କର୍ମଚାରୀ ମାଓବାଦିଙ୍କ ସହିତ ଲଢେଇ କରି ପାଇଥିଲା ତ ଆଉ କିଏ ନିଜର କାର୍ଯ୍ୟଦକ୍ଷତା ବଳରେ । ସମସ୍ତଙ୍କ ମନରେ ଥିଲା ଖୁସିର ଝଲକ ।
{"id":78490}ପୋଲିସ ପଜକ ପାଇଥିବା ସମସ୍ତ ପୋଲିସ କର୍ମଚାରୀ ଅନ୍ୟ ମାନଙ୍କ ପାଇଁ ନିଶ୍ଚିତ ଉଦାହରଣ । ଭଲ କାମ କଲେ ଦିନେ ନା ଦିନେ ତାର ଫଳ ମିଳିବବୋଲି ପଦକ ପାଇଥିବା କର୍ମଚାରୀମାନେ କହିଛନ୍ତି ।
{"id":78491} {"id":78492}