Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କରୋନା ନେଲା ଆଉ ୨୨ଜଣଙ୍କ ଜୀବନ, ୨୨୭୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୨ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୨୩୯୦ ପଜିଟିଭ୍
  • ||
  • ନିରାଡମ୍ବର ଭାବେ ପାଳିତ ହେଉଛି ଇଦ୍-ଉଲ-ଫିତର, ଇଦଗାହରେ ହେବନାହିଁ ସାମୂହିକ ନମାଜ ପାଠ
  • ||
  • କମିବ କାଳବୈଶାଖି ପ୍ରଭାବ, ବଢିବ ଗୁଳୁଗୁଳି
  • ||
  • ଲଭ ୟୁ ଜିନ୍ଦେଗୀ ନୁହେଁ, ରୁଠ୍ ଗୟି ଜିନ୍ଦେଗୀ….ହସି ହସି ମହାମାରୀ ସହ ଲଢି ଲଢି ଚାଲିଗଲେ ୩୦ ବର୍ଷୀୟ ମହିଳା
  • ||

ମହାରାଷ୍ଟ୍ର ମହାଭାରତ : ସରକାର ଗଢ଼ିବାକୁ ଏନସିପିକୁ ଆମନ୍ତ୍ରଣ

12/11/2019 at 9:53 AM

ମୁମ୍ବାଇ ୧୨।୧୧: ମହାରାଷ୍ଟ୍ର ରାଜନୀତିରେ ମହାନାଟକ ଜାରି ରହିଛି  । ଏନସିପି ଓ କଂଗ୍ରେସ ସମର୍ଥନରେ ସରକାର ଗଢ଼ିବା ପାଇଁ ଶିବସେନା ଦେଖିଥିବା ସ୍ବପ୍ନରେ ବ୍ରେକ୍ ଲାଗିଯାଇଛି । ରାଜ୍ୟପାଳଙ୍କ ଦ୍ବାରା ସରକାର ଗଠନ ପାଇଁ ଶିବସେନାକୁ ଦିଆଯାଇଥିବା ସମୟ ମଧ୍ୟରେ ଦଳ ଦାବି ଉପସ୍ଥାପନ ନ କରିବାରୁ ରାଜ୍ୟପାଳ ଏନସିପିକୁ ସରକାର ଗଠନ ପାଇଁ ଡାକିଛନ୍ତି ।

ଏନସିପିକୁ ସରକାର ଗଠନ ପାଇଁ ୨୪ ଘଣ୍ଟା ମଧ୍ୟରେ ଦାବି ଉପସ୍ଥାପନ କରିବାକୁ କୁହାଯାଇଛି । ଏନସିପିକୁ ରାଜ୍ୟପାଳଙ୍କ ଚିଠି ମିଳିଛି ଏବଂ ଦଳ ଏ ସଂପର୍କରେ ଅନ୍ୟ ସହଯୋଗୀ ଦଳ ସହ ଆଲୋଚନା କରିବା ପରେ ନିଷ୍ପତ୍ତି ନେବ । ଏହାପୂର୍ବରୁ ମହାରାଷ୍ଟ୍ର ରାଜଭବନ ପକ୍ଷରୁ କୁହାଯାଇଥିଲା ଯେ ଶିବସେନା ସରକାର ଗଠନ ପାଇଁ ଆଗ୍ରହ ପ୍ରକାଶ କରିଥିଲେ ମଧ୍ୟ ସମର୍ଥନ ପତ୍ର ଦେଇନାହିଁ । ରାଜ୍ୟପାଳ ଶିବସେନାକୁ ଅଧିକ ସମୟ ଦେବାକୁ ମନା କରିଦେଇଛନ୍ତି । ଏବେ ଏନସିପିକୁ ୨୪ ଘଣ୍ଟା ଅର୍ଥାତ୍ ଆଜି ରାତି ସାଢେ ୮ଟା ଭିତରେ ଦାବି ଉପସ୍ଥାପନ କରିବାକୁ ପଡ଼ିବ ।  ଗତକାଲି  ରାଜ୍ୟପାଳ ଓ ଏନସିପି ନେତାଙ୍କ ମଧ୍ୟରେ ୧୫ ମିନିଟ୍ ଧରି ଆଲୋଚନା ହୋଇଥିଲା । ଏହି ଟିମରେ ଏନସିପି ନେତା ଅଜିତ ପାୱାର, ଛଗନ ଭୂଜବଳ ପ୍ରମୁଖ ଥିଲେ ।

କଂଗ୍ରେସ ପକ୍ଷରୁ ଶିବସେନାକୁ ସରକାର ଗଠନ ପାଇଁ ସମର୍ଥନ ଦେବା ନେଇ କିଛି ଚିତ୍ର ସ୍ପଷ୍ଟ ହୋଇନାହିଁ । ଏ ନେଇ ସୋନିଆ ଗାନ୍ଧୀଙ୍କର ୧୦ ଜନପଥ ସ୍ଥିତ ବାସଭବନରେ ଏନେଇ ବୈଠକ ବସିଥିଲେ ମଧ୍ୟ ଦଳ ପକ୍ଷରୁ ସମର୍ଥନ ନେଇ ନିର୍ଦ୍ଦିଷ୍ଟ ଭାବରେ ଘୋଷଣା କରାଯାଇନାହିଁ । ଆଜି କଂଗ୍ରେସର ଏକ ଟିମ୍ ମହାରାଷ୍ଟ୍ର ଯାଇ ଏନସିପି ମୁଖ୍ୟ ଶରଦ ପାଓ୍ବାରଙ୍କ ଭେଟି ସରକାର ଗଠନ ଉପରେ ଆଲୋଚନା କରିବାର ସମ୍ଭାବନା ରହିଛି ।

   Related Posts