ନୂଆଦିଲ୍ଲୀ, ୦୩|୦୪: କରୋନା ଭାଇରସ ପାଇଁ ସାରା ଦେଶରେ ଲାଗୁ ହୋଇଥିବା ଲକଡାଉନ ଦ୍ୱିତୀୟ ସପ୍ତାହରେ ପହଁଚିଛି । ଏହା ମଧ୍ୟରେ ଅର୍ଥ ମନ୍ତ୍ରାଳୟ ଆଉ ଏକ ଆର୍ଥିକ ପ୍ୟାକେଜ ଦେବାକୁ ପ୍ରସ୍ତୁତି ଆରମ୍ଭ କରିଛି । ଚଳିତ ବର୍ଷ ଏହି ଆର୍ଥିକ ପ୍ୟାକେଜ ବିଭିନ୍ନ ବ୍ୟବସାୟିକ ପ୍ରତିଷ୍ଠାନ ଓ ଶିଳ୍ପାନୁଷ୍ଠାନକୁ ପ୍ରଦାନ କରାଯିବ । ଏହା ପୂର୍ବରୁ ଘୋଷଣା ହୋଇଥିବା ୧.୭ ଲକ୍ଷ କୋଟିରୁ ଅଧିକ ହେବ ବୋଲି କୁହାଯାଉଛି ।
ପ୍ରଧାନମନ୍ତ୍ରୀ କାର୍ଯ୍ୟାଳୟ, ଅର୍ଥ ମନ୍ତ୍ରାଳୟ, ବୈଦେଶିକ ମନ୍ତ୍ରାଳୟ, ସ୍ୱାସ୍ଥ୍ୟ ମନ୍ତ୍ରାଳୟ, ଆୟକର ବିଭାଗର ଅନେକ ବରିଷ୍ଠ ଅଧିକାରୀ ନୀତି ଆୟୋଗର ସିଇଓ ଅମିତାଭ କାନ୍ତଙ୍କ ସହ ସାକ୍ଷାତ କରିଛନ୍ତି । ଏହାସହ ବିଭିନ୍ନ ବ୍ୟବସାୟିକ ପ୍ରତିଷ୍ଠାନର ସମସ୍ୟା ଦୂର କରିବା ପାଇଁ ମଧ୍ୟ ଆଲୋଚନା କରିଛନ୍ତି ।
{"id":248313,"width":751,"height":455,"sizeSlug":"large"}ସୂଚନାଯୋଗ୍ୟ, ଗତ ମାର୍ଚ୍ଚ ୨୬ ତାରିଖରେ କେନ୍ଦ୍ର ସରକାର କରୋନା ଭାଇରସ ପ୍ରଭାବରୁ ସାରା ଦେଶରେ ଲକଡାଉନ ଘୋଷଣା କରିଥିଲେ । ଏହି ଲକଡାଉନ ପାଇଁ ଗରିବ, ଶ୍ରମିକ, ଦିନ ମଜୁରିଆ, କୃଷକ ଓ ବରିଷ୍ଠ ନାଗରିକ ସବୁଠାରୁ ଅଧିକ ପ୍ରଭାବିତ ହୋଇଥିଲେ । ଏହାକୁ ନଜରରେ ରଖି ସରକାର ଏମାନଙ୍କ ପାଇଁ ୧.୭ ଲକ୍ଷ କୋଟିର ଆର୍ଥିକ ପ୍ୟାକେଜ ଘୋଷଣା କରିଥିଲେ ।
ସରକାର ବ୍ୟବସାୟିକ ପ୍ରତିଷ୍ଠାନ ପାଇଁ ଆର୍ଥିକ ପ୍ୟାକେଜ ଘୋଷଣା କଲେ ଅଟୋମୋବାଇଲ, ଆଭିଏସନ, ରେଷ୍ଟୁରାଣ୍ଟ ଇଣ୍ଡଷ୍ଟ୍ରୀ ଭଳି ସେକ୍ଟରକୁ ସହାୟତା ମିଳିବ । ଆଭିଏସନ ସେକ୍ଟର ପୂର୍ବରୁ ୧୧ ହଜାର କୋଟି ଟଙ୍କାର ପ୍ୟାକେଜ ଘୋଷଣା କରିଛି । ତେରେ ରେଷ୍ଟୁରାଣ୍ଟ ସେକ୍ଟର କର୍ମଚାରୀଙ୍କ ବେତନରେ ସହଯୋଗ କରିବା ପାଇଁ ଦାବି ରଖିଛି ।