Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ଖୋଲାଯିବନି ଶ୍ରୀମନ୍ଦିର ରତ୍ନ ଭଣ୍ଡାର- ରୋକଠୋକ ଶୁଣାଇଲେ ସରକାର

26/11/2019 at 6:06 PM

ଭୁବନେଶ୍ୱର ୨୬।୧୧ –  ଶ୍ରୀମନ୍ଦିର ରତ୍ନ ଭଣ୍ତାର ଖୋଲାଯିବନି ବୋଲି  ସରକାର ରୋକ​‌ଠୋକ ଶୁଣାଇଛନ୍ତି । ଏବେ ରତ୍ନ ଭଣ୍ତାର ଖୋଲିବା ବା ତନଖି କରିବାର ପ୍ରସ୍ତାବ ନାହିଁ । ସରକାରଙ୍କ ମୁହଁରୁ ଏଭଳି ଉତ୍ତର ଶୁଣି ବିରୋଧୀ ଖପ୍ପା । ସିଧା ସରକାରଙ୍କୁ ବିଜେପି ଓ କଂଗ୍ରେସ ପ୍ରଶ୍ନ  କରିଛନ୍ତି। ସୁପ୍ରିମକୋର୍ଟରେ ଶ୍ରୀମନ୍ଦିରର ସ୍ଥାବର ଅସ୍ଥାବର ସଂପତ୍ତି ତାଲିକା କେମିତି ଦାଖଲ କରିବେ ତାକୁନେଇ ମଧ୍ୟ ପ୍ରଶ୍ନ ଉଠାଇଛନ୍ତି।

ଶ୍ରୀନ୍ଦିରରେ କ’ଣ ରତ୍ନ ଅଛି ତାହା ବି ଯାଞ୍ଚ ହେବନି । ସେ ନେଇ ସରକାରଙ୍କ ପାଖରେ କୌଣସି ପ୍ରସ୍ତାବ ନାହିଁ । ବିଧାନସଭାରେ ଏଭଳି ରୋକଠୋକ ଶୂଣାଇଛନ୍ତି ଆଇନମନ୍ତ୍ରୀ । ୧୯୭୮ରେ ରତ୍ନଭଣ୍ଡାରର ତାଲିକା କରାଯାଇଥିବା ସୁନା ରୂପା ଆଦି ସାମଗ୍ରୀ ସୁରକ୍ଷିତ ଅଛି । ୧୯୮୫ରେ ଶେଷଥର ପାଇଁ ରତ୍ନଭଣ୍ଡାର ଖୋଲାଯାଇଥିଲା । ଶ୍ରୀ ମନ୍ଦିର ରତ୍ନ ଭଣ୍ତାରରେ ସୁନା ଅଳଙ୍କାର ଓ ଅନ୍ୟାନ୍ୟ ଜିନିଷ ୪୫୪ଗୋଟି ଥିବା ବେଳେ ୧୨୮୩୮ ଭରି ମୂଲବାନ ପଥର, ୨୩୬ ଗୋଟି ରୂପା ଅଳଙ୍କାର, ୧୮୮୧୫ ପଥର,୮ଗୋଟି ସୁନାମୂର୍ତ୍ତି, ୬ଗୋଟି ରୂପା ବାସନ ଓ ମୂର୍ତ୍ତି ରହିଛି। 

  କଂଗ୍ରେସ ବିଧାୟକ ସୁରେଶ ରାଉତରାୟ ଓ ବିଜେପି ନେତ୍ରୀ କୁସୁମ ଟେଟେଙ୍କ ପ୍ରଶ୍ନର ଉତ୍ତର ଦେଇ ବିଧାନସଭାରେ ଏଭଳି ଉତ୍ତର ରଖିଛନ୍ତି ଆଇନ ମନ୍ତ୍ରୀ ପ୍ରତାପ ଜେନା ବିଧାନସଭାରେ ସରକାରଙ୍କ ଏଭଳି ଉତ୍ତର ଶୁଣି ବିରୋଧୀ ଏହାକୁ ସହି ପାରିନାହାନ୍ତି । ଯେଉଁ ଶ୍ରୀମନ୍ଦିର ରତ୍ନ ଭଣ୍ତାର ଖୋଲିବା ପାଇଁ ପ୍ରୟାସ ହେଲା । ଏବେ ରତ୍ନ ଭଣ୍ତାର ଖୋଲିବା ପାଇଁ ସରକାର ଇଚ୍ଛା କରୁନାହାନ୍ତି । ରତ୍ନଭଣ୍ତାର ଖୋଲିବା ଦରକାର ବୋଲି ବିରୋଧୀ କହିଥିଲେ ।

୩ ସପ୍ତାହ ତଳେ ଶ୍ରୀମନ୍ଦିରର ସ୍ଥାବର ସମ୍ପତ୍ତି ତାଲିକା ଦାଖଲ କରିବା ଲାଗି ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ । ତେଣୁରତ୍ନ ଭଣ୍ଡା ଖୋଲା ନଗଲେ ଶ୍ରୀମନ୍ଦିରର ଅଳଙ୍କାର ତାଲିକା କେମିତି ପ୍ରକାଶ ପାଇବ ସେନେଇ ମଧ୍ୟ ପ୍ରଶ୍ନ ଉଠିଛି । ସରକାର ଏନେଇ କିଛି ବିକଳ୍ପ ବ୍ୟବସ୍ଥା ରଖିଛନ୍ତି ନା ପୁରୁଣା ତାଲିକା ଯାହା ଥିଲା ତାହାହିଁ ଦାଖଲ କରିବେ ସେନେଇ ଉଠିଛି ପ୍ରଶ୍ନ।

ରତ୍ନ ଭଣ୍ତର ଖୋଲିବା ପାଇଁ ସରକାର ପ୍ରୟାସ କରିଥିଲେ । ହେଲେ ଭିତର ଭଣ୍ତାରର ଚାବି ମିଳି ନଥିଲା। ପରେ ପୁରୀ ଜିଲ୍ଲାପାଳଙ୍କ ଅଫିସରୁ ଚାବି ମିଳିଥିଲା । ଏପଟେ ସରକାର ଚାବିହଜିବା ହଜିବା ଘଟଣାରେ ତଦନ୍ତ ପାଇଁ ରଘୁବର ଦାସ କମିଶନ ମଧ୍ୟ ବସାଇଛନ୍ତି। କମିଶନ ମଧ୍ୟ ତାଙ୍କ  ରିର୍ପୋଟ ଦେଇସାରିଛନ୍ତି।

   Related Posts