Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||

ଋଣଗ୍ରହିତାଙ୍କୁ ଝଟକା, ୬ ଲକ୍ଷ କୋଟି ଟଙ୍କାର ଲୋନ୍ ଛାଡ କରିପାରିବେ ନାହିଁ ବୋଲି ସୁପ୍ରିମକୋର୍ଟରେ କହିଲେ ସରକାର, ଝୁଲିଲା ନିଷ୍ପତ୍ତି

9/12/2020 at 11:13 AM

ନୂଆଦିଲ୍ଲୀ,୦୯/୧୨: ଲୋନ୍ ମୋରେଟୋରିୟମକୁ ନେଇ ଚାଲିଥିବା ବ୍ୟାଙ୍କର ଲୋନଧାରୀଙ୍କ ଉପରେ ୬ ମାସର ସୁଧ ଛାଡ ହେବ ନାହିଁ ବୋଲି କେନ୍ଦ୍ର ସରକାର ସ୍ପଷ୍ଟ କରିଛନ୍ତି । ଏପରି କରିବା ଦ୍ୱାରା ୬ ଲକ୍ଷ କୋଟି ଟଙ୍କା କ୍ଷତି ହେବ । ଯାହାଦ୍ୱାରା ଅର୍ଥବ୍ୟବସ୍ଥା ପ୍ରଭାବିତ ହେବ ।

ସେଲିସିଟର ଜେନେରାଲ ତୁଷାର ମେହେଟା ସୁପ୍ରିମକୋର୍ଟରେ କହିଛନ୍ତି ଯେ, କେବେ ହେଲେ ସୁଧ ଛାଡ କରାଯିବ ନାହିଁ । କୋଭିଡ୍ କାରଣରୁ ସରକାର ଲୋନ କିସ୍ତୀ ଉପର ସ୍ଥଗିତାଦେଶର ଲାଭ ଦେଇଥିଲେ । କାରଣ ଜୀବନଜୀବିକା ପ୍ରଭାବିତ ହୋଇଥିଲା । କିନ୍ତୁ ଋଣ କିମ୍ବା ସୁଧ ଛାଡ କଥା କୁହାଯାଇନଥିଲା ।

ସେ ଆହୁରି କହିଛନ୍ତି ଯେ,ଲୋନ୍ ଲୋକଙ୍କ ଦ୍ୱାରା ବ୍ୟାଙ୍କରେ ଜମା ହେଉଥିବା ଟଙ୍କାରୁ ଦିଆଯାଏ । ପ୍ରତି ଲୋନ ପଛରେ ୮ଜଣ ଜମାକାରୀ ରହିଥାନ୍ତି । ଏହି ଜମା ଉପରେ ସୁଧ ମିଳେ ଓ ଲୋନ ପ୍ରଦାନ କରାଯାଏ । ଏପରି ୬ ଲକ୍ଷ କୋଟିର ଲୋନ୍ ଛାଡ ହୋଇପାରିବ ନାହିଁ । ସରକାରଙ୍କୁ ଏହା ଦେବାକୁ ପଡିବ । ଏହାକୁ ନେଇ ସରକାର ଓ ଜମାକାରୀ ଚାପରେ ରହିବେ । ଲୋକମାନେ ଲୋନ୍ ମୋରିଟୋରିୟମକୁ ଭୁଲ ବୁଝିଛନ୍ତି । ଏହାର ଅର୍ଥ ସାମୟିକ ସମୟ ପାଇଁ ସ୍ଥଗିତ ରଖିବା ସମ୍ପୂର୍ଣ୍ଣ ଛାଡ ନୁହେଁ । ଅନେକ ଲୋନ୍ ନେଇଥିବା ବ୍ୟକ୍ତି ଏହାର ଫାଇଦା ନେଇ ନାହାଁନ୍ତି । ସୁପ୍ରିମକୋର୍ଟର ଅନଚ୍ଛେଦ ୩୨ ଆଧାରରେ ଲୋନ ଉପରେ ଛାଡ କରାଯାଇପାରିବ ନାହିଁ ।

ଜଷ୍ଟିସ ଭୂଷଣ କହିଛନ୍ତି ଯେ, ଏପରି କୌଣସି ଆଦେଶ ପାରିତ ହେବ ନାହିଁ ଯାହା ଅର୍ଥ୍ୟବ୍ୟବସ୍ଥା ଉପରେ ପ୍ରଭାବ ପକାଇବ । କୁହାଯାଉନି ଯେ ସରକାର କିଛି କରି ନାହାଁନ୍ତି । କିନ୍ତୁ ଆଉ କିଛି କରାଯାଉ ବୋଲି ଆଶା ରଖାଯାଉଛି । ବିଭିନ୍ନ ଶିଳ୍ପାନୁଷ୍ଠାନ ଯେପରି ଭାବେ ଚାଲୁଛି ତାକୁ ନେଇ ଆଉ କିଛି କରିବାର ଆବଶ୍ୟକତା ରହିଛି ।

ସୂଚନାଯୋଗ୍ୟ, ମାମଲାର ଶୁଣାଣି ଜାରି ରହିବ ଓ ବୁଧବାର ରିଜର୍ଭ ବ୍ୟାଙ୍କ୍ ଏହା ଉପରେ ନିଜର ଯୁକ୍ତି ଉପସ୍ଥାପନ କରିବ ।

   Related Posts