Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ନଖରା ସ୍ଥିତ ରିଲାଏନ୍ସ ପେଟ୍ରୋଲ ପମ୍ପ୍ ନିକଟ‌ରେ ଅଗ୍ନିକାଣ୍ଡ
  • ||
  • ରାଉରକେଲା : ଭାରସାମ୍ୟ ହରାଇ ଘାଟିରେ ଓଲଟିଲା ବରଯାତ୍ରୀ ବସ୍, ଦୁଇ ଜଣଙ୍କ ମୃତ୍ୟୁ
  • ||
  • ବଲାଙ୍ଗୀର : ନିଜ ସର୍ଭିସ୍ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ଯବାନ !
  • ||
  • ଟାଙ୍ଗୀ : ମାନସିକ ପୂରଣ ପାଇଁ ବେକ କାଟିଦେଲେ ଭକ୍ତ, ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୯ କୋଭିଡ୍ ପଜିଟିଭ୍, ୩୩୬୯୨୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ତେଲକୋଇ : କାଞ୍ଜିପାଣି ଘାଟିରେ ଓଲଟିଲା ବରଯାତ୍ରୀ ବସ୍, ଜଣେ ମୃତ, ୨୬ ଆହତ
  • ||
  • ମୁମ୍ବାଇ : ଭୟଙ୍କର ହେଲାଣି କରୋନା, ସ୍କୁଲ ହଷ୍ଟେଲର ୧୯୦ ଛାତ୍ର କୋଭିଡ୍ ପଜିଟିଭ୍
  • ||
  • ରାୟପୁର : ନକ୍ସଲଙ୍କ ଲ୍ୟାଣ୍ଡମାଇନ ବିସ୍ଫୋରଣ, ୨ ଯବାନ ସହିଦ
  • ||
  • ଆଠଗଡ଼ : ସମ୍ପର୍କରେ କଳଙ୍କ ଛିଟା, ଦିବ୍ୟାଙ୍ଗ ଝିଅକୁ ସମ୍ପର୍କୀୟ ମାମୁର ଦୁଷ୍କର୍ମ ! ଥାନାରେ ଏତଲା
  • ||

ଦେଢ ବର୍ଷ ପର୍ଯ୍ୟନ୍ତ କୃଷି ଆଇନ ସ୍ଥଗିତ ରଖିବାକୁ ପ୍ରସ୍ତାବ ଦେଲା କେନ୍ଦ୍ର, କୃଷକ ନେତା କହିଲେ- କାଲି ବିଚାର କରିବୁ

20/01/2021 at 8:28 PM

ନୂଆଦିଲ୍ଲୀ ୨୦।୦୧: ନୂତନ କୃଷି ଆଇନ୍‌କୁ ନେଇ ଜାରି କୃଷକ ଆନ୍ଦୋଳନ ମଧ୍ୟରେ ଆସିଛି ବଡ ଖବର। ଦଶମ ପର୍ଯ୍ୟାୟ ବୈଠକରେ ସରକାର ଓ କୃଷକଙ୍କ ମଧ୍ୟରେ ହୋଇଥିବା ଆଲୋଚନାରେ ସରକାର କୃଷି ଆଇନ୍‌କୁ ନେଇ ବଡ ବୟାନ ଦେଇଛନ୍ତି। ସରକାର ଦେଢ ବର୍ଷ ପର୍ଯ୍ୟନ୍ତ କୃଷି ଆଇନ୍‌ ରୋକିବାକୁ ପ୍ରସ୍ତାବ ଦେଇଛନ୍ତି। ଅନ୍ୟପକ୍ଷେ କୃଷି ଆଇନ୍ ରଦ୍ଦ କରିବା ଦାବିରେ ଅଡି ବସିଥିବା କୃଷକ ସଂଗଠନ ସରକାରଙ୍କ ଏହି ପ୍ରସ୍ତାବ ଉପରେ ବିଚାର କରିବା ପାଇଁ କାଲି ପର୍ଯ୍ୟନ୍ତ ସମୟ ମାଗିଛନ୍ତି।

ଏହି ପ୍ରସଙ୍ଗରେ ପରବର୍ତ୍ତୀ ବୈଠକ ଜାନୁଆରୀ ୨୨ ଅପରାହ୍ନ ୨ଟାରେ ବିଜ୍ଞାନ ଭବନରେ ଅନୁଷ୍ଠିତ ହେବ। ବୈଠକ ପରେ କୃଷକ ସଂଗଠନର ନେତା କହିଛନ୍ତି ଦୁଇ ପକ୍ଷଙ୍କ ସହମତିରେ ଏକ ନିଶ୍ଚିତ  ସମୟ ପାଇଁ କୃଷି ଆଇନ୍‌କୁ ନିଲମ୍ବିତ କରିବା ଏବଂ ଏକ କମିଟି ଗଠନ ପାଇଁ ଉଚ୍ଚତମ ନ୍ୟାୟାଳୟରେ ସତ୍ୟପାଠ ଦାୟର କରିବାକୁ ପ୍ରସ୍ତାବ ଦିଆଯାଇଛି।

ଦଶମ ପର୍ଯ୍ୟାୟ ବୈଠକ ପରେ କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂହ ତୋମାର କହିଛନ୍ତି  କୃଷକ ସଂଗଠନ ସହିତ ଆଜିର ଆଲୋଚନା ବହୁତ ସକରାତ୍ମକ ରହିଛି। ଆଲୋଚନା ବେଳେ ଆମେ କୃଷି ଆଇନ୍‌କୁ ଦେଢ ବର୍ଷ ପାଇଁ ସ୍ଥଗିତ ରଖିବାକୁ ପ୍ରସ୍ତୁତ ଥିବା କହିଛୁ। ମୁଁ ଖୁସି ଯେ କୃଷକ ସଂଗଠନ ଏହି ପ୍ରସ୍ତାବକୁ ଗୁରୁତର ସହ ଗ୍ରହଣ କରିଛନ୍ତି। ଏହା ଉପରେ ଜାନୁଆରୀ ୨୨ରେ ନିଜର ନିଷ୍ପତ୍ତି ନେବେ। ତୋମାର କହିଛନ୍ତି ଆଲୋଚନା ସଠିକ୍ ଦିଗରେ ଆଗକୁ ବଢୁଛି। ବୈଠକ ସମୟରେ ସମସ୍ତ ପ୍ରସଙ୍ଗ ଉପରେ ଆଲୋଚନା ହୋଇଥିବା ସେ କହିଛନ୍ତି।

   Related Posts