Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଆଗାମୀ ୧୫ ଦିନ ଗୁରୁତ୍ୱପୂର୍ଣ୍ଣ, ରାଜ୍ୟରେ ବଢିବ କି ଲକଡାଉନ୍ ? ଅଧିକ କୋଭିଡ୍ ପଜିଟିଭ୍ ଅଞ୍ଚଳକୁ କଣ୍ଟେନମେଣ୍ଟ୍ ଜୋନ୍ ଘୋଷଣା କରିବାକୁ ବିଶେଷଜ୍ଞ ଡାକ୍ତରଙ୍କ ମତ

30/07/2020 at 7:28 PM

ଭୁବନେଶ୍ୱର, ୩୦|୦୭ :  କେନ୍ଦ୍ର ସରକାର ଅନଲକ୍ ୩ ର ଗାଇଡଲାଇନ ଜାରି କରିବା ପରେ ଏବେ ରାଜ୍ୟ ସରକାର କଣ ନେବେ ନିଷ୍ପତି। ତାହା ଉପରେ ସମସ୍ତଙ୍କ ନଜର। ଆଗାମୀ ୧୫ ଦିନ ଅତ୍ୟନ୍ତ ଗରୁତ୍ବପୂର୍ଣ୍ଣ । ବିଶେଷଜ୍ଞ ମତରେ ଏହି ୧୫ ଦିନ ଲକ ଡାଉନ ଜରି ରଖାଯାଉ। ନଚେତ ନିୟନ୍ତ୍ରଣ ହେବନି କରୋନା।  ଏପଟେ କିନ୍ତୁ ବିରୋଧୀ କହୁଛନ୍ତି ଯେଉଁଠି ଆକ୍ରାନ୍ତଙ୍କ ସଂଖ୍ୟା ଅଧିକ ସେହିଠାରେ ଲକ ଡାଉନ କିମ୍ବା ସଟ ଡାଉନ କରାଯାଉ । ଜୀବନ ସହିତ ଜୀବିକା ମଧ୍ୟ ଗୁରୁତ୍ୱପୂର୍ଣ୍ଣ।  

ଜୁଲାଇ ସରିବାକୁ ହେଲା। ଅନଲକ୍‌ ଥ୍ରି ଗାଇଡଲାଇନ୍‌ ଜାରି କରିଛନ୍ତି କେନ୍ଦ୍ର ସରକାର । ଓଡ଼ିଶାରେ ଏବେ କରୋନା ପିକ୍‌ରେ ରହିଥିଲେ ବି ଗତ ଦୁଇଦିନ ଧରି ସମାନ୍ତରାଳ ଅବସ୍ଥାରେ ଅଛି । ଆଉ ୧୫ ଦିନ ଯଦି ଏମିତି ରହେ ତାହେଲେ  କୋରୋନା କମିବ ବୋଲି ଧରାଯିବା । ତେଣୁ ୧୫ ଦିନ ଲକ ଡାଉନକୁ ଆଂଶିକ କୋହଳ କରାଯାଇ ଏବଂ ଯେଉଁଠାରେ ଅଧିକ ପଜିଟିଭ ବାହାରିଛନ୍ତି ସେଠାରେ କଣ୍ଟେନମେଣ୍ଟ ଘୋଷଣା କରାଯାଉ ବୋଲି ସୋଆ କୁଳପତି ଡାକ୍ତର ଅଶୋକ ମହାପାତ୍ର ମତ ଦେଇଛନ୍ତି।

କରୋନ କାୟା ବିସ୍ତାର କରୁଥିଲେ ବି ଜୀବନ ଜୀବିକା ମଧ୍ୟ ଗୁରୁତ୍ୱପୂର୍ଣ୍ଣ ବୋଲି ବିରୋଧୀ ଦଳଗୁଡ଼ିକ କହିଛନ୍ତି। କେନ୍ଦ୍ରସରକାରଙ୍କ  ଅନଲକ ୩ ଗାଇଡ଼ ଲାଇନ ଆସିବା ପରେ କଂଗ୍ରେସ କହିଛି, ରାଜ୍ୟ ସରକାର ଆଉ ଲକ ଡାଉନ କି ସଟ ଡାଉନ କରନ୍ତୁ ନାହିଁ । କୋଭିଡ଼ କଟକଟଣା ଭିତରେ ସବୁ କ୍ଷେତ୍ରକୁ ଖୋଲିବାକୁ ଦିଆଯାଉ । ବିରୋଧୀ ଦଳ ନେତା କହିଛନ୍ତି। କରୋନା ପାଇଁ ମେଡ଼ିସିନ ବାହାରିନି। ତେଣୁ ଯେଉଁ ଅଂଚଳରେ ଅଧିକ ଆକ୍ରାନ୍ତ ଅଛନ୍ତି ସେହିଠାରେ ଲକ ଡାଉନ କିମ୍ବା ସଟ ଡାଉନ କରାଯାଉ । ବିଜେଡି କହିଛି ସରକାର ସ୍ଥିତିକୁ ଦେଖି ବିଶେଷଜ୍ଞଙ୍କ ପରାମର୍ଶ କ୍ରମେ ନିଷ୍ପତ୍ତି ନେବେ।

ଦିଲ୍ଲୀ, ହରିୟାଣା, ଲଦାଖ, ତେଲେଙ୍ଗାନା ଓ ଆସାମରେ ସୁସ୍ଥ ହାର ବଢୁଥିବାରୁ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ବହୁ ମାତ୍ରାରେ ହ୍ରାସ ପାଇବାରେ ଲାଗିଛି। ଓଡ଼ିଶାରେ ମଧ୍ୟ ଅନୁରୂପ ପ୍ରଭାବ ପଡ଼ିବା ଆଶା କରାଯାଇପାରେ। କିନ୍ତୁ ଏହା ଭିତରେ ଆଗାମୀ ୧୫ ଦିନ ହିଁ ଓଡ଼ିଶା ପାଇଁ ଗୁରୁତ୍ବପୂର୍ଣ୍ଣ । ରାଜ୍ୟସରକାର  ୪ଜିଲ୍ଲା  ଗଞ୍ଜାମ, ଖୋର୍ଦ୍ଧା, କଟକ ଓ ଯାଜପୁର  ଏବଂ ରାଉରକେଲା ମୁନିସିପାଲଟି ଅଞ୍ଚଳକୁ  ଜୁଲାଇ ୩୧ ପର୍ଯ୍ୟନ୍ତ କଟକଣା ମଧ୍ୟରେ ରଖିଛନ୍ତି ।ଆସନ୍ତାକାଲି ବିଶେଷଜ୍ଞ ଙ୍କ ବୈଠକ ଡାକିଛନ୍ତି ରାଜ୍ୟ ସରକାର। ତେଣୁ  ଆସନ୍ତାକାଲି ରଣନୀତି ଘୋଷଣା କରାଯାଇପାରେ।

   Related Posts