Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

ଦୀପାବଳିରେ ସରକାର ସାଧାରଣ ଜନତାଙ୍କୁ ଦେବେ ବଡ ଉପହାର ! ଏହି ଲୋନ୍ ଉପରେ ହେବ ସୁଧ ଛାଡ

21/10/2020 at 3:34 PM

ନୂଆଦିଲ୍ଲୀ ୨୧।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ୍‌ କମିଟି ଏବଂ ଅର୍ଥ ବ୍ୟାପାର(CCEA- Cabinet Committee on Economic Affairs)  ବୈଠକରେ ଆଜି ବଡ ନିଷ୍ପତ୍ତି ହୋଇଛି। ମିଳିଥିବା ସୂଚନା ଅନୁଯାୟୀ, ବଛା ବଛା ଲୋନ ଉପରେ ସୁଧ ଛାଡ କରିବାକୁ ସହମତି ପ୍ରକାଶ ପାଇଛି। ହେଲେ କେନ୍ଦ୍ର ସରକାର ଏବେ ଏହାର ଘୋଷଣା କରିବେ ନାହିଁ କାରଣ ଏହି ମାମଲା ସଂପ୍ରତି ସୁପ୍ରିମକୋର୍ଟରେ ବିଚାରଧୀନ ରହିଛି।

ଉଲ୍ଲେଖନୀୟ ଲୋନ ମୋରାଟୋରିୟମ ଜରିଆରେ ଆପଣ କିଛି ସମୟ ନିଜର ଇଏମଆଇ ରୋକି ପାରିବେ। କରୋନା ମହାମାରୀ ସମୟରେ ଆର୍ଥିକ ସଙ୍କଟ ଦେଇ ଗତି କରୁଥିବା ଲୋକଙ୍କ ପାଇଁ ରିଜର୍ଭ ବ୍ୟାଙ୍କ ଲୋନ ମୋରାଟରିୟମ ପ୍ରସ୍ତାବ ରଖିଥିଲେ। ଲୋକଙ୍କୁ ମାର୍ଚ୍ଚରୁ ଅଗଷ୍ଟ ପର୍ଯ୍ୟନ୍ତ କିସ୍ତି ଘୁଞ୍ଚାଇବା ପାଇଁ ମିଳିଥିବା ସୁଯୋଗର ଫାଇଦା ଉଠାଇଥିଲେ। ମାତ୍ର ସେମାନଙ୍କର ଅଭିଯୋଗ ଥିଲା ଯେ, ବ୍ୟାଙ୍କ ବକେୟା ରାଶି ଉପରେ ଅତିରିକ୍ତ ସୁଧ ଅର୍ଥାତ ସୁଧ ଉପରେ ସୁଧ ଲଗାଉଛି। ଏହା ପରେ ଏହି ମାମଲା ସୁପ୍ରିମକୋର୍ଟରେ ବିଚାରଧୀନ ରହିଛି।

ସୂତ୍ର ଅନୁଯାୟୀ ସିସିଇଏ ବୈଠକରେ ଆଜି ଲୋନ ଉପରେ ସୁଧ ଛାଡକୁ ମଞ୍ଜୁରୀ ମିଳିଛି। ମାତ୍ର ବୈଠକରେ ବଛା ବଛା ଲୋନ ଉପରେ ହିଁ ସୁଧ ଛାଡକୁ ମଞ୍ଜୁରୀ ମିଳିଛି। ଏହାର ଫାଇଦା ୨ କୋଟି ଟଙ୍କା ପର୍ଯ୍ୟନ୍ତ ଲୋନ ନେଇଥିବା ବ୍ୟକ୍ତିଙ୍କୁ ମିଳିବ।

ପ୍ରସ୍ତାବ ଅନୁଯାୟୀ ବଛା ବଛା ଲୋନ ଉପରେ ସୁଧ ଛାଡ କରାଯିବ। ସରକାର ସୁଧ ଉପରେ ସୁଧର ଅତିରିକ୍ତ ଗ୍ରାଟିଆ ପେମେଣ୍ଟ କରିବେ। ଏହା ପୂର୍ବରୁ ଅକ୍ଟୋବର ୧୪ରେ ସୁପ୍ରିମକୋର୍ଟ କହିଥିଲେ, କେନ୍ଦ୍ର ସରକାରଙ୍କୁ ସୁଧ ଉପରେ ସୁଧ ଛାଡ ପ୍ରସ୍ତାବ ଶୀଘ୍ର ଲାଗୁ କରିବା ଉଚିତ୍। ଏଥିପାଇଁ କେନ୍ଦ୍ର ସରକାରଙ୍କୁ ମାସାଧିକ ସମୟ କଣ ପାଇଁ ଦରକାର।

ସୁପ୍ରିମକୋର୍ଟ ଏହା ମଧ୍ୟ କହିଥିଲେ, ଯଦି ସରକାର ଏହା ଉପରେ ନିଷ୍ପତ୍ତି ନେବେ ତେବେ ଆମେ ତୁରନ୍ତ ଆଦେଶ ପାରିତ କରିବୁ। ଏହା ଉପରେ ସଲିସିଟର ଜେନେରାଲ କହିଥିଲେ ସମସ୍ତ ଲୋନ ଅଲଗା ଅଲଗା ପ୍ରକାରର ରହିଛି ତେଣୁ ଭିନ୍ନ ଭିନ୍ନ ଭାବେ ଏହାର ସଞ୍ଚାଳନ କରାଯିବ।

   Related Posts