Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କ୍ରୀଡା ଦିବସରେ ସରକାର ବଢାଇଲେ ଅର୍ଜୁନ ପୁରସ୍କାର ଓ ଖେଳ ରତ୍ନ ପୁରସ୍କାର ରାଶି

29/08/2020 at 8:00 PM

ନୂଆଦିଲ୍ଲୀ ୨୯/୦୮ : ଖେଳ ଦିବସ ଅବସରରେ ସରକାର ଖେଳ ରତ୍ନ ପୁରସ୍କାର ପାଇଁ ଦିଆଯାଉଥିବା ରାଶି ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି | କେନ୍ଦ୍ର କ୍ରୀଡାମନ୍ତ୍ରୀ କିରେନ ରିଜିଜୁ ରାଷ୍ଟ୍ରୀୟ ଖେଳ ପୁରସ୍କାର ରାଶି ବୃଦ୍ଧି କରାଯିବା ସମ୍ପର୍କରେ କହିଛନ୍ତି | କ୍ରୀଡା ଓ ଦୁଃସାହସିକ ପୁରସ୍କାର ରାଶି ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି ବୋଲି ସେ କହିଛନ୍ତି |

କିରେନ ରିଜିଜୁଙ୍କ ଅନୁସାରେ ଅର୍ଜୁନ ଆୱାର୍ଡ ପାଇଁ ୧୫ ଲକ୍ଷ ଟଙ୍କା, ଖେଳ ରତ୍ନ ଆୱାର୍ଡ ପାଇଁ ୨୫ ଲକ୍ଷ ଟଙ୍କା ପୁରସ୍କାର ରାଶି କରାଯାଇଛି | ଏହା ପୂର୍ବରୁ ଅର୍ଜୁନ ଆୱାର୍ଡ ବିଜେତାଙ୍କୁ ନଗଦ ୫ ଲକ୍ଷ ଟଙ୍କା ଓ ଟ୍ରଫି ଦିଆଯାଉଥିଲା | ଖେଳ ରତ୍ନ ବିଜେତାଙ୍କୁ ୭ ଲକ୍ଷ ଟଙ୍କା, ମେଡାଲ ଓ ସାର୍ଟିଫିକେଟ ଦିଆଯାଉଥିଲା |

ସୂଚନାଯୋଗ୍ୟ ଯେ, ପ୍ରତି ବର୍ଷ ଅଗଷ୍ଟ ୨୯ ତାରିଖରେ ଖେଳ ଦିବସ ପାଳନ କରାଯାଏ | ଏହି ଦିନ ହକି ଯାଦୁଗର ଧ୍ୟାନଚନ୍ଦଙ୍କ ଜନ୍ମ ହୋଇଥିଲା | ପ୍ରତିବର୍ଷ ଅଗଷ୍ଟ ୨୯ ତାରିଖରେ ଦେଶର ରାଷ୍ଟ୍ରପତି ଖେଳ ରତ୍ନ ପୁରସ୍କାର, ଅର୍ଜୁନ ପୁରସ୍କାର, ଦ୍ରୋଣାଚାର୍ଯ୍ୟ ପୁରସ୍କାର ନାମିତ ଖେଳାଳିଙ୍କୁ ଦେଇ ସମ୍ମାନିତ କରିଥାନ୍ତି |

   Related Posts