Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୮ କରୋନା ସଂକ୍ରମିତଙ୍କ ମୃତ୍ୟୁ, ୧୨ଶହ ଅତିକ୍ରମ କଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୭୯୩ କରୋନା ସଂକ୍ରମିତ, ୨୭୭୮୮୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କେନ୍ଦ୍ରାପଡାରେ ଘରେ ପଶି ଲୁଟିଲେ, କଟୁରୀରେ ହାଣି ଖସିଗଲେ, ସ୍ବାମୀ-ସ୍ତ୍ରୀ ଗୁରୁତର
  • ||
  • ବାଲେଶ୍ବର ମୁଖ୍ୟ ଯୋଗାଣ ଅଧିକାରୀଙ୍କ ଅଫିସ୍‌ରୁ ଜବତ ହେଲା ୯ଟି ଟଙ୍କା ଭର୍ତ୍ତି ଲଫାପା, ବାନ୍ଧିନେଲା ଭିଜିଲାନ୍ସ
  • ||
  • ପାଟଣାରେ ଭାରସାମ୍ୟ ହରାଇ ପଥରରେ ପିଟି ହେଲା ବାଇକ୍, ଘଟଣାସ୍ଥଳରେ ଚାଳକଙ୍କ ମୃତ୍ୟୁ
  • ||
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||

କରୋନା ଯୋଗୁ ମୌସୁମୀ ଅଧିବେଶନରେ ଲାଗିଲା ବ୍ରେକ, ସରକାର ରାଜ୍ୟସଭାରେ କହିଲେ- ଆଜିଠାରୁ ସଂସଦ ଅନିଶ୍ଚିତକାଳ ପାଇଁ ସ୍ଥଗିତ

23/09/2020 at 12:07 PM

ନୂଆଦିଲ୍ଲୀ ୨୩/୦୯: କରୋନା ସଂକ୍ରମଣ ଯୋଗୁ ସଂସଦର ମୌସୁମୀ ଅଧିବେଶନ ଅନିଶ୍ଚିତକାଳ ପାଇଁ ବନ୍ଦ ହୋଇପାରେ। ସରକାର ଧାର୍ଯ୍ୟ ସମୟ ପୂର୍ବରୁ ଅନିଶ୍ଚିତକାଳ ପାଇଁ ସଂସଦକୁ ସ୍ଥଗିତ ରଖିବା ନିଷ୍ପତି ନେଲେ। ଗୃହ ମନ୍ତ୍ରୀ ମୁରଲୀଧରନ ଆଜି (ବୁଧବାର) ରାଜ୍ୟସଭାରେ କହିଛନ୍ତି, ତାଙ୍କୁ ସଦସ୍ୟଙ୍କୁ ସୁନିଶ୍ଚିତ କରିବାର ଅଛି ଯେ ଆଜିଠାରୁ ଅନିଶ୍ଚିତକାଳ ପାଇଁ ସଂସଦ ସ୍ଥଗିତ ରଖାଯିବ। ମାତ୍ର ଏହା ପୂର୍ବରୁ ଲୋକସଭାରୁ ପାସ୍ କିଛି ଜରୁରୀ କାର୍ଯ୍ୟକୁୂ ଗୃହରେ ପୂରା କରାଯିବ।

ଲୋକସଭା ଅଧିବେଶନ ଆଜି ସନ୍ଧ୍ୟା ୬ଟାରେ ଆରମ୍ଭ ହେବ। ଲୋକସଭା ଅଧ୍ୟକ୍ଷ ଓମ ବିର୍ଲା ଗତକାଲି ସନ୍ଧ୍ୟାରେ ଏକଥା ଘୋଷଣା କରିଥିଲେ। ରାଜ୍ୟସଭାକୁ ଅଧିକ ସମୟ ଦେବା ପାଇଁ ଏମିତି କରାଯାଉଛି। ଏହା ବ୍ୟତୀତ କରୋନା ସଂକ୍ରମଣ ଯୋଗୁ ବିରୋଧୀ ଦଳର ଦାବି ଥିଲା ମୌସୁମୀ ଅଧିବେଶନକୁ ସମୟ ପୂର୍ବରୁ ଶେଷ କରାଯାଉ।

କରୋନାରେ ସାମାଜିକ ଦୂରତ୍ବ ବଜାୟ ରଖିବା ପାଇଁ ଦୁଇ ଗୃହର ବୈଠକ ଦୁଇଟି  ସଭା କକ୍ଷରେ ହେଉଛି। ଏଥିପାଇଁ ରାଜ୍ୟସଭାକୁ ସକାଳ ୯ଟାରୁ ଦ୍ବିପହର ୧ଟା ଓ ଲୋକସଭା ପାଇଁ ଦ୍ବିପହର ତିନିଟାରୁ ସନ୍ଧ୍ୟା ସାତଟା ପର୍ଯ୍ୟନ୍ତ ଚାଲୁଛି। ଲୋକସଭା ଅଧିବେଶନ ସନ୍ଧ୍ୟାରେ ହେଉଥିବାରୁ ରାଜ୍ୟସଭାକୁ ଅଧିକ ଏକ ଘଣ୍ଟା ମିଳିପାରୁଛି।ଏପରିକି ଲୋକସଭାରେ ବିଳମ୍ବିତ ରାତି ପର୍ଯ୍ୟନ୍ତ କାମ ହେଉଛି।ଏଣୁ ଲୋକସଭାରେ ପାରିତ ବିଭିନ୍ନ ବିଲକୁ ରାଜ୍ୟସଭାରେ ଆଜି ଅଧିକ ସମୟଦିଆଯିବ। ସବୁ ଦଳ ସହମତି କ୍ରମେ ଆଜି ମୌସୁମୀ ଅଧିବେଶନ ବନ୍ଦ ହୋଇପାରେ।

କୃଷି ବିଲ ପ୍ରସଙ୍ଗରେ କଂଗ୍ରେସ ସମେତ ଅଧିକାଂଶ ବିରୋଧୀ ଦଳ ସଂସଦରର ଦୁଇ ଗୃହକୁ ବହିଷ୍କାର କରିବା ନିଷ୍ପତି ନେବା ସହ ଗତକାଲି ସେମାନେ ଅଧିବେଶନରେ ସାମିଲ ହୋଇ ନ ଥିଲେ। ଏଭଳି ସ୍ଥିତିରେ ସରକାରଙ୍କ ପାଖରେ କୌଣସି ବାଧା ବିନା ସବୁ କାର୍ଯ୍ୟ ଶେଷ କରିବାର ସୁଯୋଗ ରହିଛି। ଏହା ସହ ସଂସଦକୁ ଶୂନ୍ୟକାଳ ମାଧ୍ୟମରେ  ନିଜ ପ୍ରସଙ୍ଗ ଉଠାଇବାରେ ଅଧିକ ସମୟ ମିଳୁଛି।

ସେପ୍ଟେମ୍ବର ୧୪ରୁ ଆରମ୍ଭ ହୋଇଥିବା ଅଧିବେଶନ ଅକ୍ଟେବାର ୧ ତାରିଖ ପର୍ଯ୍ୟନ୍ତ ୧୮ ଦିନ ପାଇଁ ଚାଲିବାର ଥିଲା। ମାତ୍ର କରୋନା ସଂକମ୍ରଣ ଯୋଗୁ ଧାର୍ଯ୍ୟ ସମୟଠାରୁ ୮ ଦିନ ପୂର୍ବରୁ ଶେଷ କରାଯାଉଛି।

   Related Posts