Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ବିରାଟ ବାହିନୀକୁ ଚାମ୍ପିଅନ୍ ମାନନ୍ତି ନାହିଁ ଗମ୍ଭୀର, ଜାଣନ୍ତୁ କଣ ଏହାର କାରଣ

14/06/2020 at 3:04 PM

ଭୁବନେଶ୍ୱର, ୧୪|୦୬ : ଭାରତୀୟ ଦଳର ପୂର୍ବତନ ବ୍ୟାଟସମ୍ୟାନ ଗୌତମ ଗମ୍ଭୀର ବିରାଟ ବାହିନୀ ବାବଦରେ ଏପରି କିଛି କହିଛନ୍ତି ଯାହା ସମସ୍ତଙ୍କୁ ଚକିତ କରିଛି । ଭାରତୀୟ ଖେଳାଳି କଠିନ ପରିସ୍ଥିତିର ସାମ୍ନା କରିବା ପାଇଁ ମାନସିକ ଭାବେ ସେତେ ମାତ୍ରାରେ ଶକ୍ତିଶାଳୀ ନୁହେଁ । ବିଶ୍ୱକପ ଭଳି ବଡ ଟୁର୍ଣ୍ଣାମେଣ୍ଟରେ ବିଜୟ ହାସଲ ନକଲା ଯାଏଁ ସେ ଦଳକୁ ବିଶ୍ୱ ଚାମ୍ପିଅନ କହିପାରିବେ ନାହିଁ ବୋଲି କହିଛନ୍ତି । ଗତ ବିଶ୍ୱକପରେ ବିରାଟ ବାହିନୀ ସେମିଫାଇନାଲରେ ନ୍ୟୁଜିଲାଣ୍ଡଠାରୁ ପରାସ୍ତ ହୋଇଥିଲା ।

ଭାରତ ୧୯୮୩ ଓ ୨୦୧୧ରେ ଦୁଇଥର ବିଶ୍ୱ ଚାମ୍ପିଅନ ହୋଇଛି । ତେବେ ୪ଥର ଦଳ ସେମିଫାଇନାଲକୁ ବାଦ୍ ପଡିଛି । ୨୦୧୫ରେ ମଧ୍ୟ ଦଳ ସେମିଫାଇନାଲରୁ ବାଦ୍ ପଡିଥିଲା । ଦଳ ୨୦୦୭ ଟି୨୦ ବିଶ୍ୱକପ୍ ଚାମ୍ପିଅନ ହୋଇଥିଲେ ମଧ୍ୟ ୨୦୧୪ରେ କେବଳ ଫାଇନାଲରେ ପହଁଚିବାରେ ସଫଳ ହୋଇଥିଲା ।

ଗମ୍ଭୀର ଷ୍ଟାର୍ ସ୍ପୋର୍ଟସକୁ କହିଛନ୍ତି ଯେ, ଦଳରେ ଜଣେ ଭଲ ଓ ଖେଳାଳି ମଧ୍ୟରେ କଣ ପାର୍ଥକ୍ୟ ଥାଏ ତାହା ଜଣାପଡେ । ଗୁରୁତ୍ୱପୂର୍ଣ୍ଣ ମ୍ୟାଚକୁ ଆପଣ କିପରି ସାମ୍ନା କରନ୍ତି ତାହା ସମସ୍ତେ ଦେଖିଥାନ୍ତି । ଭାରତୀୟ ଦଳ ଚାପରେ ଖେଳିପାରେ ନାହିଁ । ଅନ୍ୟ ଟିମ୍ ଚାପରେ ଥାଇ ମଧ୍ୟ ଭଲ ଖେଳନ୍ତି ।

ସେ ଆହୁରି କହିଛନ୍ତି ଯେ, ଦଳ ନକଆଉଟ୍ ପର୍ଯ୍ୟାୟରେ ଅନେକ ସମୟରେ ବିଫଳ ହେଉଛି । ଏହା ମାନସିକ ସ୍ଥିତି ସହ ଜଡିତ । ଗମ୍ଭୀର ସେହି ଦଳର ସଦସ୍ୟ ଥିଲେ ଯେଉଁ ଦଳ ୨୮ ବର୍ଷ ପରେ ବିଶ୍ୱକପ୍ ଜିତିଥିଲା ।

   Related Posts