Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

ନରମିଲା ଗମ୍ଭୀରଙ୍କ ସ୍ୱର, ବିରାଟଙ୍କୁ କଲେ ପ୍ରଶଂସା, କହିଲେ- ‘ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଭାରତ କ୍ଲିନ୍ ସ୍ୱିପ୍ କରିବ’

2/02/2021 at 9:43 AM

ନୂଆଦିଲ୍ଲୀ, ୦୨/୦୨: ଫେବ୍ରୁଆରୀ ୫ ତାରିଖରୁ ଭାରତ ଓ ଇଂଲଣ୍ଡ ମଧ୍ୟରେ ଟେଷ୍ଟ୍ ସିରିଜ ଆରମ୍ଭ ହେବ ।  ଟେଷ୍ଟ ସିରିଜ୍‌ର ଫଳାଫଳ ଉପରେ ପୂର୍ବତନ ଖେଳାଳିମାନେ ପ୍ରତିକ୍ରିୟା ଦେବା ଆରମ୍ଭ କରିଦେଲେଣି ।  ପୂର୍ବତନ ଓପନର ଗୌତମ ଗମ୍ଭୀର ମଧ୍ୟ ସିରିଜ୍ ଉପରେ ପ୍ରତିକ୍ରିୟା ଦେଇଛନ୍ତି। ଇଂଲଣ୍ଡ ଗୋଟିଏ ମ୍ୟାଚ୍‌ ବି ଜିତିପାରିବନି ବୋଲି ଗମ୍ଭୀର କହିଛନ୍ତି ।

ଗମ୍ଭୀର କହିଛନ୍ତି ଯେ, ଇଂଲଣ୍ଡର ସ୍ପିନ ବିଭାଗ ଦୁର୍ବଳ ରହିଛି । ମୋଇନ୍‌ ଅଲି, ଜାକ୍‌ ଲିଚ୍‌ ଓ ଡମ୍‌ ବେସ୍‌ ସ୍ଥାନ ପାଇଛନ୍ତି । ଅଲି ୬୦ଟେଷ୍ଟରୁ ୧୮୧ଟି ୱିକେଟ୍‌ ନେଇଥିବାବେଳେ ଲିଚ୍‌ ଓ ବେସ୍‌ ପ୍ରତ୍ୟେକ ୧୨ଟି ଲେଖାଏଁ ମ୍ୟାଚ୍‌ ଖେଳି ଯଥାକ୍ରମେ ୪୪ ଓ ୩୧ଟି ୱିକେଟ୍‌ ନେଇଛନ୍ତି । ଏମାନଙ୍କ ପାଖରେ ଅଭିଜ୍ଞତା କମ୍‌ ରହିଛି । ତେଣୁ ଭାରତ କ୍ଲିନ୍‌ସୁଇପ କରିପାରେ । କେବଳ ପିଙ୍କ୍‌ ବଲ୍‌ରେ ଖେଳାଯିବାକୁ ଥିବା ତୃତୀୟ ଟେଷ୍ଟ (ଅହମ୍ମଦାବାଦ)ରେ ଉଭୟ ଦଳ ପାଖରେ ୫୦ ପ୍ରତିଶତ ବିଜୟୀ ହେବାର ସୁଯୋଗ ରହିଛି । ଜୋ ରୁଟ୍‌ ଶ୍ରୀଲଙ୍କା ଗସ୍ତରେ ଭଲ ପ୍ରଦର୍ଶନ କରିଥିଲେ । କିନ୍ତୁ ଭାରତ ବିପକ୍ଷରେ ସେ ଭିନ୍ନ ଚ୍ୟାଲେଞ୍ଜର ସମ୍ମୁଖୀନ ହେବେ । ରବିଚନ୍ଦ୍ରନ ଅଶ୍ୱିନ ଏବେ ଶ୍ରେଷ୍ଠ ଫର୍ମରେ ରହିଛନ୍ତି ।

ଏତତ୍ ବ୍ୟତୀତ ସେ କହିଛନ୍ତି ଯେ, ବୁମ୍‌ରାହ, ଈଶାନ୍ତଙ୍କ ବିପକ୍ଷରେ ଖେଳିବା ଚ୍ୟାଲେଞ୍ଜ ସଦୃଶ ହେବ । ଟେଷ୍ଟ ନେତୃତ୍ୱ ପରିବର୍ତ୍ତନ ଚର୍ଚ୍ଚା ଉପରେ ମତ ଦେଇ ଗମ୍ଭୀର କହିଛନ୍ତି, କୋହଲି ଦଳର ଅଧିନାୟକ । ସେ ଟେଷ୍ଟରେ ସଫଳ ହୋଇଛନ୍ତି । ତେଣୁ ତାଙ୍କୁ ହଟାଇବାର କୌଣସି ଆବଶ୍ୟକତା ନାହିଁ । ସେ କେବଳ ଟି-ଟ୍ୱେଣ୍ଟି ଫର୍ମାଟ ଅଧିନାୟକ ପରିବର୍ତ୍ତନ ପାଇଁ କହିଆସିଛନ୍ତି । କାରଣ ସେ ସେତେଟା ସଫଳ ହୋଇନାହାନ୍ତି ବୋଲି ଗମ୍ଭୀର ମତ ଦେଇଛନ୍ତି ।

   Related Posts