ଉଦ୍ଧାର ହେଲେ ଟାପୁରେ ଫସିଥିବା ମାଙ୍କଡ଼ । ସୁରକ୍ଷିତ ଭାବେ ଏମାନଙ୍କୁ ଉଦ୍ଧାର କଲା ବନ ବିଭାଗ । ଝାରସୁଗୁଡା ଡୁମେରମୁଣ୍ଡା ଗାଁ ନିକଟରେ ଥିବା ହୀରାକୁଦ ରିଜର୍ଭର ଭିତରେ ୩ ମାସରୁ ଅଧିକ ସମୟ ଧରି ଟାପୁରେ ଫସି ରହିଥିଲେ ୧୧ଟି ମାଙ୍କଡ଼ । ଉପରେ 33KV ବିଦ୍ୟୁତ ତା’ର, ଆଉ ତଳେ ଅଥଳ ପାଣି । ଉପରକୁ ଚଢ଼ିଲେ ବିପଦ, ତଳକୁ ଓହ୍ଲାଇଲେ ବି ବିପଦ । ତଥାପି ବି ଜୀବନ ବଞ୍ଚାଇବା ପାଇଁ ସଂଘର୍ଷ କଲା ବେଳେ ବିଦ୍ୟୁତ୍ ଆଘାତରେ ଦୁଇଟି ମାଙ୍କଡ଼ ପ୍ରାଣ ହରାଇଥିଲେ । ଆଉ ପାଣିରେ ବୁଡ଼ି ମରିଥିଲେ ୩ଟି । ବାକି ୬ଟି ମାଙ୍କଡ଼କୁ କିଛିଦିନ ଧରି ସ୍ଥାନୀୟ ଲୋକେ ଖାଇବାକୁ ଦେଉଥିଲେ । ଏ ସମ୍ପର୍କରେ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ମାଙ୍କଡ଼ମାନଙ୍କ ଉଦ୍ଧାର ପାଇଁ ବନ ବିଭାଗ ଉଦ୍ୟମ ଆରମ୍ଭ କରିଥିଲା । ୫ ଦିନର ଉଦ୍ୟମ ପରେ ସମସ୍ତ ମାଙ୍କଡ଼ ସୁରକ୍ଷିତ ଉଦ୍ଧାର ହୋଇଛନ୍ତି ।
wp:core-embed/youtube {"url":"https://www.youtube.com/watch?v=hgDhL4v31po","type":"video","providerNameSlug":"youtube","className":"wp-embed-aspect-16-9 wp-has-aspect-ratio"}ନଈରେ ପାଣି ନଥିବା ବେଳେ ଏହି ମାଙ୍କଡ ପଲ ଟାୱାର ନିକଟରେ ବୁଲାବୁଲି କରୁଥିଲେ। ହେଲେ ନଈରେ ପାଣି ବଢିଯିବାରୁ ଏମାନେ ଆଉ ମୁକୁଳିପାରିନଥିଲେ । ବନ ବିଭାଗ ପକ୍ଷରୁ ଗ୍ରାମବାସୀଙ୍କ ସହାୟତାରେ ଏକ ଯନ୍ତା ବସାଯାଇଥିଲା । ସେଥିରେ ବନଜାତ ଦ୍ରବ୍ୟ, ଫଳମୂଳ ରଖାଯାଇଥିଲା । ମାଙ୍କଡ଼ ଖାଇବାକୁ ଆସି ଯନ୍ତାରେ ପଡ଼ିଥିଲେ । ବୁଧବାର ଗୋଟିଏ ଶିଶୁ ମାଙ୍କଡ଼କୁ ପ୍ରଥମେ ଉଦ୍ଧାର କରାଯାଇଥିଲା । ଗୁରୁବାର ୩ଟି, ଶୁକ୍ରବାର ଗୋଟିଏ, ଆଉ ଆଜି ଶେଷ ମାଙ୍କଡକୁ ଉଦ୍ଧାର କରାଯାଇଛି।
ମାଙ୍କଡ଼ମାନଙ୍କୁ ବଞ୍ଚାଇ ରଖିବା ପାଇଁ ଖାଇବାକୁ ଦେବା ଏବଂ ସେମାନଙ୍କୁ ଉଦ୍ଧାର କରିବା ପାଇଁ ଡୁମେରମୁଣ୍ଡା ଗାଁ ଲୋକେ ଯେଭଳି ଆଗ୍ରହ ଦେଖାଇଥିଲେ, ତାହା ପ୍ରଶଂସାଯୋଗ୍ୟ ।…
