ବ୍ରହ୍ମପୁର୧୩|୮: ଅଶାନ୍ତ ସମୁଦ୍ର କୂଳ ଲଘୁଂଛି । ଅସୁରକ୍ଷିତ ହୋଇପଡିଛି ଗୋପାଳପୁର ବେଳାଭୂମି । ସମୁଦ୍ରର ଢେଉର ରୂପ ଦେଖି ପର୍ଯ୍ୟଟକ ବି ଚିନ୍ତାରେ । ଏପରି ସ୍ଥିତିରେ ଏହି ପ୍ରସିଦ୍ଧ ସମୁଦ୍ର ବେଳାଭୂମୀ ଓ ପର୍ଯ୍ୟଟନ ସହ ସଂସ୍ଲିଷ୍ଟ ବିଭିନ୍ନ ଦିଗକୁ ନେଇ ବି ଚିନ୍ତା ।
{"id":143984}ମାଡି ଆସୁଛି ସମୁଦ୍ରପାଣି...କୂଳ ଲଂଘୁଛି ଢେଉ । ଅଶାନ୍ତ ରହୁଛି ସମୁଦ୍ର, ଆଉ କରେଣ୍ଟ ମାତ୍ରା ବି ଅଧିକ । ଏ ହେଉଛି ପର୍ଯ୍ୟଟନ କ୍ଷେତ୍ର ଗୋପାଳପୁର । ରାଜ୍ୟର ଅନ୍ୟତମ ପ୍ରମୂଖ ପର୍ଯ୍ୟଟନସ୍ଥଳୀ,ସୁନ୍ଦର ଓ ଆକର୍ଷଣୀୟ ସାମୁଦ୍ରିକ ବେଳାଭୂମୀ । ଏଠାକୁ ପ୍ରତିଦିନ ଅନେକ ପର୍ଯ୍ୟଟକ ଆସିଥାନ୍ତି । କିନ୍ତୁ ଏଠାକର ଏବେର ପରିସ୍ଥିତି ପର୍ଯ୍ୟଟକଙ୍କ ଚିନ୍ତା ବଢେଇ ଦେଇଛି । କାରଣ ସମୁଦ୍ର ଏବେ କୂଳ ଲଙ୍ଘୁଛି। ଏସମୟରେ ସମୁଦ୍ର କୂଳରେ ବୁଲିବା, ସମୁଦ୍ର ପାଣିର ମଜା ନେବା କଷ୍ଟକର ହୋଇପଡୁଛି। ଏଥିପାଇଁ ପର୍ଯ୍ୟଟକ ମନରେ ଭୟ ବି ରହିଛି । ତଥାପି ବେଳାଭୂମିରେ ମଜା ନେଉଥିବା କହିଛନ୍ତି କୋଲକାତାରୁ ଆସିଥିବା ପର୍ଯ୍ୟଟକ।
{"id":143985}ଗତ ତିନି ଦିନ ହେଲା ଗୋପାଳପୁର ସମୁଦ୍ର ଅଶାନ୍ତ । ସମୁଦ୍ର ପାଣି କୂଳକୁ ଲାଗିଛି । ଏପରିକି କିଛି ହୋଟେଲ୍ କୁ ବି କେତେକ ସ୍ଥାନରେ ଛୁଇଁଛି ସମୁଦ୍ରପାଣି । ତା ସହ ଢେଉରେ କରେଣ୍ଟ ରହୁଥିବାରୁ କୋଷ୍ଟ ଗାର୍ଡ ଏବଂ ପ୍ରଶାସନ ପକ୍ଷରୁ ସୁରକ୍ଷା ଉପରେ ନଜର ରଖାଯାଇଛି । ସମୁଦ୍ର ତଟରେ କୋଷ୍ଟ୍ ଗାର୍ଡ ମୁତୟନ ଅଛନ୍ତି।
{"id":143986}ପୂର୍ବରୁ ସମୁଦ୍ରପାଣି ଏତେ ନିକଟତର ହୋଇନଥିବା କୋଷ୍ଟ ଗାର୍ଡ ପକ୍ଷରୁ କୁହାଯାଇଥିବା ବେଳେ କୌଣସି ପର୍ଯ୍ୟଟକ ଯେପରି କୌଣସି ଅସୁବିଧାର ସମ୍ମୁଖୀନ ନହୁଅନ୍ତି ସେଥିପ୍ରତି ନଜର ରଖାଯାଇଛି । ପରିସ୍ଥିତିର ମୁକାବିଲା ପାଇଁ ପ୍ରଶାସନ ସଜାଗ ଥିବା କହିଛନ୍ତି ଗୋପାଳପୁର ନିର୍ବାହୀ ଅଧିକାରୀ ଉମା ଶଙ୍କର ସେଠୀ।
{"id":143987}ଅଗଷ୍ଟ ମାସରେ ସାଧାରଣତଃ ସମୁଦ୍ର ପାଣି ଅଧିକ କୂଳ ନିକଟତର ହୋଇଥାଏ। ସେପ୍ଟମ୍ବର ମାସ ବେଳକୁ ଏଥିରେ ଭଟ୍ଟା ଆସିଥାଏ । ତେବେ ଆଗକୁ ପୂର୍ଣ୍ଣିମା ଥିବାରୁ ସମୁଦ୍ର ଢେଉ ଅଧିକ କୂଳ ଲଙ୍ଘିବା ଆଶଙ୍କା ରହିଛି। ଏଥିପାଇଁ ପର୍ଯ୍ୟଟକଙ୍କୁ ସତର୍କ ସୂଚନା ଦିଆଯାଉଛି।