Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ଗୋପାଳ ସିଂହ ବିଶାରଦ- ୩୩ ବର୍ଷ ପୂର୍ବେ ହୋଇଥିଲା ମୃତ୍ୟୁ, ଆଜି ମିଳିଲା ରାମଲାଲାଙ୍କ ପୂଜା ପାଇଁ ଅଧିକାର

9/11/2019 at 3:11 PM

ନୂଆଦିଲ୍ଲୀ – ଅଯୋଧ୍ୟାରେ ରାମମନ୍ଦିର ଓ ବାବ୍ରୀ ମସ୍‌ଜିଦ୍‌ ମାମଲାରେ ସୁପ୍ରିମକୋର୍ଟଙ୍କର ୫ ଜଣିଆ ଖଣ୍ଡପୀଠ ନିଜର ରାୟ ସର୍ବ ସମ୍ମତି କ୍ରମେ ଶୁଣାଇଛନ୍ତି । ଏହି ସ୍ଥାନରେ ରାମ ମନ୍ଦିର ନିର୍ମାଣ ପାଇଁ ଅଦାଲତ ରାୟରେ ପ୍ରକାଶ କରିଛନ୍ତି । ଏହା ସହ ଗୋପାଳ ସିଂ ବିଶାରଦଙ୍କୁ ରାମଲାଲାଙ୍କର ପୂଜାର ଅଧିକାର ଦିଆଯାଇଛି । ଗୋପାଳ ସିଂହ ବିଶାରଦଙ୍କର ମୃତ୍ୟୁ ୩୩ ପୂର୍ବରୁ ହୋଇଛି । ମୃତ୍ୟୁର ୩୩ ବର୍ଷ ପରେ ତାଙ୍କୁ ଏହି ଅଧିକାର ପ୍ରଦାନ କରାଯାଇଛି ।

ମୁସଲିମ୍‌ ପକ୍ଷକୁ ଅଯୋଧ୍ୟାରେ ଅନ୍ୟ ସ୍ଥାନରେ ମସ୍‌ଜିଦ୍‌ ନିର୍ମାଣ ପାଇଁ ଅନୁମତି ମିଳିଛି । ସୁନ୍ନି ଓ୍ୱାକଫ ବୋର୍ଡକୁ ଅଯୋଧ୍ୟାର ଅନ୍ୟ ସ୍ଥାନରେ ମସ୍‌ଜିଦ୍‌ ନିର୍ମାଣ ପାଇଁ ୫ ଏକର ଜମି ପ୍ରଦାନ କରିବା ପାଇଁ ସରକାରଙ୍କୁ କୋର୍ଟ ନିର୍ଦେଶ ଦେଇଛନ୍ତି । ଏଥଇରେ ସିଆ ଓ୍ୱାକଫ ବୋର୍ଡର ଦାବିକୁ ରଦ୍ଦ କରାଯାଇଛି ।

ଗୋପାଳ ସିଂ ବିଶାରଦ ହିନ୍ଦୁ ମହାସଭାରେ ଥିଲେ । ସେ ୧୯୪୯ରେ ବାବ୍ରୀ ମସ୍‌ ମସ୍‌ଜିଦ୍‌ରେ ରାମଲାଲାଙ୍କର ମୂର୍ତ୍ତୀ ରଖାଯିବ ପରେ ୧୯୫୦ ମସିହାରେ ହିନ୍ଦୁ ମହାସଭା ପକ୍ଷରୁ ବ୍ୟକ୍ତିଗତ ଭାବେ ଦର୍ଶନ ଓ ପୂଜା କରିବା ପାଇଁ ଫୈଜାବାଦ ଅଦାଲତରେ ମାମଲା ଦାୟର କରିଥିଲେ ।

୧୯୫୦ ମସିହା ଜାନୁଆରୀ ୧୬ ତାରିଖରେ ଗୋପାଳ ବିଶାରଦ ସିଭିଲ୍ ଜଜ୍‌ଙ୍କ ଅଦାଲତରେ ମାମଲା ରୁଜୁ କରିଥିଲେ । ଏଥିରେ ଜହର ଅହମଦ୍‌ ଓ ଅନ୍ୟ ମୁସଲିମ୍‌ଙ୍କ ବିରୋଧରେ ମାମଲା ଦାୟର କରାଯାଇଥିଲା । ଏଥିରେ ରାମଲାଲାଙ୍କ ମୂର୍ତ୍ତୀ ସ୍ଥାନାନ୍ତର ନ କରାଯିବା ପାଇଁ ଆବେଦନ କରିଥିଲେ । ସିଭିଲ୍‌ ଜଜ୍‌ ସେହିଦିନ ହିଁ ସ୍ଥଗିତାଦେଶର ନିର୍ଦେଶ ଦେଇଥିଲେ । ଏହାକୁ ଅଳ୍ପ ସଂଶୋଧନ ସହ ହାଇକୋର୍ଟ ଅନୁମୋଦିତ କରିଥିଲେ ।

ଗୋପାଳ ସିଂହ ବିଶାରଦଙ୍କର ୧୯୮୬ରେ ମୃତ୍ୟୁ ହୋଇ ସାରିଛି । ଗୋପାଳ ସିଂ ବିଶାରଦଙ୍କ ପାଇଁ ସୁପ୍ରିମକୋର୍ଟରେ ବରିଷ୍ଠ ଆଇନଜୀବୀ ହରିଶ ସାଲେଭେ ମାମଲାକୁ ପରିଚାଳନା କରୁଥିଲେ । ପରେ ରଣଜିତ୍‌ ସିଂ ଏହି ମାମଲାରେ ପକ୍ଷ ରଖିଥିଲେ । ଏହି ଜନ୍ମସ୍ଥାନର ମାଲିକ ସ୍ୱୟଂ ରାମଲାଲା ଏବଂ ତାଙ୍କ ମହକିଲ ତାଙ୍କର ଭକ୍ତ ବୋଲି ସେ ଯୁକ୍ତି କରିଥିଲେ ।

ଅଯୋଧ୍ୟା ପ୍ରସଙ୍ଗରେ ଯେଉଁ ଚାରୋଟି ମାମଲା ରୁଜୁ ହୋଇଥିଲା ,ସେଥିରୁ ଗୋଟିଏ ଗୋପାଲ ସିଂ ବିଶାରଦ ଦାୟର ବା ରୁଜ୍ଜୁ କରିଥିଲେ । ସେ ଅଯୋଧ୍ୟାର ସ୍ୱର୍ଗଦ୍ୱାର ଗଳିରେ ବସବାସ କରୁଥିଲେ ।

   Related Posts