ନୂଆଦିଲ୍ଲୀ ୧୯।୦୮: ଗୁଗୁଲ ବୁଧବାର ନିଜର ଜବ୍ ଆପ୍ର ବିସ୍ତାର କରିଛି। ଏହି ଆପ୍ର ନାମ କୋରମୋ ଆପ୍ ରହିଛି। ଭାରତରେ ରୋଜଗାର ଖୋଜୁଥିବା କୋଟି କୋଟି ଯୁବବର୍ଗଙ୍କୁ ଦୃଷ୍ଟିରେ ରଖି ଗୁଗୁଲ ଭାରତରେ ଏହି କୋରମୋ ଆପର ବିସ୍ତାର କରିଛି। ଏହି ଆପ୍ ଜରିଆରେ ଲୋକ ରୋଜଗାର ସମ୍ବନ୍ଧିତ ଅନେକ ସୂଚନା ପାଇ ପାରିବେ।
କମ୍ପାନୀ ୨୦୧୮ରେ ଏହି କୋରମୋ ଆପ୍କୁ ବାଂଲାଦେଶରେ ଲଞ୍ଚ କରିଥିଲା। ଗତ ବର୍ଷ ଏହାକୁ ଇଣ୍ଡୋନେସିଆରେ ବିସ୍ତାର କରାଯାଇଥିଲା। ଏହା ବ୍ୟତୀତ ଗତ ବର୍ଷ ଗୁଗୁଲ କୋରମୋ ଆପ୍କୁ ଭାରତରେ ବ୍ରାଣ୍ଡ ପେ ଆଧାରରେ ଗୁଗୁଲ ପେ ଆପରେ ଉପଲବ୍ଧ କରାଇଥିଲା।
ଗୁଗୁଲ କହିଛି ଅନେକ କମ୍ପାନୀ ଯେଉଁଥିରେ ଜୋମାଟୋ ଓ ଡୁଞ୍ଜୋ ସାମିଲ, ଏହାକୁ ବେଙ୍ଗାଲୁରୁ ସ୍ଥିତ ଷ୍ଟାର୍ଟଅପ ନିବେଶ କରିଛି। ଏଥିରେ ୨୦ ଲକ୍ଷରୁ ଅଧିକ ଲୋକ କାମ ପାଇଁ ପୋଷ୍ଟ କରିଛନ୍ତି। ଗୁଗୁଲ କହିଛି କମ୍ପାନୀ ଭାରତରେ କୋରମୋ ଜବ୍ସ ରୂପେ ଗୁଗୁଲ ପେରେ ଜବ ସ୍ପଟ୍କୁ ପୁନଃ ବିକଶିତ କରୁଛି।
ଜବ୍ର ଏଣ୍ଟ୍ରି ଲିଭେଲ୍ସ ପାଇଁ ଓପନ କଲ୍ର ଚିହ୍ନଟ କରିବାରେ ସାହାଯ୍ୟ କରିବା ବ୍ୟତୀତ କୋରମୋ ଜବ୍ସ ଆପକୁ ନୂତନ କୌଶଳ ଶିଖିବା ଓ ସହଜରେ ସିଭି ତିଆରି କରିବାରେ ସାହାଯ୍ୟ ପାଇଁ ମଧ୍ୟ ଡିଜାଇନ କରାଯାଇଛି। କୋରମୋ ଜବ୍ସର ଆଞ୍ଚଳିକ ପ୍ରବନ୍ଧକ ତଥା ସଞ୍ଚାଳକ ପ୍ରମୁଖ ବିକି ରସେଲ କହିଛନ୍ତି କମ୍ପାନୀ ଭବିଷ୍ୟତରେ ଏହି ଆପ୍ରେ ନୂତନ ସୁବିଧା ଏବଂ ନିଯୁକ୍ତି ପାଇଁ ନିବେଶ କରିବା ଜାରି ରଖିବ।
ମହାମାରୀ କାରଣରୁ ଚାକିରିରର ପରିଦୃଶ୍ୟରେ ପରିବର୍ତ୍ତନ ଆସିଛି। ନୂତନ ସେବା ଚାହିଦାରେ ମଧ୍ୟ ଅନେକ ପରିବର୍ତ୍ତନ ଘଟିଛି। ସମସ୍ତ ପ୍ରକାରର ବ୍ୟବସାୟ ଏବେ ନୂତନ ଚ୍ୟାଲେଞ୍ଜର ସମ୍ମୁଖୀନ ହେଉଛନ୍ତି। ତେଣୁ ଚାକିରି ଚାହୁଁଥିବା ଲୋକଙ୍କୁ ଶୀଘ୍ର ଏହି ପରିବର୍ତ୍ତନରେ ନିଜକୁ ଅନୁକୂଳ ରଖିବା ଉଚିତ୍।
