ସମ୍ବଲପୁର ୦୧।୦୨: ମାଲବାହୀ ଟ୍ରେନ୍‌ ଲାଇନଚ୍ୟୁତ । ସମ୍ବଲପୁର ସିଟି ଷ୍ଟେସନ ନିକଟରେ ମାଲବାହୀ ଟ୍ରେନ୍ ଲାଇନ୍ ଚ୍ୟୁତ ହୋଇଛି । ମାଲଗାଡିର ଗୋଟିଏ  ବଗି ଧାରଣାରୁ ବିଚ୍ଛିନ୍ନ ହୋଇଥିବା  ସୂଚନା ମିଳିଛି  । ଖବର ପାଇ ଡିଆରଏମ୍‌ଙ୍କ  ସମେତ ବରିଷ୍ଠ ରେଳ ଅଧିକାରୀ  ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରିଛନ୍ତି  ।

ଲାଇନଚ୍ୟୁତ ହେବାର ଚାରିଘଣ୍ଟା ଭିତରେ ମରାମତି କରି ଲାଇନ୍ ଖାଲି କରାଯାଇଛି ବୋଲି ଡିଆରଏମ୍‌ଙ୍କ ପକ୍ଷରୁ ସୂଚନା ଦିଆଯାଇଛି । ମାଲବାହୀ ଟ୍ରେନଟି ସରଲା ଷ୍ଟେସନ ପଟୁ ବିଲାସପୁର  ଆଡକୁ  ଯାଉଥିବା ବେଳେ ଗୋଟିଏ ବଗି ଚକ ରେଳ ଧାରଣାରୁ ଖସିଯାଇଥିଲା । ତେବେ  ଦୁର୍ଘଟଣା  ସତ୍ତ୍ବେ ରେଳ ଚଳାଚଳରେ କୌଣସି ବାଧାପ୍ରାପ୍ତ ହୋଇନଥିବା କୁହାଯାଇଛି ।