Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

କୃଷକଙ୍କ ପାଇଁ ଖୁସି ଖବର: କିଷାନ କ୍ରେଡିଟ୍ କାର୍ଡରେ ୩ ଲକ୍ଷ ଟଙ୍କା ଋଣ…

25/02/2020 at 2:49 PM

ନୂଆଦିଲ୍ଳୀ୨୫/୨: କୃଷକମାନଙ୍କ ପାଇଁ ଖୁସି ଖବର। ୨୦ ହଜାର ବ୍ୟାଙ୍କ ଶାଖାରେ କୃଷକମାନଙ୍କୁ ମିଳିବ ୩ ଲକ୍ଷ ଟଙ୍କା ପର୍ଯ୍ୟନ୍ତ ଋଣ। ମୋଦି ସରକାର ଦେଶସାରା କୃଷକମାନଙ୍କୁ କିଷାନ୍‌ କ୍ରେଡିଟ୍‌ କାର୍ଡ ଦେବା ପାଇଁ ଅଭିଯାନ ଆରମ୍ଭ କରିବେ। ସେଥି ନିମନ୍ତେ ଫେବୃଆରୀ ୨୯ ତାରିଖରେ ଉତ୍ତରପ୍ରଦେଶର ଚିତ୍ରକୁଟରେ ଏକ ବିଶାଳ କାର୍ଯ୍ୟକ୍ରମର ଆୟୋଜନ ହେବ। ଯେଉଁଠି ପ୍ରଧାନମନ୍ତ୍ରୀ ନିଜେ କିଷାନ ଯୋଜନାର ଲାଭ ସଂପର୍କରେ ଲୋକମାନଙ୍କୁ କହିବେ। ଏହି ଦିନରେ ଦେଶର ୨୦ ହଜାର ବ୍ୟାଙ୍କ ଶାଖାରେ କିଷାନ କାର୍ଡ ଜାରି ହେବ। ଯାହାଦ୍ବାରା ଚାଷୀଙ୍କୁ ସହଜରେ ଋଣ ମିଳିବ।

ତେବେ ପ୍ରଧାନମନ୍ତ୍ରୀଙ୍କ ଇଚ୍ଛା କିଷାନ ସମ୍ମାନ ନିଧି ସ୍କିମର ଲାଭାର୍ଥୀଙ୍କୁ କିଷାନ କାର୍ଡ ପ୍ରଦାନ କରାଯିବ। ଏ ସଂପର୍କରେ କୃଷି ଓ କିଷାନ କଲ୍ୟାଣ ମନ୍ତ୍ରୀ ନରେନ୍ଦ୍ର ସିଂହ ତୋମର ସୂଚନା ଦେଇଛନ୍ତି। ଏହା ଦ୍ବାରା ବ୍ୟାଙ୍କଗୁଡିକରୁ ସହଜରେ ଚାଷୀ ଋଣ ନେଇ ପାରିବେ। ଯାହାଫଳରେ ସାହୁକାରଙ୍କ ଜାଲରେ ଫଶି ଚାଷୀଙ୍କୁ ଆଉ ଜୀବନ ହାରିବାକୁ ପଡ଼ିବ ନାହିଁ। ଏହି ଯୋଜନାରେ ଚାଷୀଙ୍କୁ ୩ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଯୋଗାଇଦିଆଯିବ। ୪ ପ୍ରତିଶତ ସୁଧହାରରେ ଚାଷୀଙ୍କୁ ଋଣ ମିଳିବ ବୋଲି ନରେନ୍ଦ୍ର ସିଂହ ତୋମର କହିଛନ୍ତି।

ସେହିପରି ପଶୁପାଳନ ଓ ମତ୍ସ୍ୟଚାଷ ପାଇଁ କିସାନ କାର୍ଡ ଜରିଆରେ ଋଣ ପ୍ରଦାନ କରାଯିବ। ୧୦ ହଜାର ନୂଆ କିସାନ ଉତ୍ପାଦକ ସଂଗଠନ ( ଏଫପିଓ)ର ରେଜିଷ୍ଟ୍ରସନ କରାଯିବ। କୃଷିର ବିକାଶ ପାଇଁ ପ୍ରତ୍ୟେକ ଏଫପିଓକୁ ୧୫ ଲକ୍ଷ ଲେଖାଏଁ ସହାୟତା ଯୋଗାଇ ଦିଆଯିବ।ତେବେ ବର୍ତ୍ତମାନ ୬.୬ କୋଟି ଏକ୍ଟିଭ କିସାନ କ୍ରେଡିଟ୍ କାର୍ଡ ରହିଛି। ପିଏମ କିସାନ ନିଧରେ ଅନ୍ତର୍ଭୁକ୍ତ ୩ କୋଟି ଚାଷୀଙ୍କ ପାଖରେ କାର୍ଡ ନାହିଁ। ସେଥିପାଇଁ ନୂଆ କାର୍ଡ ତିଆରି ପାଇଁ ଯୋଜନା ରହିଛି।

   Related Posts