Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||
  • ରାଜ୍ୟକୁ ପ୍ରଶଂସା କଲା RBI: ଟ୍ବିଟ୍ କରି ଜଣାଇଲେ ମୁଖ୍ୟମନ୍ତ୍ରୀ
  • ||

ଚାକିରିଆଙ୍କ ପାଇଁ ଖୁସି ଖବର : ଦରମାରେ ହେବ ଡବଲ ଡିଜିଟ ବୃଦ୍ଧି

18/01/2019 at 12:48 PM

ଦିଲ୍ଲୀ ୧୮/୧ : ଚାକିରିଆଙ୍କ ପାଇଁ ଏକ ଖୁସି ଖବର ଆସିଛି | ଚଳିତ ବର୍ଷ ଚାକିରୀ କ୍ଷେତ୍ରରେ କର୍ମଚାରୀଙ୍କ ଦରମାରେ ଡବଲ ଡିଜିଟ ବୃଦ୍ଧି ହେବ ବୋଲି ଆକଳନ କରାଯାଉଛି | ଦରମା ବୃଦ୍ଧି ୫ ପ୍ରତିଶତରେ ସୀମିତ ରହିପାରେ ବୋଲି ଆଶା କରାଯାଉଛି | ଗୁରୁବାର ଦିନ ଏକ ରିପୋର୍ଟରେ ଏହିପ୍ରକାର ଦାବି କରାଯାଇଛି |

ଗ୍ଲୋବାଲ କନ୍ସଲଟିଙ୍ଗ ଫାର୍ମ କର୍ଣ ଫେରୀ ନିଜ ରିପୋର୍ଟରେ କହିଛନ୍ତି ଯେ, ଦ୍ରୁତ ଅର୍ଥନୈତିକ ବିକାଶର ପରିଣାମ ସ୍ୱରୂପ ଏସିଆରେ ଭାରତ ଏକମାତ୍ର ଏମିତି ଦେଶ ହେବ ଯେଉଁଠି ସମ୍ପୂର୍ଣ ଦରମା ଏବଂ ପ୍ରକୃତ ପାରିଶ୍ରମିକରେ ସବୁଠାରୁ ଅଧିକ ଅଭିବୃଦ୍ଧି ଘଟିବ | ୨୦୧୯ରେ ଦରମା ୧୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି ହୋଇପାରେ ବୋଲି ଅନୁମାନ କରାଯାଉଛି | ୨୦୧୮ରେ ଏଭେରେଜ ଦରମା ୯ ପ୍ରତିଶତକୁ ବୃଦ୍ଧି ହୋଇଥିଲା | ମହଙ୍ଗା- ସମୟୋଚିତା ପ୍ରକୃତ ପାରିଶ୍ରମିକ ୫ ପ୍ରତିଶତ ବୃଦ୍ଧି ଘଟିବାର ଆଶା କରାଯାଉଛି | ଏହା ଗତବର୍ଷ, ୨୦୧୮ମସିହାରେ ୪.୭ ପ୍ରତିଶତ ବଢିଥିଲା |

କର୍ଣ ଫେରୀ ଇଣ୍ଡିଆର ଅଧ୍ୟକ୍ଷ ଏବଂ ଆଞ୍ଚଳିକ ପରିଚାଳନା ନିର୍ଦେଶକ ନବନୀତ ସିଂ କହିଛନ୍ତି ଯେ, ନିରନ୍ତର ଦ୍ରୁତ ଅର୍ଥନୈତିକ ବୃଦ୍ଧି ଯୋଗୁଁ ଏସୀୟ ଦେଶମାନଙ୍କ ମଧ୍ୟରେ ଭାରତରେ ସବୁଠାରୁ ଅଧିକ ଦରମା ଏବଂ ପାରିଶ୍ରମିକ ବୃଦ୍ଧି ହେବ | ସେ ଆହୁରି କହିଛନ୍ତି ଯେ, କମ୍ପାନୀଗୁଡିକର ବଢୁଥିବା ଅଟୋମେସନ, ନୂଆ ଜ୍ଞାନ କୌଶଳର ଉପଯୋଗ ଏବଂ କୁଶଳୀ କାରିଗରଙ୍କ ଦାବିକୁ ନଜରରେ ରଖି ବ୍ୟବସାୟ ରଣନୀତି ପାଇଁ ଏକ ବ୍ୟାପକ ଦୃଷ୍ଟିକୋଣ ଆପଣେଇବା ଦରକାର | ସିଂ କହିଛନ୍ତି ଯେ, ପାରିତୋଷିକ କାର୍ଯ୍ୟକ୍ରମ ନିୟମିତ ରୂପେ ସଂଶୋଧନ କରିବା ଦରକାର | ଯାହାଫଳରେ ପରିବର୍ତ୍ତିତ ବ୍ୟବସାୟ ଏବଂ ବଜାରର ସ୍ଥିତି ଅନୁରୂପ ରଖିବା ସୁନିଶ୍ଚିତ କରାଯାଇପାରିବ |

କୋଣର ଫେରୀ ୨୦୧୯ ଗ୍ଲୋବାଲ ସେଲେରୀ ଫୋରକାଷ୍ଟ ନାମକ ଏକ ରିପୋର୍ଟ କର୍ଣ ଫେରୀଙ୍କ ପେ ଡାଟା ବେଶ ଉପରେ ନିର୍ଧାରିତ | ଏହାକୁ ୧୧୦ ଟି ଦେଶର ୨୫ ହଜାର ସଂଗଠନର ୨ କୋଟି କର୍ମଚାରୀଙ୍କ ସହ ଆଲୋଚନା କରି ପ୍ରସ୍ତୁତ କରାଯାଇଛି | ଏସିଆରେ ୨୦୧୯ ମସିହା ବେଳକୁ ୫.୬ ପ୍ରତିଶତ ଦରମା ବୃଦ୍ଧିର ଅନୁମାନ କରାଯାଉଛି | ଗତବର୍ଷ ଏଠାରେ ୫.୪ ପ୍ରତିଶତ ଦରମା ବୃଦ୍ଧି ହୋଇଥିଲା |

ଅନ୍ୟାନ୍ୟ ଏସୀୟ ଦେଶମାନଙ୍କ ମଧ୍ୟରେ ୨୦୧୯ ପାଇଁ ଚୀନର ବାସ୍ତବିକ ପାରିଶ୍ରମିକ ୩.୨ ପ୍ରତିଶତ ବୃଦ୍ଧି ଅନୁମାନ କରାଯାଉଛି | ସେହିଭଳି ଜାପାନର ୦.୧ ପ୍ରତିଶତ, ଭିଏତନାମର ୪.୮ ପ୍ରତିଶତ, ସିଙ୍ଗାପୁରର ୩ ପ୍ରତିଶତ ଏବଂ ଇଣ୍ଡୋନେସିଆର ୩.୭ ପ୍ରତିଶତ ରହିଛି |

   Related Posts