Sunday, September 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

୧୦ ଲକ୍ଷ ସରକାରୀ କର୍ମଚାରୀ ପାଇଁ ଖୁସୀ ଖବର, ମୋଦୀ ସରକାର ବୃଦ୍ଧି କରିପାରନ୍ତି ଏହି କେନ୍ଦ୍ରୀୟ କର୍ମଚାରୀଙ୍କ ଦରମା

ନୂଆଦିଲ୍ଲୀ – ୧୦ ଲକ୍ଷ ଅନିୟମିତ(କାଜୁଆଲ) ବା ଅସ୍ଥାୟୀ କର୍ମଚାରୀଙ୍କ ପାଇଁ କେନ୍ଦ୍ରସରକାରଙ୍କ ପକ୍ଷରୁ ବଡ ଖବର ଆସିଛି ।କେନ୍ଦ୍ର ସରକାରଙ୍କ ଅନ୍ତର୍ଗତ ଏହି କର୍ମଚାରୀମାନଙ୍କୁ ଦୀପାବଳୀରେ ବଡ ଉପହାର ମିଳିପାରେ । ଅସ୍ଥାୟୀ ଓ ସ୍ଥାୟୀ କର୍ମଚାରୀ ସମାନ କାମ କରୁଥିବା କେନ୍ଦ୍ର ସରକାର ସ୍ୱୀକାର କରିଛନ୍ତି । ଏମାନଙ୍କୁ ଅଲଗା ଅଲଗା ଦରମା ମିଳୁଛି ।ଏହା ବାବଦରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଅଧିନରେ କାର୍ମିକ ଓ ପ୍ରଶିକ୍ଷଣ ବିଭାଗ ବୁଧବାରରେ ଏହି ସନ୍ଦର୍ଭରେ ଏକ ଆଦେଶ ଦେଇଛନ୍ତି ।

ସରକାରଙ୍କର ଏହି ଆଦେଶ ଅନୁସାରେ ସମସ୍ତ ଅନିୟମିତ କର୍ମଚାରୀ ୮ ଘଣ୍ଟା କାମ କରୁଥିଲେ ସେହି ପଦରେ କାମ କରୁଥିବ ସ୍ଥାୟୀ କର୍ମଚାରୀଙ୍କ ଅନୁସାରେ ସର୍ବନିମ୍ନ ଦରମାମାନ ବା ପେ-ସ୍କେଲ ଓ ମହଙ୍ଗାଭତ୍ତା ପାଇବେ । ସରକାରଙ୍କ ଆଦେଶ ସଂଖ୍ୟା୪୯୦୧୪/୧/୨୦୧୭ ଅନୁସାରେ ଏମାନଙ୍କୁ ନିୟମିତ ଦରମା ପାଇବାର ନିୟମ ନାହିଁ ।

ଏବେ ଅନିୟମିତ କର୍ମଚାରୀମାନଙ୍କୁ ରାଜ୍ୟ ସରକାର ନିର୍ଣ୍ଣୟ କରିଥିବା ସର୍ବନିମ୍ନ ଦରମା ଦିଆଯାଉଛି । ଦିଲ୍ଲୀରେ ଅଣକୁଶଳୀ ଶ୍ରମିକମାନଙ୍କୁ ପ୍ରତି ମାସରେ ୧୪ହଜାର ଟଙ୍କା ବେତନ ଦିଆଯାଉଥିଲା । ଏହି ଆଦେଶ ପରେ ଗ୍ରୁପ ଡିର ଦରମା ୩୦ ହଜାର ଟଙ୍କା ହୋଇଯିବ । ଏକାଥରକେ ସେମାନଙ୍କୁ ଦରମା ଦୁଇ ଗୁଣା ବୃଦ୍ଧିପାଇବ ।

ଆଦେଶ ଅନୁସାରେ ଅନିୟମିତ କର୍ମଚାରୀଙ୍କ କାମ ଯଦି ନିୟମିତ କର୍ମଚାରୀଙ୍କ ଠାରୁ ଅଲଗା ହୋଇଥିଲେ । ଏମାନେ ରାଜ୍ୟ ସରକାର ନିର୍ଦ୍ଧାରିତ କରିଥିବା ଦରମା ପାଇବେ । ଏହି ଆଦେଶ ସମସ୍ତ ବିଭାଗକୁ ପ୍ରେରଣ କରାଯାଇଛି ।

1404 Views

   ସମ୍ବନ୍ଧିତ ଖବର