Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||
  • ବ୍ରହ୍ମପୁର : ଗୁଳି ମାଡରେ ବେଗୁନିଆପଡା ବ୍ଲକ୍ ପୂର୍ବତନ ଅଧ୍ୟକ୍ଷ ଦେବେନ୍ଦ୍ର ସାହୁଙ୍କ ମୃତ୍ୟୁ
  • ||
  • କଳାହାଣ୍ଡି : ୧୦ଲକ୍ଷ ଟଙ୍କାର ବାଘ ଛାଲ ଜବତ, ୨ ଗିରଫ
  • ||
  • ୨ଦିନରେ ଦୁଇ ଜୀବନ : ଢେଙ୍କାନାଳରେ ହାତୀ ଆକ୍ରମଣରେ ପୁଣି ଜଣେ ମୃତ
  • ||
  • ଭାରସାମ୍ୟ ହରାଇ କାର୍‌-ଟାଟା ମ୍ୟାଜିକ ଉପରେ ଓଲଟିଲା ଟ୍ରକ, ଚାଲିଗଲା ୧୩ଜଣଙ୍କ ଜୀବନ
  • ||

ଗୋଲଡେନ୍ ବାବା ଫେକ୍ ନମ୍ବର ଲଗାଇ ଦାମୀ କାର ଚଢ଼ୁଥିଲା, ଅଡ଼ି, ବିଏମଡବ୍ଲୁ ଭଳି ଦାମୀ କାରରେ ଲାଗାଇଥିଲା ଅଟୋର ନମ୍ବର

8/01/2019 at 5:18 PM

ଭୁବନେଶ୍ବର ୮|୧:ବାବା ଚାରସୋ ବିଶ୍‌ର କଳା କାରନାମା ଉପରୁ ପରଦା ହଟାଇବ କ୍ରାଇମବ୍ରାଂଚ ଅର୍ଥନୈତିକ ଅପରାଧ ଶାଖା ବା EOW  । ଗୋଲଡେନ୍‌ ବାବା ଓରଫ ଜ୍ୟୋତି ରଂଜନ ବେଉରା ବିରୋଧରେ କମିଶନରେଟ୍‌ ପୋଲିସରେ ରୁଜୁ ହୋଇଥିବା ୪ଟି ଠକେଇ ମାମଲାରୁ ୨ଟି ମାମଲାର ତଦନ୍ତ ଦାୟିତ୍ବ ଗ୍ରହଣ କରିଛି କ୍ରାଇମବ୍ରାଞ୍ଚ EOW । ଖୁବ୍‌ କମ୍‌ ଦିନ ଭିତରେ ଜଣେ ସାଧାରଣ କ୍ୟାମେରା ମ୍ୟାନ୍‌ରୁ କୋଟି କୋଟି ଟଙ୍କାର ମାଲିକ ବନିଯାଇଥିବା ଗୋଲଡେନ୍‌ ଜ୍ୟୋତିର ଗୁମର ଖୋଲିବାରେ ଲାଗିଛି । ବାବା ଚଢ଼ୁଥିବା ଦାମୀ ଗାଡ଼ିରେ ଫେକ୍‌ ନମ୍ବର ଲାଗିଥିବା ଖବର ମିଳିଛି ।

ଧୀରେ ଧୀରେ ଖୋଲୁଛି ଗୋଲଡେନ୍‌ ବାବାର ଗୁମର । ଗୋଲଡେନ୍‌ ଜ୍ୟୋତି ଓରଫ ଜ୍ୟୋତି ରଂଜନ ବେଉରାର ଆର୍ଥିକ କାରବାରର ଖୋଳତାଡ଼ ଆରମ୍ଭ କରିଛି କ୍ରାଇମବ୍ରାଞ୍ଚ EOW । କମିଶନରେଟ୍‌ ପୋଲିସରେ ରୁଜୁ ହୋଇଥିବା ୪ଟି ଠକେଇ ମାମଲାରୁ ୨ଟି ମାମଲାର ତଦନ୍ତ ଦାୟିତ୍ବ ଗ୍ରହଣ କରିଛି କ୍ରାଇମବ୍ରାଞ୍ଚ । ଖୁବ୍‌ କମ୍‌ ଦିନ ଭିତରେ ଜଣେ ସାଧାରଣ କ୍ୟାମେରା ମ୍ୟାନ୍‌ରୁ କେମିତି ଜ୍ୟୋତି ରଂଜନ କୋଟି କୋଟି ଟଙ୍କାର ମାଲିକ ବନିଯାଇଥିଲା ତା’ର ଖୋଳତାଡ଼ ଆରମ୍ଭ ହୋଇଛି । ତେବେ ୟା ଭିତରେ ଗୋଲଡେନ୍‌ ବାବା ଫେକ୍‌ ନମ୍ବର ଲଗାଇ ଦାମୀ କାର ଚଢ଼ୁଥିବା ଖବର ମିଳିଛି । ଅଡ଼ି, ବିଏମଡବ୍ଲୁ ଭଳି ଦାମୀ କାରରେ ଲାଗିଥିବା ନମ୍ବର ପ୍ଲେଟ୍‌ ଗୁଡ଼ିକ କୌଣସି ପୁରୁଣା ଗାଡ଼ିର ବୋଲି ଜାଣିବାକୁ ପାଇଛି କ୍ରାଇମବ୍ରାଞ୍ଚ । ତେବେ ଏହି ଗାଡ଼ି ଗୁଡ଼ିକ କେଉଁଠି ରହିଛି ତାର ଅନୁସନ୍ଧାନ ଜାରି ରହିଛି ।

ଗଲା ଡିସେମ୍ବର ୩୧ ରାତିରେ ଜ୍ୟୋତି ରଂଜନ ବେଉରାକୁ ଗିରଫ କରାଯାଇଥିବା ବେଳେ କମିଶନରେଟ୍‌ ପୋଲିସ କାହିଁକି ଗାଡ଼ି ଗୁଡ଼ିକୁ ଜବତ କରିନଥିଲା ତାକୁ ନେଇ ମଧ୍ୟ ସାଧାରଣରେ ସଂଦେହ ସୃଷ୍ଟି ହୋଇଛି । ଗୋଲଡେନ୍‌ବାବାକୁ ରିମାଣ୍ଡରେ ନେଇଥିବା ଚନ୍ଦ୍ରଶେଖରପୁର​ ଥାନା ପୋଲିସ ମଧ୍ୟ କାହିଁକି ତା’ର ସମ୍ପତ୍ତିକୁ ଜବତ କରିନଥିଲା ତାକୁ ନେଇ ଉଠିଛି ପ୍ରଶ୍ନ । ତେବେ ପୋଲିସ ଜାଣିଶୁଣି ସମ୍ପତ୍ତି ଗାଏବ୍‌ କରିବାକୁ ସମୟ ଦେଇଥିବା ଚର୍ଚ୍ଚା ହେଉଛି । ଏବେ ଗୋଲଡେନ୍‌ ବାବାର ଠକେଇ ସମେତ ଗୋରୁ ଚାଲାଣ, ଦାଦାବଟି ଆଦାୟ ଭଳି ୧୯ରୁ ଅଧିକ ମାମଲା କ୍ରାଇମବ୍ରାଂଚ ସ୍କାନରକୁ ଆସିଛି ।  ଓଡ଼ିଶା ବାହାରେ ମଧ୍ୟ ଗୋଲଡେନ୍‌ ବାବାର ନେଟଓ୍ବର୍କ ଲମ୍ବିଥିବାରୁ ରାଜ୍ୟ ବାହାରକୁ ଯାଇ ଖୋଳତାଡ଼ କରିବାକୁ ଯୋଜନା ପ୍ରସ୍ତୁତ କରୁଛି  କ୍ରାଇମବ୍ରାଂଚ ।

   Related Posts