ନୂଆଦିଲ୍ଲୀ - ସୁନା ଦର ହୁ ହୁ ହୋଇ ବଢି ଚାଲିଥିଲା । ୧୦ ଗ୍ରାମକୁ ୪୦ ହଜାର ଟଙ୍କା ପାରି କରିଥିଲା । ହେଲେ ଏବେ ପୁଣି ସୁନା ଦର କମିବାରେ ଲାଗିଛି । ଗତ ସପ୍ତାହରେ ପ୍ରାୟ ୨ ହଜାର ଟଙ୍କା ହ୍ରାସ ପାଇଛି ।
ସେପ୍ଟେମ୍ବର ୫ ତାରିଖରେ ପ୍ରତି ଦଶଗ୍ରାମ ୪୦,୪୭୦ ଟଙ୍କା ଥିବା ବେଳେ ସେପ୍ଟେମ୍ବର ୧୨ ତାରିଖରେ ଏହା ୩୮,୭୭୫ ଟଙ୍କାରେ ପହଞ୍ଚିଛି ।
ଗତ ବର୍ଷ ଏହି ସମୟରେ ସୁନା ଦର ୩୦-୩୧ ହଜାର ଟଙ୍କା ରହିଥିଲା। ଏବେ ପ୍ରାୟ ୮ ହଜାର ଟଙ୍କା ଅଧିକ ରହିଛି ।
ହେଲେ ଅକ୍ଟୋବରରେ ପୂଜା ଓ ପରେ ଦୀପାବଳି ଆସୁଥିବାର ସୁନାର ଚାହିଦା ବୃଦ୍ଧି ପାଇବାର ସମ୍ଭାବନା ରହିଛି ।ଏହି ସମୟରେ ସୁନାଦର ପୁଣି ୪୦ ହଜାର ଟଙ୍କା ପାର କରିପାରେ ବୋଲି ଅନେକ ଅର୍ଥନୀତିଜ୍ଞ ମତ ଦେଇଛନ୍ତି ।
ଏବେ ସାରା ଦୁନିଆରେ ଅର୍ଥ ବ୍ୟବସ୍ଥାକୁ ସୁଦୃଢ କରିବା ପାଇଁ ବିଭିନ୍ନ ସୁଧହାରକୁ ହ୍ରାସ କରୁଛନ୍ତି । ଏହାର ପ୍ରଭାବରେ ସୁନାର ଦର ଆହୁରି ହ୍ରାସ ପାଇପାରେ । ଚୀନ୍ ଓ ଆମେରିକା ମଧ୍ୟରେ ବାଣିଜ୍ୟା ବାର୍ତ୍ତା ସଫଳ ହୋଇ ପାରିଲେ ସୁନାଦର ହ୍ରାସ ପାଇବ ବୋଲି ଅର୍ଥନୀତିଜ୍ଞମାନେ ପ୍ରକାଶ କରିଛନ୍ତି।
