ଭୁବନେଶ୍ୱର ୮/୪: ଚୋରୀ ସୁନା କିଣିବା ଅଭିଯୋଗରେ ଜଣେ ସୁନା ଦୋକାନୀକୁ କାବୁ କରିଛି ଲଷ୍ମୀସାଗର ଥାନା ପୋଲିସ । ଅଟକ ଥିବା ସୁନା ଦୋକାନୀ ହେଲେ ଭୁବନେଶ୍ୱର ବାଳକାଟି ଚାରି ମାଣିଆ ଗ୍ରାମର ସୁଶାନ୍ତ ଦେଠୀ ।
ମିଳିଥିବା ସୂଚନା ଅନୁଯାୟୀ, ସୁଶାନ୍ତଙ୍କର ବାଳକାଟି ବଜାରରେ ଓମ୍ ଜୁଏଲାରୀ ନାମରେ ଏକ ସୁନା ଦୋକାନ ରହିଛି । ସୁଶାନ୍ତ ବିଭିନ୍ନ ସମୟରେ ଚୋରୀ ସୁନା କିଣିଥିବା ଲକ୍ଷ୍ମୀ ସାଗର ପୋଲିସ୍ ଖବର ପାଇଥିଲା । ସଂଧ୍ୟାରେ ପୋଲିସ୍ ସଦଳବଳେ ସୁଶାନ୍ତଙ୍କ ସୁନା ଦୋକାନ ଉପରେ ଚଢାଉ କରି ଏକ କିଲୋଗ୍ରାମ୍ ସୁନା ଜବତ କରିଛି । ଏତେ ପରିମାଣର ସୁନା କୋଉଠୁ ଆଣିଲ, ସେନେଇ କାଗଜପତ୍ର ମାଗିଥିଲା ପୋଲିସ । ହେଲେ କୌଣସି ସଠିକ ଉତ୍ତର ଦେଇ ପାରିନଥିଲେ ସୁଶାନ୍ତ । ସେପଟେ ଚୋରୀ ସୁନା ନୟାଗଡ଼ର ବୋଲି ଜଣା ପଡ଼ିଛି ।
