ନୂଆଦିଲ୍ଲୀ - ଗତମାସର ସର୍ବୋଚ୍ଚ ଦରଠାରୁ ସୁନାଦର ପ୍ରାୟ ୨ ହଜାର ଟଙ୍କା ହ୍ରାସ ପାଇଛି । ପ୍ରତି ୧୦ ଗ୍ରାମ ୨୪ କ୍ୟାରେଟ୍ ଶୁଦ୍ଧ ସୁନା ପାଇଁ ଦର ୨ ହଜାର ଟଙ୍କା କମିଯାଇଛି ।
ମାତ୍ର ବୁଧବାରେ ଏମ୍ସିଏକ୍ସରେ ସୁନାଦର ଅଳ୍ପ ବୃଦ୍ଧି ପାଇଛି । ବୁଧବାରରେ ଶୁଦ୍ଧ ସୁନାଦର ପ୍ରତି ୧୦ ଗ୍ରାମ ୦.୪୨ ପ୍ରତିଶତ ବୃଦ୍ଧି ପାଇ ୩୮,୦୪୦ ଟଙ୍କାରେ ପହଞ୍ଚିଛି ।
ରୂପା ଦର ମଧ୍ୟ ବୃଦ୍ଧି ପାଇଛି । ଏହା ୦.୪୬ ପ୍ରତିଶତ ବୃଦ୍ଧି ପାଇ ବୁଧବାରରେ ପ୍ରତି କିଲୋ ସୁନା ୪୫,୩୮୨ ଟଙ୍କାରେ ପହଞ୍ଚିଛି ।
ଏବେ ଆମେରିକା ଓ ଚୀନ୍ ମଧ୍ୟରେ ବାଣିଜ୍ୟିକ ବୁଝମଣା ନେଇ ଆଶା ଦେଖା ଦେଇଥିବାରୁ ସୁନାଦର ଆହୁରି ହ୍ରାସ ପାଇପାରେ ।
ଚଳିତ ବର୍ଷ ଭାରତରେ ସୁନାଦର ପ୍ରାୟ ୨୦ ପ୍ରତିଶତ ବୃଦ୍ଧି ପାଇଥିଲା। ଏହା ପ୍ରତି ୧୦ ଗ୍ରାମ ୪୦ ହଜାର ଟଙ୍କାରୁ ଅଧିକରେ ପହଞ୍ଚିଥିଲା । ଏବେ ଏହା ୩୮ ହଜାର ଟଙ୍କା ପାଖାପାଖି ରହୁଛି ।
ଦୀପାବଳି ଓ ଧନ୍ତେରାସରେ ସୁନାର ଚାହିଦା ବୃଦ୍ଧି ପାଉଥିବାରୁ ଏହା ୩୯ହଜାର ଟଙ୍କାରେ ପହଞ୍ଚିପାରେ ।