ନୂଆଦିଲ୍ଲୀ, ୧୩/୦୭: ଚମକ ହରାଉଛି ସୁନା । ଲଗାତର ଭାବେ ଖସୁଛି ସୁନା ଓ ରୁପାର ଦାମ୍ । ଯଦି ଆପଣ ସୁନା କିଣିବାକୁ ଚାହାଁନ୍ତି ତେବେ ଏହାଠୁ ଭଲ ସୁଯୋଗ ଆଉ କିଛି ହୋଇନପାରେ ।
ଗୁଡ୍ ରିଟର୍ଣ୍ଣସ୍ ଓ୍ୱେବସାଇଟ୍ ଅନୁସାରେ, ୨୨ କ୍ୟାରେଟ ସୁନାର ଦାମ୍ ୧୦ ଗ୍ରାମ ପିଛା ରହିଛି ୪୬୭୧୦ ଟଙ୍କା । ସେହିପରି ରୁପା ଦାମ୍ ମଧ୍ୟ କମିଛି ।ଗତବର୍ଷ ଅଗଷ୍ଟରେ ଏମସିଏକ୍ସରେ ୧୦ ଗ୍ରାମ୍ ସୁନା ଦର ୫୬ ହଜାର ଛୁଇଁଥିଲା । ଯାହା ସର୍ବାଧିକ । ପରେ ଏହା କ୍ରମଶଃ ହ୍ରାସ ପାଇଥିଲା । ଏବେ ସୁନା ଦର ରହିଛି ୪୬୭୧୦ । ଅର୍ଥାତ ସର୍ବୋଚ୍ଚ ସ୍ତରରୁ ସୁନା ୧୦ ହଜାର ଟଙ୍କା ଶସ୍ତା ହେଲାଣି ।
ଦିଲ୍ଲୀରେ ୨୨ କ୍ୟାରେଟ୍ ସୁନାର ଦାମ୍ ରହିଛି ୪୬୮୦୦ ଟଙ୍କା । ସେହିପରି ମୁମ୍ବାଇରେ ରହିଛି ୪୬୭୧୦ ଟଙ୍କା । ଚେନ୍ନାଇରେ ୧୦ ଗ୍ରାମ ପିଛା ସୁନାର ଦର ୪୫୦୭୦ ଟଙ୍କା ଥିବା ବେଳେ କୋଲକାତାରେ ୪୭୩୭୦ ଟଙ୍କା ରହିଛି ।
ଏତତ୍ ବ୍ୟତୀତ ୨୪ କ୍ୟାରେଟ୍ ସୁନାର ଦାମ୍ ଦିଲ୍ଲୀରେ ମଙ୍ଗଳବାର ୫୦୮୫୦ ଟଙ୍କା ଥିବା ବେଳେ, ମୁମ୍ବାଇରେ ୪୭୭୧୦ ଟଙ୍କା, ଚେନ୍ନାଇରେ ୪୯୧୭୦ ଟଙ୍କା, କୋଲକାତାରେ ୫୦୭୦୭ ଟଙ୍କା ରହିଛି ।
ରୁପାର ଦାମ୍ କେଜି ପିଛା ଦିଲ୍ଲୀରେ ୬୯୧୦୦ ଟଙ୍କା ଥିବା ବେଳେ, ମୁମ୍ବାଇରେ ୬୯୧୦୦, ଚେନ୍ନାଇରେ ୭୩୮୦୦ ଓ କୋଲକାତାରେ ୬୯୧୦୦ ରହିଛି ।
