Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ପ୍ରବାସୀ ଶ୍ରମିକଙ୍କୁ ଅଧା ରାସ୍ତାରେ ଓହ୍ଲାଇଦେଲା ବସ୍, ଅଭିଯୋଗ ପରେ ବସ୍ ସହ ଡ୍ରାଇଭର ଓ କଣ୍ଡକ୍ଟର ଅଟକ
  • ||
  • ଚାନ୍ଦବାଲି : ୨ ଦିନ ଆଖଣ୍ଡଳମଣୀଙ୍କ ମନ୍ଦିର ବନ୍ଦ, ଜଣେ ସେବାୟତ କରୋନା ପଜିଟିଭ୍ ପରେ ପ୍ରଶାସନର ପଦକ୍ଷେପ
  • ||
  • ଟାଙ୍ଗୀ : ଟ୍ରକ୍-ବସ୍ ମୁହାଁମୁହିଁ ଧକ୍କା, ଟ୍ରକ୍ ହେଲପର ମୃତ, ଡ୍ରାଇଭର ଗୁରୁତର
  • ||
  • ରାଇରଙ୍ଗପୁର : ସ୍କୁଲ ନିକଟ ଗଛରେ ଝୁଲୁଛି ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା
  • ||
  • ସୋର : ଭୁବନେଶ୍ବର-କୋଲକତା ଜନଶତାବ୍ଦୀ ଟ୍ରେନ୍‌ରେ ନିଆଁ, ଟଳିଲା ବଡ ଦୁର୍ଘଟଣା
  • ||
  • ‘ଚାକିରୀରେ ୬ ବର୍ଷ ପୂରଣ କରିଥିବା କର୍ମଚାରୀଙ୍କୁ ସରକାର ରେଗୁଲାର କରିବାକୁ ବାଧ୍ୟ’, ଗୁରୁତ୍ୱପୂର୍ଣ୍ଣ ରାୟ ଶୁଣାଇଲେ ହାଇକୋର୍ଟ
  • ||
  • ରାଜ୍ୟରେ କରୋନା ନେଲା ଆଉ ୨ଜଣଙ୍କ ଜୀବନ, ୧୯୩୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଡ଼ଗାଁ ପଞ୍ଚାୟତ ୩ ଦିନ ପାଇଁ ଲକ୍‌ଡାଉନ୍‌, ବନ୍ଦ ରହିବ ହାଟ ଓ ବଜାର
  • ||
  • ରାୟଗଡ଼ାରେ ମୃଦୁ ଭୂକମ୍ପ, କ୍ଷୟକ୍ଷତିର ସୂଚନା ନାହିଁ
  • ||
  • ବଢୁଛି ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୯୮୯ ପଜିଟିଭ୍ ଚିହ୍ନଟ
  • ||

ଧନତେରସ ଲାଗି ପ୍ରସ୍ତୁତ ହେଉଛନ୍ତି ସ୍ୱର୍ଣ୍ଣ ଆଭୂଷଣ ବ୍ୟବସାୟୀ, ଜାଣନ୍ତୁ କିପରି ରହିବ ବଜାରର ମିଜାଜ

20/10/2019 at 7:27 PM

ନୂଆଦିଲ୍ଲୀ: ମାତ୍ର ଦିନ କେଇଟା ପରେ ଦିବାଲୀ। ତା ପୂର୍ବରୁ କିନ୍ତୁ ଜମିବ କିଣାବିକାର ଧୁମ। ଧନତେରସରେ ଲୋକେ ଘରକୁ ବୋହି ନେବେ ମନପସନ୍ଦର ସାମଗ୍ରୀ, ସାଙ୍ଗକୁ ସ୍ୱର୍ଣ୍ଣ ଆଭୂଷଣ ମଧ୍ୟ। ତେବେ ଅନ୍ୟ ସାମଗ୍ରୀ ନ ହେଲେ ନାହିଁ କିନ୍ତୁ ଲୋକେ ନିଶ୍ଚିତ ସ୍ୱର୍ଣ୍ଣଆଭୂଷଣ କିଣିବେ। ଏଥିଲାଗି ଦେଶର ସ୍ୱର୍ଣ୍ଣଳଙ୍କାର ବ୍ୟବସାୟୀ ସେମାନଙ୍କ ରଣନୀତି ପ୍ରସ୍ତୁତ କରିସାରିଲେଣି। ଦିଲ୍ଲୀ ସର୍ରଫା ବଜାର ଚଳିତବର୍ଷ ହାଲୁକା ଆଭୂଷଣ ଲାଗି ଖାସ୍ ପ୍ରସ୍ତୁତି କରିଛି।

ଭାରତରେ ସୁନାରୂପା ଭଳି ମହଙ୍ଗା ଧାତୁ କିଣାବିକା ଲାଗି ଦୀପାବଳି ପୂର୍ବ ଧନତେରସ ସବୁଠାରୁ ଭଲ ଦିନ ବୋଲି ଲୋକଚଳଣୀରେ ରହିଆସିଛି। ସେହି ଅନୁସାରେ ଚଳିତବର୍ଷ ଅକ୍ଟୋବର ୨୫ ତାରିଖ ଶୁକ୍ରବାର ଧନତେରସ ପାଳିତ ହେବ। ତେବେ ତା ପୂର୍ବରୁ ୨୨ ତାରିଖ ପୂଷ୍ୟାନକ୍ଷତ୍ର ଯୁକ୍ତ ହୋଇଥିବାରୁ ୨୨ରୁ ୨୫ ଅକ୍ଟୋବର ପର୍ଯ୍ୟନ୍ତ କିଣାବିକା ଲାଗି ବ୍ୟବସାୟୀ ବେଶ ଉତ୍ସାହୀ ହୋଇଉଠିଛନ୍ତି। ଏଥିନିମନ୍ତେ ବ୍ୟବସାୟୀମାନେ ସମ୍ପୂର୍ଣ୍ଣ ପ୍ରସ୍ତୁତି କରିସାରିଥିବା ବେଳେ ଜାଣନ୍ତୁ କ’ଣ କହିଛନ୍ତି ସେମାନଙ୍କ ଖାସ ପ୍ରସ୍ତୁତି ସମ୍ପର୍କରେ।

ସୁନା ଓ ରୂପା ଧାତୁର ମୂଲ୍ୟ ବୃଦ୍ଧି ପ୍ରଭାବ ଚଳିତ ପାର୍ବଣ ଋତୁକୁ ପ୍ରଭାବିତ କରିଛି। ହେଲେ ଲୋକେ ଯେପରି ନିରାଶ ନ ହେବେ ସେଥିଲାଗି ଆମ ତରଫରୁ ସମ୍ପୂର୍ଣ୍ଣ ପ୍ରସ୍ତୁତି ସରିଥିବା ଦିଲ୍ଲୀ ସର୍ରଫା ବଜାରର ଜନୈକ ବ୍ୟବସାୟୀ କହିଛନ୍ତି। ଉଚ୍ଚା ଦର ଯୋଗୁ ଲୋକେ ଅଧିକ ଓଜନର ଆଭୂଷଣ କିଣିବେ ନାହିଁ। ଯଦି ବି କିଣିବେ ତେବେ କମ୍ ପରିମାଣର। ଯେଉଁଥିରେ ସେମାନଙ୍କୁ ଧନତେରାସ କିଣାର ସନ୍ତୋଷ ମିଳିବ ନାହିଁ। ଏଣୁ ଲୋକେ ନିଜ ଇଛା ଅନୁସାରେ ମନମୁତାବକ ଆଭୂଷଣ ପାଇବେ ଓ ନିଜ ବଜେଟରେ ବି କିଣିବେ, ସେଥିଲାଗି ଆମେ ସ୍ୱଳ୍ପ ଓଜନର ସୁନ୍ଦରସୁନ୍ଦର ଡିଜାଇନ ଆଗରୁ ମଗାଇ ରଖିଛୁ।

କେବଳ ସେତିକି ନୁହେଁ ଏଭଳି ଆଭୂଷଣ କ୍ରୟ ଉପରେ ମେକିଙ୍ଗ ଚାର୍ଜ ରିହାତି ମଧ୍ୟ ଦେବାକୁ ଅନେକ ବ୍ୟବସାୟୀ ଯୋଜନା କରିଛନ୍ତି। କେତେକ କ୍ଷେତ୍ରରେ ଗ୍ରାହକଙ୍କୁ ମେକିଂ ଚାର୍ଜରେ ୫୦ ପ୍ରତିଶତ ପର୍ଯ୍ୟନ୍ତ ରିହାତି ଦେବାକୁ ବ୍ୟବସାୟୀମାନେ ମାନସିକ ପ୍ରସ୍ତୁତି  କରିନେଇଥିବା କହିଛନ୍ତି। ବିଶେଷ କରି ଅହମ୍ମଦାବାଦର ସ୍ୱର୍ଣ୍ଣଳଙ୍କାର ବ୍ୟବସାୟୀ ଏପରି ବମ୍ପର ରିହାତି  ଦେବାକୁ ଯାଉଥିବା  ଜେମ ଏଣ୍ଡ ଜ୍ୱେଲରୀ ଟ୍ରେଡ କାଉନସିଲ ଅଫ ଇଣ୍ଡିଆର ସଭାପତି ଶାନ୍ତି ଭାଇ ପଟେଲ କହିଛନ୍ତି। ତେବେ ଚଳିତବର୍ଷ ସ୍ୱର୍ଣ୍ଣାଳଙ୍କାର ଅପେକ୍ଷା ଅଧିକ ପରିମାଣରେ କଏନ ବିକ୍ରି ହେବାର ଆଶା କରାଯାଉଛି। ତେବେ ଆଗକୁ ବିବାହ ଋତୁ ଥିବାରୁ ଚଳିତବର୍ଷ ଧନତେରସ କିଣାବିକା ବେଶ ହେବ ବୋଲି ବ୍ୟବସାୟୀ ଆଶାୟୀ ଅଛନ୍ତି।

   Related Posts