Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ପ୍ରବାସୀ ଶ୍ରମିକଙ୍କୁ ଅଧା ରାସ୍ତାରେ ଓହ୍ଲାଇଦେଲା ବସ୍, ଅଭିଯୋଗ ପରେ ବସ୍ ସହ ଡ୍ରାଇଭର ଓ କଣ୍ଡକ୍ଟର ଅଟକ
  • ||
  • ଚାନ୍ଦବାଲି : ୨ ଦିନ ଆଖଣ୍ଡଳମଣୀଙ୍କ ମନ୍ଦିର ବନ୍ଦ, ଜଣେ ସେବାୟତ କରୋନା ପଜିଟିଭ୍ ପରେ ପ୍ରଶାସନର ପଦକ୍ଷେପ
  • ||
  • ଟାଙ୍ଗୀ : ଟ୍ରକ୍-ବସ୍ ମୁହାଁମୁହିଁ ଧକ୍କା, ଟ୍ରକ୍ ହେଲପର ମୃତ, ଡ୍ରାଇଭର ଗୁରୁତର
  • ||
  • ରାଇରଙ୍ଗପୁର : ସ୍କୁଲ ନିକଟ ଗଛରେ ଝୁଲୁଛି ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା
  • ||
  • ସୋର : ଭୁବନେଶ୍ବର-କୋଲକତା ଜନଶତାବ୍ଦୀ ଟ୍ରେନ୍‌ରେ ନିଆଁ, ଟଳିଲା ବଡ ଦୁର୍ଘଟଣା
  • ||
  • ‘ଚାକିରୀରେ ୬ ବର୍ଷ ପୂରଣ କରିଥିବା କର୍ମଚାରୀଙ୍କୁ ସରକାର ରେଗୁଲାର କରିବାକୁ ବାଧ୍ୟ’, ଗୁରୁତ୍ୱପୂର୍ଣ୍ଣ ରାୟ ଶୁଣାଇଲେ ହାଇକୋର୍ଟ
  • ||
  • ରାଜ୍ୟରେ କରୋନା ନେଲା ଆଉ ୨ଜଣଙ୍କ ଜୀବନ, ୧୯୩୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଡ଼ଗାଁ ପଞ୍ଚାୟତ ୩ ଦିନ ପାଇଁ ଲକ୍‌ଡାଉନ୍‌, ବନ୍ଦ ରହିବ ହାଟ ଓ ବଜାର
  • ||
  • ରାୟଗଡ଼ାରେ ମୃଦୁ ଭୂକମ୍ପ, କ୍ଷୟକ୍ଷତିର ସୂଚନା ନାହିଁ
  • ||
  • ବଢୁଛି ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୯୮୯ ପଜିଟିଭ୍ ଚିହ୍ନଟ
  • ||

ହେରାପଞ୍ଚମୀ ଅବସରରେ କାଳିଆ ସାଆନ୍ତଙ୍କ ନନ୍ଦିଘୋଷ ରଥ ଭାଙ୍ଗିଲେ ଅଭିମାନିନୀ ମା’ ଲକ୍ଷ୍ମୀ

9/07/2019 at 10:32 AM

ପୁରୀ ୯|୭: ହେରାପଞ୍ଚମୀ ଅବସରରେ ଅଭିମାନିନୀ ମା’ ଲକ୍ଷ୍ମୀ ସାଆନ୍ତାଣି ରାଗ ତମ ତମ ହୋଇ ମହାପ୍ରଭୁ କାଳିଆ ସାଆନ୍ତଙ୍କର ନନ୍ଦିଘୋଷ ରଥ ଭାଙ୍ଗିଛନ୍ତି । ନବଦିନାତ୍ମକ ଯାତ୍ରାରେ ବଡ଼ଭାଇ ବଳଭଦ୍ର, ଭଉଣୀ ସୁଭଦ୍ରାଙ୍କୁ ସାଙ୍ଗରେ ଧରି ଆସିଛନ୍ତି କାଳିଆ ସାଆନ୍ତ ।  ହେଲେ ଲକ୍ଷ୍ମୀ ଠାକୁରାଣୀଙ୍କୁ ଆଣିନଥିବାରୁ ସେ ଅଭିମାନ କରିଛନ୍ତି । 

ଶ୍ରୀମନ୍ଦିରରେ ପ୍ରଭୁ ଶ୍ରୀଜଗନ୍ନାଥ ଅନୁପସ୍ଥିତ ଥିବାରୁ ଚିନ୍ତାରେ ଅଛନ୍ତି ମା ମହାଲକ୍ଷ୍ମୀ । କାରଣ ପ୍ରଭୁଙ୍କ ବିନା ଶ୍ରୀମନ୍ଦିର ଏବେ ଖାଁ ଖାଁ ଲାଗୁଛି । ହେରାପଞ୍ଚମୀ ତିଥିରେ ଶ୍ରୀମନ୍ଦିରରେ ସ୍ୱତନ୍ତ୍ର ନୀତି କାନ୍ତି ଅନୁଷ୍ଠିତ ହୋଇଥିଲା । ପାଳିଆ ମହାଜନଙ୍କ ଦ୍ୱାରା ଭଣ୍ଡାର ଘରେ ବିଜେ ମା’ ମହାଲକ୍ଷ୍ମୀଙ୍କ ପ୍ରଥମେ ମାଜଣା କରାଯାଇଥିଲା। ମହାଲକ୍ଷ୍ମୀଙ୍କୁ ବନକଲାଗି, ପାଟଶାଢ଼ୀ ଓ ଅଳଙ୍କାର ଦ୍ୱାରା ଆଭୁଷଣ କରାଯାଇ ପୂଜାପଣ୍ଡାଙ୍କ ଦ୍ୱାରା ପନ୍ତି ଭୋଗ ପରେ ନୀତି ବଢ଼ଥିଲା ।  ବିମାନରେ ବିଜେ କରିଥିଲେ ମହାଲକ୍ଷ୍ମୀ। ଘଣ୍ଟ, ଛତା ଓ ପଟୁଆରରେ ଭକ୍ତ ଓ ସେବାୟତଙ୍କ ସହ  ଗୁଣ୍ଡିଚା ମନ୍ଦିର ଅଭିମୁଖେ ଯାତ୍ରା କରିଥି ନନ୍ଦିଘୋଷ ରଥ ଭାଙ୍ଗିଥିଲେ । ଶହ ଶହ ଭକ୍ତଙ୍କ ହରିବୋଲ ହୁଳହୁଳିରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା ଶରଧାବାଲିରେ ।

ଶ୍ରୀଜିଉଙ୍କ ଦର୍ଶନ ନିମନ୍ତେ ଭଉଣୀ ବିମଳାଙ୍କ ଠାରୁ ପରାମର୍ଶ ଆଣି ମହାଲକ୍ଷ୍ମୀ ଗଣ୍ଡିଚା ମନ୍ଦିରକୁ ଗୋପନ ଯାତ୍ରାରେ ଆସିଥାନ୍ତି। ସଂନ୍ଧ୍ୟାଧୂପ ଉଠି ପୂଜା ଚାଲିଥିବା ସମୟରେ ସମସ୍ତ ନୀତି ସାରି ଜୟବିଜୟ ଦ୍ୱାରକୁ ବିଜେ କରିଥିବା ବେଳେ ମହାପ୍ରଭୁଙ୍କ ଶ୍ରୀଅଙ୍ଗରୁ ମା’ ମହାଲକ୍ଷ୍ମୀଙ୍କ ପାଇଁ ଆଜ୍ଞାମାଳ ଆସିଥାଏ। ଜଗମୋହନରୁ ଯାଇ ନାକଚଣା ଦ୍ୱାର ଠାରେ ଅଟକିଥିବା ମା’ ସାଆନ୍ତାଣୀଙ୍କୁ ଭିତରଛ ମହାପାତ୍ର ଦହିପଟି ଓ ବନ୍ଦାପନା ପରେ ହେରାଗୋହିରୀ ସାହି ଦେଇ ଶ୍ରୀମନ୍ଦିର ଅଭିମୁଖେ ଯାଇଥିଲେ ମହାଲକ୍ଷ୍ମୀ ।

   Related Posts