ଭୋପାଳ - କଥାରେ ଅଛି ଯାହାକୁ ରଖିବେ ଅନନ୍ତ କି କରିପାରେ ବଳବନ୍ତ , ରଖେ ହରି ମାରେ କିଏ । ଏପରି ଏକ ଘଟଣା ମଧ୍ୟପ୍ରଦେଶରେ ଘଟିଛି । ରିକ୍ସା ଠିକ୍ ସମୟରେ ରାସ୍ତାରେ ଯାଉଥିବାରୁ ଗୋଟିଏ ଛୋଟ ପିଲାର ଜୀବନ ବଞ୍ଚିଯାଇଛି ।
ମଧ୍ୟ ପ୍ରଦେଶର ଟିକମଗଡରେ ଦ୍ୱିତୀୟ ମହଲାରୁ ଗୋଟିଏ ପିଲା ଖସି ପଡିଥିଲା । ଏକ ଆପାର୍ଟମେଣ୍ଟର ଦ୍ୱିତୀୟ ମହଲାରୁ ଏହି ଛୋଟ ପିଲାଟି ଖେଳୁଥିବା ଯୋଗୁଁ ଖସି ପଡିଥିଲା। ଏହି ସମୟରେ ସେହି ରାସ୍ତାରେ ଜଣେ ରିସ୍କା ଚାଳକ ତାଙ୍କ ରିକ୍ସା ନେଇଯାଉଥିଲା । ରିକ୍ସାର ସିଟ୍ ଉପରେ ଠିକ୍ ସମୟ ଅନୁସାରେ ପିଲାଟି ଖସିଥିଲା । ଏହି ପିଲାଟିର ପ୍ରାଣ ରକ୍ଷା ହୋଇଛି। ସିସି ଟିଭିରେ ଏହି ଦୃଶ୍ୟ କଏଦ ହୋଇଛି ।
ପରେ ପିଲାଟିର ପରିବାର ଲୋକ ଆସି ପିଲାଟିକୁ ନେଇଥିଲେ।
ପିଲାଟି ଦୁଇ ମହଲାରେ ଥିବା ବାଲକୋନିରେ ଖେଳୁଥିବା ବେଳେ ଭାରସାମ୍ୟ ହରାଇ ଖସି ପଡିଥିଲା ବୋଲି ପିଲାଟିର ବାପା ଆଶୀଷ ଜୈନ୍ କହିଛନ୍ତି । ମାତ୍ର ଏହା ଭଗବାନଙ୍କ ଆଶୀର୍ବାଦ ଓ ଏକ ଆଶ୍ଚର୍ଯ୍ୟ ଜନକ ଘଟଣା ଠିକ୍ ସେହି ସମୟରେ ରାସ୍ତାରେ ଏକ ରିକ୍ସା ଯାଉଥିଲା ।
ଏହାର ଭିଡିଓ ବିଭିନ୍ନ ସାମାଜିକ ଗଣମାଧ୍ୟମରେ ବେଶ୍ ଭାଇରାଲ୍ ହୋଇଛି । ହଜାର ହଜାର ଲୋକ ଏହାକ ଲାଇକ୍ ଓ ସେୟାର କରିଛନ୍ତି ।