ଗୋବର୍ଦ୍ଧନ ପୀଠ ଜମି ଫେରସ୍ତ ନେଇ ବୈଠକ
Published By : Prameya-News7 Bureau | July 13, 2018 IST
ଆଜି ଆଇନମନ୍ତ୍ରୀ ପ୍ରତାପ ଜେନା, ଗଜପତି ଦିବ୍ୟସିଂହ ଦେବ, ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀଙ୍କୁ ସାକ୍ଷାତ କରିଛନ୍ତି। ଗୋବର୍ଦ୍ଧନ ମଠରେ ଶଙ୍କରାଚାର୍ଯ୍ୟଙ୍କ ସହ ଆଲୋଚନାରେ ମଠକୁ ଶ୍ରୀମନ୍ଦିର ପ୍ରଶାସନ ଜମି ଫେରାଇବା ପ୍ରସଙ୍ଗ ସ୍ଥାନ ପାଇଥିଲା। ଗୋବର୍ଦ୍ଧନ ମଠର ପ୍ରାୟ ୫ ଏକର ଜମି ଶ୍ରୀମନ୍ଦିର ପ୍ରଶାସନ ନାମରେ ରେକର୍ଡ଼ ହେବାପରେ ଏହାକୁ ଫେରସ୍ତ ଦେବା ପାଇଁ ଶ୍ରୀମନ୍ଦିର ପ୍ରଶାସନ ନିଷ୍ପତ୍ତି ନେଇଥିଲା। ପ୍ରଶାସନର ଏହି ନିଷ୍ପତ୍ତି ସଂପର୍କରେ ଶ୍ରୀମନ୍ଦିର ପରିଚାଳନା କମିଟିର ଅଧ୍ୟକ୍ଷ ଭାବେ ଗଜପତି ଏ ନେଇ ଶଙ୍କରାଚାର୍ଯ୍ୟଙ୍କୁ ଅବଗତ କରିଥିଲେ। ସରକାରୀ ନିୟମ ଅନୁଯାୟୀ ଏହି ମଠ ଜମିକୁ ଫେରାଇବା ପାଇଁ ସବୁପ୍ରକାର ସହଯୋଗ ଦିଆଯିବ ବୋଲି ଶଙ୍କରାଚାର୍ଯ୍ୟଙ୍କୁ ଅବଗତ କରାଯାଇଥିଲା। ଏହାସହ ରଥ ଉପରେ ଶଙ୍କରାଚାର୍ଯ୍ୟଙ୍କ ଦର୍ଶନ ନେଇ ମଧ୍ୟ ପ୍ରଶାସନ ପକ୍ଷରୁ ନିମନ୍ତ୍ରଣ କରାଯାଇଥିଲା।