Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ମାତିଲେ ଲୁଟେରା, ଗାଁରେ ପଶି ଟ୍ରକ୍‌ରେ ଉଠାଇନେଲେ ୨୦ରୁ ଉର୍ଦ୍ଧ୍ବ ଛେଳି ଓ ମେଣ୍ଢା : ସିସିଟିଭିରେ କଏଦ ହେଲା ଦୃଶ୍ୟ

28/06/2021 at 11:17 AM

ଭଞ୍ଜନଗର ।୬: ଗଞ୍ଜାମ ଜିଲ୍ଲା ବେଲଗୁଣ୍ଠା ଥାନା ଅଞ୍ଚଳରେ ପୁଣି ଆନ୍ତଃରାଜ୍ୟ ଛେଳି ଏବଂ ମେଣ୍ଡା ଚୋରା ଚାଲାଣ ବଢିବାରେ ଲାଗିଛି । ଲକଡାଉନ୍ ଓ ସଟଡାଉନର ସୁଯୋଗ ନେଇ ଚୋରମାନେ ଟ୍ରକ୍ ଯୋଗେ ରାତିରେ ଛେଳି ମେଣ୍ଢା ଚୋରାଇ ଅନ୍ୟ ଜିଲ୍ଲାକୁ ପଳାଇ ଯାଉଛନ୍ତି । ଏହି ଚୋରା ଚାଲାଣ ବେଳର ଦୃଶ୍ୟ ସିସିଟିଭିରେ କଏଦ ହୋଇଛି ।

ଗତ ୭ତାରିଖ ମଧ୍ୟ ରାତ୍ରିରେ ଲୁଟେରାମାନେ ଏକ ଟ୍ରକ୍ ଯୋଗେ ବେଲଗୁଣ୍ଠା ଥାନା ନିକଟ ଚଢିଆପଲ୍ଲୀ ଗ୍ରାମରେ ପଶି ୨୦ରୁ ଉର୍ଦ୍ଧ୍ବ ଛେଳି ଏବଂ ମେଣ୍ଢାଙ୍କୁ ଏକ ଟ୍ରକରେ ଲୋଡ୍ କରି ନେଇଯାଇଛନ୍ତି । ଯାହାର ଭିଜୁଆଲ ସିସିଟିଭିରେ କଏଦ ହୋଇଛି । ଏହି ଚୋରି ଯାଇଥିବା ସମସ୍ତ ଛେଳି ଏବଂ ମେଣ୍ଢା ଗ୍ରାମର ବିଜୁଳି ଗୌଡଙ୍କର । ସେ ଏନେଇ ବେଲଗୁଣ୍ଠା ଥାନାରେ ମଧ୍ୟ ଏତଲା ଦେଇଛନ୍ତି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଚୋରଙ୍କ ସନ୍ଧାନ ମିଳିପାରିନାହିଁ । କାରଣ ଯେଉଁ ଟ୍ରକରେ ଲୋଡ଼ କରି ନିଆଯାଇଛି, ସେହି ଗାଡିର ସଠିକ୍ ନମ୍ବର ଦେଖାଯାଉନାହିଁ । କିନ୍ତୁ ସିସିଟିଭିରୁ ଅନ୍ୟ କିଛି ସୂଚନା ମିଳିପାରୁଛି ।

ଗତ ବର୍ଷ ମଧ୍ୟ ଏହିପରି ଭାବର ଛେଳି ଓ ମେଣ୍ଢା ଚୋରି ହୋଇଥିଲା । କିନ୍ତୁ ପୋଲିସ ଧରିବାର ସଫଳ ହୋଇଥିଲା । କିନ୍ତୁ ଏଥର ପୋଲିସ କୌଣସି ସୁରାକ ପାଇପାରୁନାହିଁ । ତେଣୁ ଚଢିଆପଲ୍ଲୀ ଗ୍ରାମର ଛେଳି ଚାଷୀ ଚିନ୍ତାରେ ଅଛନ୍ତି । ପୋଲିସ ତୁରନ୍ତ ଏଥିପ୍ରତି ଦୃଷ୍ଟି ଦେବାପାଇଁ ଗ୍ରାମବାସୀ ଦାବି କରିଛନ୍ତି ।

   Related Posts