ପାନାଜୀ, ୨୯/୦୭:  ଗୋଆରେ ନିକଟରେ ଦୁଇଜଣ ନାବାଳିକାଙ୍କୁ ଦୁଷ୍କର୍ମ ମାମଲାରେ ରାଜ୍ୟ ସରକାର ବିରୋଧୀଙ୍କ ଟାର୍ଗେଟରେ ରହିଛନ୍ତି । ଏହାମଧ୍ୟରେ ରାଜ୍ୟର ମୁଖ୍ୟମନ୍ତ୍ରୀ ପ୍ରମୋଦ ସାଓ୍ୱନ୍ତ ବିଧାନସଭାରେ ଅଜବ ପ୍ରତିକ୍ରିୟା ରଖିଛନ୍ତି । ଯାହାକୁ ନେଇ ବିବାଦ ସୃଷ୍ଟି ହୋଇଛି । ନାବାଳିକା ଦ୍ୱୟ ରାତିରେ କୁଆଡେ ଯାଉଛନ୍ତି ସେନେଇ ଅଭିଭାବକ ଧ୍ୟାନ ରଖିବା ଦରକାର ବୋଲି ପ୍ରମୋଦ କହିଥିଲେ । ଯାହାକୁ ନେଇ ତମ୍ବିତୋଫାନ ଆରମ୍ଭ ହୋଇଛି ।

ସୂଚନାନୁସାରେ, ଏହି ଘଟଣା ପରେ ପ୍ରମୋଦ ବିଧାନସଭାରେ କହିଥିଲେ ଯେ, ଜଣେ ୧୪ ବର୍ଷୀୟା ନାବାଳିକା ସାରା ରାତି ସମୁଦ୍ର କୂଳରେ ରହୁଛି । ଏନେଇ ମାତା-ପିତା ସଚେତନ ହେବା ଦରକାର । କାରଣ ପିଲାମାନେ କଥା ମାନନ୍ତି ନାହିଁ । ଖାଲି ସରକାର ଓ ପୋଲିସକୁ ଦୋଷ ଦେଲେ ହେବ ନାହି । ମୁଖ୍ୟମନ୍ତ୍ରୀଙ୍କ ଏହି ବୟାନ ରାଜ୍ୟ ରାଜନୀତିରେ ଝଡ ସୃଷ୍ଟି କରିଛି ।

wp:html

DISGRACEFUL, UNACCEPTABLE. The @goacm must be living in the Stone Age, but the world has moved on. By harbouring such revolting notions in this day and age, he’s proven that his govt is prejudiced and misogynistic. What safety and security can women expect from this @GovtofGoa? https://t.co/PPjLfxGMJ2

— Goa Forward (@Goaforwardparty) July 28, 2021

/wp:html

ଗୋଆ ଫରଓ୍ୱାର୍ଡ ପାର୍ଟିର ବିଧାୟକ ବିଜୟ ସରଦେଶାଇ କହିଛନ୍ତି ଯେ, ରାଜ୍ୟର ନାଗରିକଙ୍କ ସୁରକ୍ଷା ପୋଲିସ ଓ ସରକାରଙ୍କ ଦାୟିତ୍ୱ । ଏପରି ନହେଲେ ମୁଖ୍ୟମନ୍ତ୍ରୀ ପଦବୀରେ ରହିବାର କୌଣସି ଅଧିକାର ନାହିଁ । ସ୍ୱାଧିନ ବିଧାୟକ ରୋହନ ଖାଉନ୍ତେ ମଧ୍ୟ ମୁଖ୍ୟମନ୍ତ୍ରୀଙ୍କ ବୟାନକୁ ବିରୋଧ କରିଛନ୍ତି । ଯଦି ରାଜ୍ୟ ସରକାର ସୁକ୍ଷା ଦେଇପାରିବେ ନାହିଁ ତେବେ କିଏ ଦେବ ବୋଲି ସେ ପ୍ରଶ୍ନ କରିଛନ୍ତି ।

ସୂଚନାଯୋଗ୍ୟ, ଗତ ୨୪ ତାରିଖରେ ଗୋଆର ବେନାଲିମ୍ ବିଚରେ ଥିବା ଦୁଇ ନାବାଳିକାଙ୍କୁ ଦୁଷ୍କର୍ମ କରାଯାଇଥିଲା । ସେମାନଙ୍କ ସହ ଥିବା ୨ ଯୁବକଙ୍କୁ ମଧ୍ୟ କିଛି ଦୁର୍ବୃତ୍ତ ମାଡ ମାରିଥିଲେ । ଏହି ମାମଲାରେ ପୋଲିସ ୪ ଜଣଙ୍କୁ ଗିରଫ କରିଛି । ସେମାନଙ୍କ ମଧ୍ୟରୁ ଜଣେ ସରକାରୀ କର୍ମଚାରୀ ମଧ୍ୟ ଅଟନ୍ତି ।