Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗ୍ଲୋବାଲ ମେୟର୍ସ ଚ୍ୟାଲେଞ୍ଜ-୨୦୨୧: ବିଶ୍ୱର ଶ୍ରେଷ୍ଠ ୧୫ ସହରରେ ରାଉରକେଲା, ଟ୍ୱିଟ୍‌ କରି ପ୍ରଶଂସା କଲେ ମୁଖ୍ୟମନ୍ତ୍ରୀ
  • ||

ସରକାରୀ ଡାକ୍ତର ହୋଇଛନ୍ତି ବିଜେପି ପ୍ରାର୍ଥୀ : ନିର୍ବାଚନ ଅଧିକାରୀଙ୍କ ପାଖରେ ଫେରାଦ ହେଲା ବିଜେଡି

26/03/2019 at 8:48 PM

ଭୁବନେଶ୍ୱର, ୨୬/୩ : ମୟୁରଭଞ୍ଜ ଜିଲ୍ଲାର ରଙ୍ଗମାଟିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧୀନରେ ଥିବା ଭାଲୁକି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ କାର୍ଯ୍ୟରତ ଅଛନ୍ତି ଡାକ୍ତର ବୁଧନ ମୁର୍ମୁ | ସରକାରୀ ଚାକିରୀରେ ଥିବା ଏହି ବ୍ୟକ୍ତିଙ୍କୁ ବିଜେପି ସାରସକଣା ବିଧାନସଭା ଆସନରୁ ପ୍ରାର୍ଥୀ କରିଛି । ନିୟମ ଅନୁଯାୟୀ ସରକାରୀ ଚାକିରୀରେ ଥିବା କୌଣସି ବ୍ୟକ୍ତି ନିର୍ବାଚନରେ ପ୍ରତିଦ୍ବନ୍ଦିତା କରିବାକୁ ହେଲେ ଚାକିରୀ ଛାଡିବାକୁ ପଡିବ | ସେହିଭଳି ପ୍ରାର୍ଥୀ ଚାକିରି କରିଛନ୍ତି ନା ନାହିଁ, ଚାକିରୀ କରିଥିଲେ ସରକାରୀ କାର୍ଯ୍ୟରୁ ରିଲିଭ୍ ହୋଇଛନ୍ତି ନା ନାହିଁ ସେ ସବୁ ଅନୁଧ୍ୟାନ କରି ସଂପୃକ୍ତ ରାଜନୈତିକ ଦଳ ନିଜର ପ୍ରାର୍ଥୀ ଘୋଷଣା କରିବା କଥା |

ମାତ୍ର ସାରସକଣା ନିର୍ବାଚନ ମଣ୍ଡଳୀରେ ଡାକ୍ତର ବୁଧନ ମୁର୍ମୁଙ୍କ ପ୍ରାର୍ଥୀତ୍ବରେ ବ୍ୟତିକ୍ରମ ହୋଇଛି | ଚାକିରୀରେ ଥାଇ ପ୍ରାର୍ଥୀ ହେବା ସହ ନିଜ ପାଇଁ ନିର୍ବାଚନ ପ୍ରଚାରରେ ବି ଲାଗିଯାଇଛନ୍ତି । ଚାକିରୀରେ ଥାଇ ପ୍ରାର୍ଥୀ ହେବ ଏବଂ ଚାକିରୀରେ ଥିବା ବ୍ୟକ୍ତିଙ୍କୁ ପ୍ରାର୍ଥୀ କରିବା ଉଭୟ କ୍ଷେତ୍ରରେ ନିର୍ବାଚନ ଆଚରଣ ବିଧିର ସ୍ପଷ୍ଟ ଉଲ୍ଲଂଘନ ହେଉଛି । ଏହି ମାମଲାକୁ ଗମ୍ଭୀରତାର ସହ ଗ୍ରହଣ କରି ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିଜେଡ଼ି ପକ୍ଷରୁ ଦାବି କରାଯାଇଛି ।

ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିଥିବା ପ୍ରତିନିଧି ଦଳରେ ବିଜେଡି ମୁଖପାତ୍ର ଶ୍ରୀମତୀ ସୁଲତା ଦେଓ ଏବଂ ଡ. ସସ୍ମିତ୍ ପାତ୍ର ସାମିଲ ହୋଇଥିଲେ ।

   Related Posts