Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୃତୀୟ ଦିନିକିଆ: ୩ ଓ୍ବିକେଟ୍‌ରେ ଶ୍ରୀଲଙ୍କା ବିଜୟୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୦୪୪ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୩୬ ଡିସଚାର୍ଜ
  • ||
  • ରାଜଧାନୀରେ ବଢୁଛି ଆକ୍ଟିଭ କେସ୍ : ଭୁବନେଶ୍ବରରୁ ଦିନକରେ ୩୧୮ କରୋନା ଆକ୍ରାନ୍ତ ଚିହ୍ନଟ, ୨୩୫ ସୁସ୍ଥ
  • ||
  • କୋଭିଡ୍ ସ୍ଥିତି ନିୟନ୍ତ୍ରଣରେ, ତଥାପି ଆସିନି ସମ୍ପୂର୍ଣ୍ଣ ଆଶ୍ୱସ୍ତିର ସମୟ, ସତର୍କତାର ମନ୍ତ୍ର ସହ ମୁଖ୍ୟମନ୍ତ୍ରୀ କହିଲେ- ସ୍ୱାସ୍ଥ୍ୟସେବାକୁ ସରକାରଙ୍କ ସର୍ବୋଚ୍ଚ ପ୍ରାଥମିକତା
  • ||
  • +୩ ରେ ସାମିଲ ହେବ ବିପର୍ଯ୍ୟୟ ପରିଚାଳନା କୋର୍ସ, ରାଜ୍ୟ ଉଚ୍ଚଶିକ୍ଷା ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
  • ||
  • ଜି.ଉଦୟଗିରି : ପୁଅ ଓ ଝିଅକୁ କୂଅରେ ଫିଙ୍ଗି ମାରିଦେଲେ, ବାପା ଓ ମା’ ଗିରଫ
  • ||
  • ଭୁବନେଶ୍ବର : ‘ନୀଳାଦ୍ରି ବିଜେ’ ଅବସରରେ ନ୍ୟୁଜ୍ ୭ ପ୍ରସ୍ତୁତ କଲା ଆଉ ୨ଟି ଓଡିଆ ଭଜନ- ‘ବଡଦାଣ୍ଡ କାନ୍ଦେ କଇଁକଇଁ’ ଓ ‘ଏତେ ଅଭିମାନ କିଆଁ’
  • ||
  • ସୁନ୍ଦରଗଡ : ଦୁଇ ବାଇକ୍ ମୁହାଁମୁହିଁ ଧକ୍କା, ଜଣେ ମୃତ, ମହିଳାଙ୍କ ସମେତ ୨ ଗୁରୁତର
  • ||
  • ଭାରତ-ଶ୍ରୀଲଙ୍କା ତୃତୀୟ ଦିନିକିଆ : କ୍ଲିନ୍ ସ୍ୱିପ୍ ଲକ୍ଷ୍ୟରେ ଟିମ୍ ଇଣ୍ଡିଆ, ସମ୍ମାନ ପାଇଁ ଲଢିବ ଘରୋଇ ଦଳ
  • ||
  • ଗଜପତି : ଖୋଲିବ କି ACFO ସୌମ୍ୟରଞ୍ଜନଙ୍କ ମୃତ୍ୟୁ ରହସ୍ୟ : କାର୍ଯ୍ୟାଳୟରେ ଡିଏଫଓଙ୍କୁ ଚାଲିଛି ଜେରା
  • ||

ଟିକସ ଦିଅ, କଳା ସୁନାକୁ ଧଳା କରି ଦିଅ

31/07/2020 at 2:30 PM

ନୂଆଦିଲ୍ଲୀ,୩୧/୭: ବେଆଇନ ଭାବେ ସୁନା ମହଜୁଦ ରଖିଥିବା ଭାରତୀୟଙ୍କ ପାଇଁ ଏକ ସର୍ବକ୍ଷମା ଯୋଜନା ଆଣିବା ପାଇଁ ବିଚାର କରୁଛି ଅର୍ଥ ମନ୍ତ୍ରାଳୟ । ଟିକସ ଖିଲାପିକୁ ନିୟନ୍ତ୍ରଣ କରିବା ପାଇଁ ତଥା ଆମଦାନି ଉପରୁ ନିର୍ଭରତା କମାଇବା ପାଇଁ ଏହି ଯୋଜନା ଉପରେ ବିଚାର ହେଉଛି । ଏକ ବିଶେଷ ସୂତ୍ରରୁ ଏହା ଜଣାଯାଇଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟରେ ଏହି ପ୍ରସ୍ତାବକୁ ଉପସ୍ଥାପନ କରାଯାଇଛି । ଏହା ଅଧୀନରେ ସରକାର ଲୋକଙ୍କୁ ସେମାନଙ୍କ ଅଘୋଷିତ ସୁନା ବିଷୟରେ ଜଣାଇବା ପାଇଁ କହିବେ । ଟିକସ କର୍ତ୍ତୃପକ୍ଷଙ୍କୁ ନିଜ ଅଘୋଷିତ ସୁନା ବିଷୟରେ ଜଣାଇ ତଥା ଟିକସ ଓ ଜରିମାନା ଦେଇ ଭାରତୀୟମାନେ ନିଜକୁ ସ୍ୱଚ୍ଛ ପ୍ରମାଣିତ କରିପାରିବେ ବୋଲି ନାମ ଗୋପନ ରଖିବା ସର୍ତ୍ତରେ ଜଣେ ଅଧିକାରୀ ସୂଚନା ଦେଇଛନ୍ତି । ଏହି ଯୋଜନା ଏବେ ପ୍ରାଥମିକ ପର୍ଯ୍ୟାୟରେ ରହିଛି । ସରକାର ସଂପୃକ୍ତ ଅଧିକାରୀମାନଙ୍କଠାରୁ ଏହା ଉପରେ ମତାମତ ସଂଗ୍ରହ କରୁଥିବା ଅଧିକାରୀଜଣକ କହିଛନ୍ତି । ୨୦୧୫ରେ ସରକାର ଏକ ଯୋଜନା ଆଣିଥିଲେ ।

ଭାରତୀୟ ପରିବାର ଏବଂ ସଂସ୍ଥାନଗୁଡିକ ଦ୍ୱାରା ମହଜୁଦ ରଖାଯାଇଥିବା ପ୍ରାୟ ୨୫,୦୦୦ ଟନ୍‌ ସୁନାକୁ ବଜାରକୁ ଆଣିବା ପାଇଁ ଏ ସ୍କିମ୍‌ ଅଣାଯାଇଥିଲା । ସୁନାକୁ ନିବେଶ ଭାବେ ବ୍ୟବହାର କରିବା ପାଇଁ ସରକାର ଭାରତୀୟଙ୍କୁ ବିକଳ୍ପ ଦେଇଥିଲେ । କିନ୍ତୁ ଏହି ଯୋଜନା ବିଫଳ ହୋଇଥିଲା । ଲୋକେ ସୁନାକୁ ନିଜଠାରୁ ଦୂରେଇବାକୁ ଚାହିଁଲେନି । ଅଧିକାଂଶ ଭାରତୀୟ ଅଳଙ୍କାର ଆକାରରେ ସୁନା ଗଚ୍ଛିତ ରଖନ୍ତି ଏବଂ ବିଶେଷ ମୁହୂର୍ତ୍ତରେ ପିନ୍ଧିଥାନ୍ତି । ଆଉ ଅନେକ ଭାରତୀୟ ଟିକସ କର୍ତ୍ତୃପକ୍ଷଙ୍କ ଡରରେ ଏହାକୁ ଲୁଚାଇ ରଖିଥାନ୍ତି । ସୂତ୍ରରୁ ଜଣାଯାଇଛି, ଯେଉଁମାନେ ମହଜୁଦ ରଖିଥିବା ସୁନା ବିଷୟରେ ସୂଚନା ଦେବେ ସେମାନଙ୍କୁ ସେମାନଙ୍କର କିଛି ପରିମାଣର ବୈଧ ସୁନାକୁ ସରକାରଙ୍କ ନିକଟରେ କିଛି ବର୍ଷ ପାଇଁ ଜମା କରିବାକୁ ପଡ଼ିବ ।

ଅନ୍ୟପକ୍ଷରେ, ବେଆଇନ ଭାବେ ମହଜୁଦ ରଖିଥିବା ଲୋକେ ଜରିମାନା ଏବଂ ଟିକସ ଦେଇ ଆଇନମୂଳକ କାର୍ଯ୍ୟାନୁଷ୍ଠାନରୁ ବର୍ତ୍ତିପାରିବେ । ଗତବର୍ଷ ଅର୍ଥ ମନ୍ତ୍ରାଳୟ ଏଭଳି ଏକ ଯୋଜନା ଉପରେ ବିଚାର କରିଥିଲା । ତେବେ ଉକ୍ତ ସମୟରେ ଏ ବିଷୟରେ କୌଣସି ସୂଚନା ଦିଆଯାଇ ନ ଥିଲା ।

   Related Posts