Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଜିବ ଓ ରଶିଦଙ୍କ ଘାତକ ବୋଲିଂ, ସ୍କଟଲାଣ୍ଡକୁ ୧୩୦ ରନରେ ହରାଇଲା ଆଫଗାନିସ୍ତାନ
  • ||
  • ଇଣ୍ଡିଆନ ପ୍ରିମିୟର ଲିଗ୍ (IPL)ରେ ସାମିଲ ହେଲେ ଆଉ ୨ଟି ନୂଆ ଟିମ । ୨ ଟିମ ଅହମ୍ମଦାବାଦ ଏବଂ ଲକ୍ଷ୍ନୌ ଆସନ୍ତାବର୍ଷ ହେବାକୁ ଥିବା ଆଇପିଏଲରେ ଅଂଶଗ୍ରହଣ କରିବେ ।
  • ||
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ଆର୍ମି ଅଫିସର କହି ଫେସବୁକରେ ବାଇକ ବିକ୍ରିର ମେସେଜ ଛାଡି ଯୁବକଙ୍କଠୁ ଠକି ନେଲେ ୫୩ ହଜାର ଟଙ୍କା

26/09/2021 at 9:12 PM

ମାଲକାନଗିରି ୨୬।୦୯: ପୁଣି ଦେଖିବାକୁ ମିଳିଛି ଆଉ ଏକ ଅନଲାଇନ ଠକେଇ ଘଟଣା। ନିଜକୁ ଆର୍ମି ଅଫିସରର ପରିଚୟ ଦେଇ ନିଜର ଏକ ଦାମୀ ବାଇକ୍‌କୁ କମ ମୂଲ୍ୟରେ ବିକ୍ରି କରିବା ପାଇଁ ଫେସବୁକରେ ବାଇକର ଫଟୋ ସହ ମେସେଜ ଛାଡିଥିଲେ କଲିକତାର ଜଣେ ଯୁବକ। ଏହି ମେସେଜକୁ ଦେଖି କମ ମୂଲ୍ୟରେ ଏକ ବାଇକ ମିଳୁଥିବା ଲୋଭରେ ମାଲକାନଗିରି ଜିଲ୍ଲା ମାଥିଲି ଥାନା ଅନ୍ତର୍ଗତ ଡେଙ୍ଗାଗୁଡା ଗ୍ରାମର ଜଗନ୍ନାଥ ଭୂମିୟା ତାଙ୍କ ସହ ଯୋଗାଯୋଗ କରିଥିଲେ। ଅନଲାଇନ୍‌ରେ ଗାଡି କାଗଜପତ୍ର ଅରିନ୍ଦମ ରାୟ ଓ ସେ ଜଣେ ଆର୍ମି ବିଭାଗର କର୍ମଚାରୀ ବୋଲି ପରିଚୟ ମିଳିବାରୁ ଜଗନ୍ନାଥ ବାଇକ କିଣିବା ପାଇଁ ଆଗ୍ରହ ପ୍ରକାଶ କରିଥିଲେ।

ସେ ଯୁବକ ରମେଶ ନାମରେ ଥିବା ଏକ ଆକାଉଣ୍ଟ ନମ୍ବରକୁ ଟଙ୍କା ପଠାଇବା ପାଇଁ କହିବାରୁ ଜଗନ୍ନାଥ କ୍ରମାଗତ ଭାବେ ସେ ଆକାଉଣ୍ଟକୁ ୫୨ ହଜାର ୮୫୪ ଟଙ୍କା ପଠାଇଥିଲେ। ଟଙ୍କା ପଠାଇବା ପରେ ସେ  ବାଇକ ନ ଦେବାରୁ ତୁରନ୍ତ ବାଇକ ପଠାଅ ବୋଲି ଜଗନ୍ନାଥ  କହିଥିଲେ। ହେଲେ ଉକ୍ତ ଯୁବକ ମୁଁ ଜଣେ ଆର୍ମି ବିଭାଗର କର୍ମଚାରୀ, ଇଚ୍ଛା କଲେ ତୁମ ଜୀବନ ବରବାଦ କରି ଦେବି। ତୁମକୁ ବିଭିନ୍ନ କେସ୍‌ରେ ଫସାଇ ଦେବି, ତୁମେ କେଉଁଠି ଚାକିରି ପାଇ ପାରିବ ନାହିଁ। ଯଦି ଭବିଷ୍ୟତ ଭଲ ଚାହୁଁଛ ତେବେ ସେହି ଆକାଉଣ୍ଟରେ ଆଉ ୨୧ ହଜାର ଟଙ୍କା ଜମାକର। ନଚେତ୍ ଭଲ ହେବ ନାହିଁ। ମୁଁ ଜଣେ ଗରିବ ଯୁବକ, ଆଉ ଟଙ୍କା ଦେଇ ପାରିବି ନାହିଁ । ମୁଁ ଘଟଣା  ବିଷୟରେ ପୋଲିସକୁ ଜଣାଇବି ବୋଲି ଜଗନ୍ନାଥ କହିଥିଲେ। ତୁମ ପୋଲିସ ମୋ ଅଣ୍ଡରରେ, ମୋର କିଛି ହେବ ନାହିଁ, କେସ୍ କରିବୁ ଯଦି କର ବୋଲି ସେ ଯୁବକ ଜଗନ୍ନାଥଙ୍କୁ ଧମକ ଦେଇଥିଲେ। ଆଜି ଘଟଣା ସଂପର୍କରେ ଜଗନ୍ନାଥ ଭୂମିୟା ମାଲକାନଗିରି ଥାନାରେ ଏକ ଲିଖିତ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭ କରିଛି।

   Related Posts