Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପିସିସି ସଭାପତି ନିରଞ୍ଜନ ପଟ୍ଟନାୟକ ଅସୁସ୍ଥ
  • ||
  • କାଳିଠୁ କୋଣାର୍କ ମନ୍ଦିର ବନ୍ଦ
  • ||
  • ଗ୍ୟାଙ୍ଗଷ୍ଚର ହାଇଦର ଗିରଫ ।। ତେଲେଙ୍ଗାନାରୁ ଗିରଫ କଲା ପୋଲିସ ।। ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀଙ୍କ ସୂଚନା ।। ଏପ୍ରିଲ ୧୦ରେ କଟକ ଏସସିବି ମେଡିକାଲ କଲେଜ ହସ୍ପିଟାଲରୁ ହୋଇଯାଇଥିଲା ଫେରାର
  • ||
  • ଅନ୍ୟ ରାଜ୍ୟକୁ ବସ ସେବା ବନ୍ଦ, ୫୦ ପ୍ରତିଶତ କର୍ମଚାରୀରେ ଚାଲିବ ସରକାରୀ ଅଫିସ, କୋଚିଂ ସେଣ୍ଟରରେ ଅଫ୍‌ଲାଇନ୍‌ କ୍ଲାସ୍‌ ମନା । ବିବାହ ପାଇଁ ସର୍ବାଧିକ ୫୦ ଜଣ ଏବଂ ଅନ୍ତିମ ସଂସ୍କାର ପାଇଁ ଅତିବେଶୀରେ ୨୦ ଜଣଙ୍କୁ ଅନୁମତି
  • ||
  • ବାକି ୨୦ ଜିଲ୍ଲାର ସହରାଞ୍ଚଳରେ କାଲିଠୁ ନାଇଟ୍‌ କର୍ଫ୍ୟୁ
  • ||
  • ଛତିଶଗଡ଼ ସୀମାନ୍ତ ୧୦ ଜିଲ୍ଲାର ସହରାଞ୍ଚଳରେ ବଦଳିଲା ନାଇଟ୍‌ କର୍ଫ୍ୟୁ ସମୟ
  • ||
  • ରାଜ୍ୟରେ ଫେରିଲା କୋଭିଡ୍‌ କଟକଣା
  • ||
  • ୨୧ ଆଇଏଏସ୍‌ଙ୍କୁ କୋଭିଡ୍‌ ପର୍ଯ୍ୟବେକ୍ଷଣ ଦାୟିତ୍ୱ
  • ||
  • ୨୧ ଆଇଏଏସ୍‌ଙ୍କୁ କୋଭିଡ ପର୍ଯ୍ୟବେକ୍ଷକ ଦାୟିତ୍ବ
  • ||
  • ଭଦ୍ରକ : ବୈତରଣୀ ନଦୀରେ ବୁଡି ଭାଇ-ଭଉଣୀଙ୍କ ସଲୀଳ ସମାଧି, ପିଉସୀଙ୍କ ଘରୁ ଫେରିବା ବେଳେ ଅଘଟଣ
  • ||

ମୁଣ୍ଡକାରୁ ଜିନ୍ସ ପିନ୍ଧା ଅର୍ଦ୍ଧନଗ୍ନ ଯୁବତୀଙ୍କ ମୁଣ୍ଡବିହୀନ ଶବ ଉଦ୍ଧାର : ଦୁଷ୍କର୍ମ ଓ ହତ୍ୟା ସନ୍ଦେହ, ମିଳୁନି ପରିଚୟ

19/10/2018 at 4:40 PM

ନୂଆଦିଲ୍ଲୀ ୧୯/୧୦: ମୁଣ୍ଡକା ମେଟ୍ରୋ ଷ୍ଟେସନରୁ ପ୍ରାୟ ୫୦୦ମିଟର ଦୂରରେ ଥିବା ଏକ ପଡ଼ିଆରେ ଜଣେ ଯୁବତୀଙ୍କ ମୁଣ୍ଡବିହୀନ ଶବ ମିଳିଛି। ମୃତ ଯୁବତୀଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ରହିଛି। ଦୁର୍ବୃତ୍ତମାନେ ଯୁବତୀଙ୍କ ପରିଚୟ ନମିଳିବା ପାଇଁ ତାଙ୍କ ମୁଣ୍ଡକୁ ଅନ୍ୟ କେଉଁ ସ୍ଥାନରେ ପକାଇଥାଇପାରନ୍ତି ବୋଲି ଅନୁମାନ କରାଯାଉଛି। ପୋଲିସ୍ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ପୋଲିସ ପାଇଁ ଯୁବତୀଙ୍କର ପରିଚୟ ଖୋଜିବା ଗୁରୁତ୍ବପୂର୍ଣ ହୋଇଛି।

ପୋଲିସ୍ କର୍ମଚାରୀଙ୍କ କହିବା ମୁତାବକ କିଛି ସଫେଇ କର୍ମଚାରୀ ଶବକୁ ପ୍ରଥମେ ଦେଖିଥିଲେ। ସେମାନେ ଏହି ସୂଚନା ପାଖରେ ଥିବା ଏକ ନିର୍ମାଣାଧୀନ କୋଠାରେ କାର୍ଯ୍ୟରତ ଶ୍ରମିକ ଏବଂ  ନିକଟରେ ଥିବା ଏକ ବିଦ୍ୟାଳୟର କର୍ମଚାରୀଙ୍କୁଙ୍କୁ ଦେଇଥିଲେ।

ଯୁବତୀଙ୍କ ବୟସ ପାଖାପାଖି ୨୨ବର୍ଷ ହେବ ବୋଲି ଅନୁମାନ କରାଯାଉଛି। ତାଙ୍କ ଶରୀରରେ ଧାରୁଆ ଅସ୍ତ୍ରରେ କଟାଯାଇଥିବାର ଦାଗ ରହିଛି। ଯୁବତୀଜଣକ ଜିନସ ପ୍ୟାଣ୍ଟ ପିନ୍ଧିଛନ୍ତି । ଶବ ଦେହରେ କୈାଣସି ଏପରି ଜିନିଷ ନାହିଁ, ଯେଉଁଥିରୁ ତାଙ୍କ ପରିଚୟ ମିଳିପାରିବ। ଶବଟି ୩/୪ଦିନ ହେବ ସେଠାରେ ପଡ଼ିରହିଛି। ପରିସ୍ଥିତିରୁ ଅନୁମାନ କରାଯାଉଛି ଯେ ଯୁବତୀଙ୍କୁ ଅନ୍ୟ କୋଉଠି ହତ୍ୟା କରିବା ପରେ  ଏଠାରେ ଫିଙ୍ଗି ଦିଆଯାଇଛି।

ମୃତ ଯୁବତୀ ଜିନ୍ସ ପ୍ୟାଣ୍ଟ ପିନ୍ଧିଥିଲେ ମଧ୍ୟ ତାହା ତଳକୁ ଖସିଯାଇଛି। ତାଙ୍କ ଦେହରେ ଥିବା ପୋଷାକକୁ ଦେଖିଲେ ଲାଗୁଛି ତାଙ୍କୁ ଦୁଷ୍କର୍ମ କରାଯାଇଛି। ଶବର ପରିଚୟ ନିମନ୍ତେ ପୋଲିସ୍ ଆଖପାଖର ଥାନା ସହିତ ଯୋଗାଯୋଗ କରିଛି। ପୋଲିସ୍ କର୍ମଚାରୀଙ୍କ କହିବା ଅନୁସାରେ ଯେଉଁଠାରେ ଶବକୁ ଫିଙ୍ଗାଯାଇଛି ସେଠାରେ ଆଖପାଖରେ କୈାଣସି ଯାଗାରେ ସିସିଟିଭି ଲାଗିନାହିଁ। ୫୦୦ମିଟର ଦୂରରେ ମେଟ୍ରୋ ଷ୍ଟେସନରେ ସିସିଟିଭି ଅଛି କିନ୍ତୁ ଏହାକୁ ମଧ୍ୟ ବାହାର କରିବାକୁ ଉଦ୍ୟମ କରାଯାଉଛି।

   Related Posts