Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||

୪ମାସ ହେବ ନିଖୋଜ ଥିବା ପୋଲିସ୍ କନଷ୍ଟେବଳଙ୍କ ଫିଟିଲା ହତ୍ୟା ଗୁମର : ଭିଣୋଇଙ୍କ ଘର ଉଜାଡ଼ି ବନ୍ଧୁ ସହ ମିଶି ହତ୍ୟା କଲା ଶାଳୀ

19/12/2019 at 10:12 AM

ବୁନ୍ଦି ୧୯/୧୨: ୪ମାସରୁ ନିଖୋଜ ଥିବା ବୁନ୍ଦି ପୋଲିସ କନଷ୍ଟେବଲ୍ ଅଭିଷେକ ଶର୍ମାଙ୍କ ଗଳିତ ଶବ ମାଧୋପୁର ଜିଲ୍ଲାର ବୌଲିରୁ ଉଦ୍ଧାର କରାଯାଇଛି। କନଷ୍ଟେବଲଙ୍କ ସମ୍ପର୍କୀୟ ଶାଳୀ ଏବଂ ପ୍ରେମିକା ତାର ବନ୍ଧୁ ସହ ମିଶି ହତ୍ୟା କରିବା ପରେ ଶବକୁ ମାଟିରେ ପୋତି ଦେଇଥିଲା।

ବୁନ୍ଦି ବାସିନ୍ଦା କନଷ୍ଟେବଲ୍ ଅଭିଷେକ ଶର୍ମା(୩୦) ୧୧ବର୍ଷ ପୂର୍ବରୁ ପୋଲିସରେ ନିଯୁକ୍ତ ହୋଇଥିଲେ। ଅଗଷ୍ଟ ୨୮ତାରିଖରେ ଘରୁ ଡ୍ୟୁଟି ଯିବାପାଇଁ ବାହାରିଥିଲେ କିନ୍ତୁ ଘରକୁ ଫେରିନଥିଲେ। ପରିବାର ଲୋକେ ଖୋଜାଖୋଜି କରିବା ପରେ ସେପ୍ଟେମ୍ବର ୫ତାରିଖରେ ର ଅଭିଷେକଙ୍କ ନିଖୋଜ ଥିବା ଅଭିଯୋଗ କରିଥିଲେ। ଅଭିଷେକଙ୍କ ପରିବାରଲୋକେ ତାଙ୍କ ଶ୍ବଶୁର ଘର ଏବଂ ଶ୍ୟାମାଙ୍କ ବିରୋଧରେ ଅଭିଯୋଗ କରିଥିଲେ। ଶ୍ୟାମା ଅଭିଷେକଙ୍କ ପତ୍ନୀଙ୍କ ପିଉସୀଙ୍କ ଝିଅ। ପୋଲିସ୍ ଯାଞ୍ଚ କରିବାରୁ ଶ୍ୟାମାଙ୍କ ସହ ଅଭିଷେକଙ୍କ ସମ୍ପର୍କ ଥିବା କଥା ଜଣାପଡ଼ିଥିଲା।

ପୋଲିସ୍ ପ୍ରମାଣ ଖୋଜିବା ପରେ ଶ୍ୟାମାଙ୍କୁ ପଚରାଉଚୁରା କରିବାରୁ ସେ ତାଙ୍କ ବନ୍ଧୁ ନଭେଦଙ୍କ ସହ ମିଶି ଅଭିଷେକଙ୍କୁ ହତ୍ୟା କରିଥିବା କଥା ମାନିଥିଲେ। ଏହା ପରେ ପୋଲିସ୍ ଗତକାଲି ଉଭୟଙ୍କୁ ଗିରଫ କରି ଶବ ଅଭିଷେକଙ୍କ ଶବ ବାହାର କରିଥିଲେ ଯାହା କଙ୍କାଳ ହୋଇଯାଇଥିଲା। ଶବଟି ପାଖାପାଖି ୧୧୦ଦିନ ପୁରୁଣା ବୋଲି କୁହାଯାଉଛି। ପଚରାଉଚୁରା କରିବାରୁ ଜଣା ପଡ଼ିଥିଲା ଯେ ଦୁହେଁ ମିଶି ଅଗଷ୍ଟ ମାସରେ ଅଭିଷେକଙ୍କୁ ହତ୍ୟା କରି ପୁରୁଣା ମହଲ ନିକଟରେ ପୋତି ଦେଇଥିଲେ।

ଅଭିଷେକଙ୍କ ଭଉଣୀ କହିଥିଲେ ଯେ ସେ କେବେ ଭାବିନଥିଲେ ଯେ ତାଙ୍କ ଭାଇ ଏପରି ଷଡ଼ଯନ୍ତ୍ରରେ ଫସିବେ। ଶ୍ୟାମା ପ୍ରଥମେ ତାଙ୍କ ଘର ଉଜାଡ଼ି ଥିଲେ ତା’ପରେ ତାଙ୍କୁ ହତ୍ୟା କରିଥିଲେ।

ଅଭିଷେକଙ୍କ ମାଆ କହିଥିଲେ ଯେ କିଛି ବର୍ଷ ତଳେ ଶ୍ୟାମା ଅଭିଷେକଙ୍କ ଘରେ ୨୦ଦିନ ରହିଯାଇଥିଲେ। ଏଠାରେ ରହିବା ବେଳେ ଅଭିଷେକଙ୍କ ସହ ତାଙ୍କର ଘନିଷ୍ଠତା ବଢ଼ିଥିଲା। ଏବିଷୟରେ ଜଣାପଡ଼ିବାରୁ ସ୍ବାମୀସ୍ତ୍ରୀଙ୍କ ମଧ୍ୟରେ ଝଗଡ଼ା ହୋଇଥିଲା। ଝଗଡ଼ା ଏତେ ବଢ଼ିଯାଇଥିଲା ଯେ ସ୍ତ୍ରୀ ଛାଡ଼ପତ୍ର ମାମଲା ରୁଜୁ କରିଥିଲେ। ଦିବ୍ୟା ୪/୫ମାସରୁ ତାଙ୍କ ବାପଘରେ ରହୁଥିଲେ।

   Related Posts