ଲକ୍ଷ୍ନୌ, ୦୨|୦୭: ଉତ୍ତର ପ୍ରଦେଶର ସନ୍ତକବୀରନଗରର ଧନଘଟା ଅଞ୍ଚଳରେ ଥିବା ଏକ ଗ୍ରାମରେ ଦ୍ୱାର ପୂଜା ଆରମ୍ଭ ହେବା ସମୟରେ ଏପରି କିଛି ଘଟିଲା ଯାହା ଦେଖିବା ପରେ ଉପସ୍ଥିତ ଲୋକମାନେ ଚକିତ ହୋଇଯାଇଥିଲେ । କାରଣ କନ୍ୟା ବରକୁ ଘର ଭିତରୁ ଦେଖିବା ପରେ ବିବାହ କରିବାକୁ ରୋକଠୋକ ମନା କରିଦେଇଥିଲେ । କନ୍ୟା ବର ନିକଟରେ ଛିଡା ହୋଇଥିବା ଯୁବକଙ୍କୁ ଇଶାରା କରି ତାଙ୍କୁ ହିଁ ବିବାହ କରିବେ ବୋଲି ଜିଦ୍ କରିଥିଲେ ।
କନ୍ୟାର ଜିଦ୍ ପାଇଁ ଦ୍ୱାର ପୂଜାକୁ ବନ୍ଦ କରିବାକୁ ପଡିଥିଲା । ବର ଓ କନ୍ୟା ପକ୍ଷ କନ୍ୟାର ଜିଦ୍ ଆଗରେ ଅସହାୟ ମନେ ହେଉଥିଲେ । ପରିବାର ଲୋକେ କନ୍ୟାଙ୍କୁ ଯେତେ ବୁଝାଇବାକୁ ଚେଷ୍ଟା କରିଥିଲେ ମଧ୍ୟ ସଫଳ ହୋଇନଥିଲେ । ଏହା ମଧ୍ୟରେ ମାମାଲା ଯାଇ ଜଗଦୀଶପୁର ପୋଲିସ ନିକଟରେ ପହଁଚିଥିଲା । ଥାନା ଅଧିକାରୀ ଘଟଣାସ୍ଥଳରେ ପହଁଚି କନ୍ୟାକୁ ବୁଝାସୁଜା କରିଥିଲେ । ଏପରିକି କନ୍ୟା ଅଭିଯୋଗ ଆଣିଲେ ଯେ, ତାଙ୍କ ବିବାହ ବରର ବନ୍ଧୁ ସହ ଠିକ୍ ହୋଇଥିଲା । ସେ ଯାହା ସହ କଥା ହେଉଥିଲେ ସେ ବରର ବନ୍ଧୁ ଥିଲେ ।
ପରେ ସ୍ଥାନୀୟ ଲୋକେ ଅନେକ ବୁଝାସୁଜା କରିବା ପରେ ବିବାହ ପାଇଁ କନ୍ୟା ରାଜି ହୋଇଥିଲେ । ରାତି ୨ଟାରେ ଦ୍ୱାର ପୂଜା ଅନୁଷ୍ଠିତ ହୋଇଥିଲା ।
